ಪೂಜ್ಯ ಶ್ರೀ ಸಿದ್ಧೇಶ್ವರ ಮಹಾಸ್ವಾಮಿಗಳ ಆಧ್ಯಾತ್ಮಿಕ ಪ್ರವಚನದ ಬಿತ್ತಿ ಪತ್ರ ಬಿಡುಗಡೆ

ಭಾಲ್ಕಿ: ವಿಜಯಪುರ ಜ್ಞಾನಯೋಗಾಶ್ರಮದ ಪರಮಪೂಜ್ಯ ಶ್ರೀ ಸಿದ್ಧೇಶ್ವರ ಮಹಾಸ್ವಾಮಿಗಳು ಅವರಿಂದ ಭಾಲ್ಕಿ ಪಟ್ಟಣದ ಚನ್ನಬಸವಾಶ್ರಮದಲ್ಲಿ ೨೦೨೧ ರ ನವೆಂಬರ್ ೪ ರಿಂದ ಒಂದು ತಿಂಗಳು ಪರ್ಯಂತ ಪ್ರತಿದಿನ ಬೆಳಿಗ್ಗೆ ೬-೩೦ ರಿಂದ ೭-೩೦ ರವರೆಗೆ ಆಧ್ಯಾತ್ಮಿಕ ಪ್ರವಚನ ಏರ್ಪಡಿಸಲಾಗಿದ್ದು, ಪೂರ್ವಭಾವಿಯಾಗಿ ಪೂಜ್ಯ ಡಾ.ಬಸವಲಿಂಗ ಪಟ್ಟದ್ದೇವರ ದಿವ್ಯಸನ್ನಿಧಾನದಲ್ಲಿ ಬಿತ್ತಿ ಪತ್ರ ಬಿಡುಗಡೆಗೊಳಿಸಲಾಯಿತು.

ವಿಜಯಪುರದ ಶ್ರೀ ಜ್ಞಾನಯೋಗಾಶ್ರಮದ ಪೂಜ್ಯ ಶ್ರೀ ಸಿದ್ಧೇಶ್ವರ ಮಹಾಸ್ವಾಮಿಗಳು ಸರ್ವಧರ್ಮ ದರ್ಶನಗಳ ಸಾರವನ್ನೆಲ್ಲ ಅರಗಿಸಿಕೊಂಡಿರುವ ಮಹಾನುಭಾವಿಗಳು ನಡೆ-ನುಡಿಗಳನ್ನು ಒಂದಾಗಿಸಿಕೊಂಡು ಆದರ್ಶ ಜೀವನ ನಡೆಸುವವರು. ಇಂತಹ ಪೂಜ್ಯರ ಆದ್ಯಾತ್ಮಿಕ ಪ್ರವಚನ ತಿಂಗಳ ಪರ್ಯಂತ ನಡೆಯಲಿದ್ದು, ಎಲ್ಲರೂ ಇದರ ಸದುಪಯೋಗ ಪಡೆದುಕೊಳ್ಳಲು ಪೂಜ್ಯ ಶ್ರೀ ಡಾ.ಬಸವಲಿಂಗ ಪಟ್ಟದ್ದೇವರು ತಿಳಿಸಿದರು. ಪೂಜ್ಯ ಶ್ರೀ ಗುರುಬಸವ ಪಟ್ಟದ್ದೇವರು, ಪೂಜ್ಯ ಶ್ರೀ ಮಹಾಲಿಂಗ ಸ್ವಾಮಿಗಳು ಉಪಸ್ಥಿತರಿದ್ದರು.

ಶರಣ ಸೋಮನಾಥಪ್ಪ ಅಷ್ಟೂರೆ, ಶರಣ ಸುಭಾಷ ಕಾರಾಮುಂಗೆ, ಶರಣ ಉಮಾಕಾಂತ ವಾರದ, ಶರಣ ಬಸವ ವಂಕೆ, ಶರಣ ಚನ್ನಬಸವಣ್ಣ ಬಳತೆ, ಶರಣ ಪ್ರಸನ್ನ ಖಂಡ್ರೆ, ಶರಣ ಸಾಗರ ಖಂಡ್ರೆ, ಶರಣ ಶಶಿಧರ ಕೋಸಂಬೆ, ಶರಣ ಸಾಗರ ಮಾಲಾನಿ, ಶರಣ ಗಣಪತಿ ಬೋಚರೆ, ಶರಣ ಬಂಡೆಪ್ಪ ಕಾರಾಮುಂಗೆ ಮುಂತಾದವರು ಉಪಸ್ಥಿತರಿದ್ದರು.