ವಿಶ್ವಜ್ಯೋತಿ ಪ್ರತಿಷ್ಠಾನಕ್ಕೆ ಹನ್ನೊಂದರ ಹೊನಲು ಸಮಾರೋಪ: ಸಾಧಕರಿಗೆ ಸನ್ಮಾನ

ಕಲಬುರಗಿ: ವಿಶ್ವಜ್ಯೋತಿ ಪ್ರತಿಷ್ಠಾನಕ್ಕೆ ಹನ್ನೊಂದರ ಹೊನಲು ಹಾಗೂ ಸಾಂಸ್ಕೃತಿಕ ಸಂಘಟಕ ವಿಜಯಕುಮಾರ ಪಾಟೀಲ ತೇಗಲತಿಪ್ಪಿ ಯವರ ಜನ್ಮಜ್ಯೋತಿಗೆ ನಲ್ವತ್ತರ ಬೆಳಕು ನಿಮಿತ್ತ ತಿಂಗಳ ಪರ್ಯಂತ ವಿವಿಧ ಕಾರ್ಯಕ್ರಮದ ಭಾಗವಾಗಿ ಇಂದು ನಗರದ ಎನ್.ವಿ. ಬಿ.ಈಡಿ. ಕಾಲೇಜಿನಲ್ಲಿ ಅಂಗದಾನದರಿವು ಸಮಾರಂಭದ ಜೊತೆಗೆ ಹೆಚ್ಚು ಬಾರಿ ರಕ್ತದಾನ ಮಾಡಿದ ಮತ್ತು ದೇಹದಾನ ಮಾಡಲಿಕ್ಕೆ ಒಪ್ಪಿಗೆ ನೀಡಿದ ಮಹಾನುಭಾವರಿಗೆ ವಿಶೇಷವಾಗಿ ಗೌರವಿಸುವ ಮೂಲಕ ಸರಣಿ ಕಾರ್ಯಕ್ರಮದ ಸಮಾರೋಪಗೊಳಿಸಲಾಯಿತು.

ಪ್ರತಿಯೊಬ್ಬರೂ ಸಮಾಜ ಸೇವೆಯಲ್ಲಿ ತೊಡಗಿಸಿಕೊಳ್ಳಬೇಕು. ಮಣ್ಣಲ್ಲಿ ಮಣ್ಣಾಗುವ ದೇಹವನ್ನು ಮೆಡಿಕಲ್ ಕಾಲೇಜುವೊಂದಕ್ಕೆ ದಾನ ಮಾಡುವ ಮೂಲಕ ಸಮಾಜ ಸೇವೆ ಮುಂದುವರಿಸಬೇಕು.

ಒಂದು ಹನಿ ರಕ್ತದಿಂದ ಒಂದು ಜೀವ ಉಳಿಯುದಾದರೇ ರಕ್ತ ಮಾಡಿದ  ವ್ಯಕ್ತಿ ನಿಜಕ್ಕೂ ಕಣ್ಣಿಗೆ ಕಾಣುವ ದೇವರು. ಹಾಗಾಗಿ, ಇಂಥ ಮಹತ್ವದ ವಿಚಾರಗಳನ್ನು ತಿಳಿಸಿಕೊಡುವ ಕಾರ್ಯಕ್ರಮ ಇದಾಗಿದ್ದು, ಇಂತಹ ಕಾರ್ಯಕ್ರಮಗಳಿಗೆ ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಬೇಕೆಂದು ಕಾರ್ಯಾಧ್ಯಕ್ಷ ರವೀಂದ್ರಕುಮಾರ ಭಂಟನಳ್ಳಿ ಮನವಿ ಮಾಡಿಕೊಂಡರು.

ಈ ಸಂದರ್ಭದಲ್ಲಿ, ವಿಶೇಷ ಸತ್ಕಾರ, ಸಿದ್ರಾಮಪ್ಪಾ ಹಾಗರಗಿ, ಜನಾರ್ಧನ ಅಗ್ನಿಹೋತ್ರಿ, ಸಂಗೀತಾ ಪ್ರಶಾಂತ ಗುಡ್ಡಾ, ಸಂಗಮೇಶ ಜೋಗೂರ, ಪುರುಷೋತ್ತಮ ಹಡಪದ, ಸ್ವಾಗತ ಸಮಿತಿಯ ಪರಮೇಶ್ವರ ಶಟಕಾರ, ಸಂಚಾಲಕರು, ಸ್ವಾಗತ ಸಮಿತಿ ಸದಸ್ಯರು ಸೇರಿದಂತೆ ಮುಂತಾದವರು ಇದ್ದರು.