ಕೂಲಿ ಕಾರ್ಮಿಕರಿಗೆ ಒತ್ತೊಯ್ಯುತ್ತಿದ್ದ ಜೀಪ್ ಪಲ್ಟಿ: 20 ಜನರಿಗೆ ಗಂಭೀರ ಗಾಯ

ಚಿಂಚೋಳಿ: ಚಾಲಕನ ನಿಯಂತ್ರಣ ತಪ್ಪಿದ ಪರಿಣಾಮ ಹೊಲಕ್ಕೆ ಉರುಳಿದ ಟಾಟಾ ಮ್ಯಾಕ್ಸ್, 20 ಜನರಿಗೆ ಗಂಭೀರವಾದ ಘಟನೆ ಚಿಂಚೋಳಿ ತಾಲೂಕಿನ ಸುಲೇಪೇಟ ಸಮೀಪ ಜರುಗಿದೆ.

ಚಾಲಕ ವೇಗವಾಗಿ ವಾಹನ ಚಲಾಯಿಸಿದ ಹಿನ್ನಲೆ ಟಾಟಾ ಮ್ಯಾಕ್ಸ್ ಗಾಡಿಯ ಎಕ್ಸೆಲ್ ಕಟ್ ಆಗಿ ಭೀಕರ ರಸ್ತೆ ಅಪಘಾತ ಸಂಭವಿಸಿದೆ ಎನ್ನಲಾಗಿದೆ.

ಚಿಂಚೋಳಿ ತಾಲೂಕಿನ ಪಂಚಿಮಪಳ್ಳಿ ಬಳಿ ನಡೆದ ಘಟನೆ ಜರುಗಿದ್ದು, ಗಾಯಗೊಂಡ 20 ಜನರ ಸ್ಥಿತಿ ಚಿಂತಾಜನಕವಾಗಿದೆ. ಗಾಯಗೊಂಡವರೆಲ್ಲರೂ ಸುಲೇಪೇಟ ನಿವಾಸಿಗಳು ಎಂದು ತಿಳಿದು ಬಂದಿದೆ.

ಇವರು ಕೂಲಿ ಕೆಲಸಕ್ಕೆಂದು ಸೇಡಂ ತಾಲೂಕಿನ ಈರನಪಲ್ಲಿಗೆ ತೆರಳುತ್ತಿದ್ದರು. ಮಾರ್ಗದ ಮಧ್ಯೆ ಏಕಾಏಕಿ ವಾಹನದ ಎಕ್ಸೆಲ್ ಕಟ್ ಆದ ಪರಿಣಾಮ ಅಪಘಾತ ಸಂಭವಿಸಿದೆ. ಗಾಯಾಳುಗಳನ್ನು ಸ್ಥಳೀಯ ಜಿಲ್ಲಾಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

ಸ್ಥಳಕ್ಕೆ ಸುಲೇಪೇಟ ಪೊಲೀಸ್ ಠಾಣೆಯ ಸಿಬ್ಬಂದಿಗಳು ಆಗಮಿಸಿ ಪರಿಶೀಲಿಸಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.