ಬಿಜೆಪಿ ಮಹಾನಗರ ಎಸ್ ಸಿ ಮೋರ್ಚಾ ವತಿಯಿಂದ ಸಂವಿಧಾನ ಸಮರ್ಪಣಾ ದಿನಾಚರಣೆ

ಕಲಬುರಗಿ: ನಗರದ ಬಿಜೆಪಿ ಕಚೇರಿಯಲ್ಲಿ ಬಿಜೆಪಿ ಮಹಾನಗರ ಜಿಲ್ಲಾ ಎಸ್ ಸಿ ಮೋರ್ಚಾ ನೇತೃತ್ವದಲ್ಲಿ ಸಂವಿಧಾನ ಸಮರ್ಪಣಾ ದಿನಾಚರಣೆಯನ್ನು “ರಾಷ್ಟ್ರೀಯ ಸಂವಿಧಾನ ದಿವಸ್ ” ಕಾರ್ಯಕ್ರಮಕ್ಕೆ ಕೆಕೆಆರ್‌ಡಿಬಿ ಅಧ್ಯಕ್ಷರು ಹಾಗೂ ಶಾಸಕರಾದ ದತ್ತಾತ್ರೇಯ ಸಿ.ಪಾಟೀಲ ರೇವೂರ ರವರು ಉದ್ಘಾಟಿಸಿದರು.

ನಂತರ ಮಾತನಾಡುತ್ತಾ ಭಾರತೀಯ ಸಂವಿಧಾನವು ಯಾವುದೇ ದೇಶದ ಲೀಖಿತ ಸಂವಿಧಾನಕ್ಕಿಂತ ಅತ್ಯಂತ ಧೀರ್ಘವಾದ ಸಂವಿಧಾನವಾಗಿದೆ, ಮತ್ತು ಭಾರತೀಯ ಸಂವಿಧಾನದ ಮೂಲಕ ಬಾಬಾಸಾಹೇಬ್ ಡಾ.ಬಿ ಆರ್ ಅಂಬೇಡ್ಕರ ರವರು ದೇಶದ ಪ್ರತಿಯೊಬ್ಬ ನಾಗರಿಕನಿಗೂ ಗೌರವ ,ಘನತೆ ಮತ್ತು ಸಮಾನತೆಯ ಸ್ವಾವಲಂಬಿಯ ಬದುಕನ್ನು ಕಟ್ಟಿಕೊಟ್ಟಿದ್ದಾರೆ, ಡಾ.ಬಿ ಆರ್ ಅಂಬೇಡ್ಕರ ರವರನ್ನು ನಾವೂ ಎಷ್ಟು ಸ್ಮರಿಸಿದರೂ ಕೂಡ ಕಡಿಮೆ ಅವರ ತ್ಯಾಗದಿಂದ ನಾವೂ ನೀವೆಲ್ಲರೂ ಪುನೀತರಾಗಿದ್ದೇವೆ ಮತ್ತು ಮಾನ್ಯ ಪ್ರಧಾನಿ ನರೇಂದ್ರ ಮೋದಿ ಅವರು ಈ ದೇಶದ ಸಂವಿಧಾನವನ್ನು ರಾಷ್ಟ್ರೀಯ ಸಂವಿಧಾನ ದಿವಸ್ ಎಂದು ಆಚರಣೆ ಮಾಡುವ ಮೂಲಕ ಸಂವಿಧಾನದ ಹಿರಿಮೆಯನ್ನು ಪ್ರತಿಯೊಬ್ಬರಿಗೂ ತಲುಪುವಂತೆ ಮಾಡಿದ್ದಾರೆ ಎಂದು ಹೇಳಿದ್ದರು.

ಈ ಕಾರ್ಯಕ್ರಮದಲ್ಲಿ ಉಪನ್ಯಾಸಕರಾಗಿ ಕೆ ಎಸ್ ಬಂಧು ರವರು ಮಾತನಾಡಿ ಈ ದೇಶದ ಸಂವಿಧಾನವು ಪ್ರತಿಯೊಬ್ಬನ ಮೂಲ ಧರ್ಮವಾಗಿದೆ, ಎಲ್ಲ ವರ್ಗಗಳ ಧರ್ಮಗ್ರಂಥವು ಸಂವಿಧಾನದ ಆಶಯದಲ್ಲಿ ಒಳಗೊಂಡಿದೆ, ಸಂವಿಧಾನವು ನಮ್ಮ ಬದುಕಿನ ನರನಾಡಿಯಾಗಿದೆ, ಶೋಷಿತ ವರ್ಗವನ್ನು ಸಮಾನತೆಯ ಹಕ್ಕನ್ನು ನೀಡಿದೆ .ಡಾ.ಬಿ ಆರ್ ಅಂಬೇಡ್ಕರ ರವರು ಈ ದೇಶಕ್ಕೆ ಮಹಾನ ನಾಯಕ್ ಎಂದು ಸ್ವವಿಸ್ತಾರವಾಗಿ ಮಾತನಾಡಿದರು.

ಈ ಸಂದರ್ಭದಲ್ಲಿ ಬಿಜೆಪಿ ಜಿಲ್ಲಾಧ್ಯಕ್ಷ ಸಿದ್ದಾಜೀ ಪಾಟೀಲ, ಕುಡಾ ಅಧ್ಯಕ್ಷ ದಯಾಘನ್ ಧಾರವಾಡಕರ ,ಎಸ್ ಸಿ ಮೋರ್ಚಾ ಜಿಲ್ಲಾಧ್ಯಕ್ಷ ದೇವಿಂದ್ರ ಸಿನ್ನೂರ, ಪ್ರಧಾನ ಕಾರ್ಯದರ್ಶಿ ದಿನೇಶ ದೊಡ್ಡಮನಿ, ಮಹಾನಗರ ಪಾಲಿಕೆ ಸದಸ್ಯ ವಿಶಾಲ ಧರ್ಗಿ, ರಾಜ್ಯ ನಾಯಕ ಧರ್ಮಣ್ಣಾ ಇಟಗಾ, ಮಹಾದೇವ ಬೆಳಮಗಿ, ಮಹೇಶ ರೆಡ್ಡಿ, ವಿಜಯಲಕ್ಷ್ಮಿ ಗೊಬ್ಬುರ ,ಲಕ್ಷ್ಮಣ ಮೂಲಭಾರತಿ, ಹಣಮಂತ ವಚ್ಚಾ,ವಿಕಾಸ ಕರಣಿಕ, ಪ್ರಲ್ಹಾದ ಹಡಗಿಲ,ರಾಣೋಜಿ ದೊಡ್ಡಮನಿ, ಮಲ್ಲಿಕಾರ್ಜುನ ಗಾಯಕವಾಡ, ಶ್ರೀಧರ ಉಪಾಧ್ಯಯ, ಗುಂಡು ಸೊಂಗಾರೆ,ಆನಂದರಾವ್ ಚಿಂಚೋಳಿ,ರಾಜಾರಾಮ ಮಾತೋಳ್ಳಿ, ಗೌತಮ ಪುಟಗಿ,ದತ್ತು ಡೋಲಾರೆ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.