ದೇವಾಪುರ ಗ್ರಾ.ಪಂ:ಅರಳಹಳ್ಳಿ ಉಪ ಚುನಾವಣೆ ಕಾಂಗ್ರೆಸ್ ಬೆಂಬಲಿತ ಅಭ್ಯಾರ್ಥಿ ಗೆಲುವು

ಸುರಪುರ: ಕಳೆದ ಕೆಲ ತಿಂಗಳುಗಳ ಹಿಂದೆ ದೇವಾಪುರ ಗ್ರಾಮ ಪಂಚಾಯತಿಯ ಅರಳಹಳ್ಳಿ ಗ್ರಾಮದಲ್ಲಿನ ಗ್ರಾಮ ಪಂಚಾಯತಿ ಸದಸ್ಯೆಯೊಬ್ಬಳು ನಿಧನರಾಗಿದ್ದರು.ಇವರ ನಿಧನದಿಂದ ತೆರವಾಗಿದ್ದ ಸ್ಥಾನಕ್ಕೆ ಡಿಸೆಂಬರ್ ೨೭ ರಂದು ಚುನಾವಣೆ ನಡೆದಿದ್ದು ಗುರುವಾರ ಮತ ಎಣಿಕೆ ನಡೆದು ಕಾಂಗ್ರೆಸ್ ಬೆಂಬಲಿತ ಅಭ್ಯಾರ್ಥಿ ಗೆಲುವು ಸಾಧಿಸಿದರು.

ಅನುಸೂಚಿತ ಪಂಗಡಕ್ಕೆ ಮೀಸಲಾಗಿದ್ದ ಕ್ಷೇತ್ರಕ್ಕೆ ಕಾಂಗ್ರೆಸ್ ಬೆಂಬಲಿತ ಅಭ್ಯಾರ್ಥಿ ದಂಡಮ್ಮ ಬಿಶೆಟ್ಟೆಪ್ಪ ಹಾಗು ಬಿಜೆಪಿ ಬೆಂಬಲಿತ ಅಭ್ಯಾರ್ಥಿಯಾಗಿ ಈಶ್ವರಿ ದಶರಥ ಸ್ಪರ್ಧಿಸಿದ್ದರು.ಒಟ್ಟು ೧೧೭೩ ಮತದಾರರಲ್ಲಿ ೯೦೩ ಮತಗಳು ಚಲಾವಣೆಗೊಂಡಿದ್ದವು,ಅವುಗಳಲ್ಲಿ ೧೭ ಮತಗಳು ತಿರಸ್ಕೃತಗೊಂಡಿರುವುದು ಮತ ಎಣಿಕೆಯಲ್ಲಿ ತೆಳಿದುಬಂದಿದ್ದು ಇನ್ನುಳಿದ ೮೮೬ ಮತಗಳಲ್ಲಿ ದಂಡಮ್ಮ ಬಿಶೆಟ್ಟರ್ ೪೭೫ ಮತಗಳನ್ನು ಪಡೆದರೆ ಪರಾಜಿತ ಅಭ್ಯಾರ್ಥಿ ಈಶ್ವರಿ ದಶರಥ ಅವರು ೪೧೧ ಮತಗಳನ್ನು ಪಡೆದು ೬೪ ಮತಗಳಿಂದ ಪರಾಭವಗೊಂಡರು.

ಕಾಂಗ್ರೆಸ್ ಬೆಂಬಲಿತ ಅಭ್ಯಾರ್ಥಿ ದಂಡಮ್ಮ ಬಿಶೆಟ್ಟರ್ ಗೆಲುವು ಸಾಧಿಸುತ್ತಿದ್ದಂತೆ ದೇವಾಪುರ ಕಾಂಗ್ರೆಸ್ ಮುಖಂಡರು ಹಾಗು ಕಾರ್ಯಕರ್ತರು ಸಂಭ್ರಮಾಚರಿಸಿದರು.ಅಲ್ಲದೆ ದೇವಾಪುರ ಗ್ರಾಮದಲ್ಲಿರುವ ಬಸವೇಶ್ವರ ನಾಮಫಲಕ ಹಾಗು ಅಡವಿಲಿಂಗ ಮಹಾರಾeರ ನಾಮಫಲಕಕ್ಕೆ ಮಾಲಾರ್ಪಣೆ ಮಾಡಿ ಸಂಭ್ರಮಿಸಿದರು.ಈ ಸಂದರ್ಭದಲ್ಲಿ ಗ್ರಾಮದ ಅನೇಕ ಜನ ಕಾಂಗ್ರೆಸ್ ಮುಖಂಡರು ಹಾಗು ಕಾರ್ಯಕರ್ತರು ಭಾಗವಹಿಸಿದ್ದರು.