ಅಪ್ಪು ಅಭಿಮಾನಿ ಬಳಗ ಪುನೀತ್ ಕಟೌಟ್‌ಗೆ ಕ್ಷೀರಾಭಿಷೇಕ

ಸುರಪುರ: ತಾಲೂಕಿನ ರುಕ್ಮಾಪುರ ಗ್ರಾಮದಲ್ಲಿ ಅಪ್ಪು ಅಭಿಮಾನಿ ಬಳಗದಿಂದ ಎಳ್ಳಮವಾಸ್ಯೆ ಅಂಗವಾಗಿ ವಿಶೇಷ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿತ್ತು.ನಟ ಪುನೀತ್ ರಾಜಕುಮಾರ ಅವರ ೨೦ ಅಡಿಯ ಕಟೌಟ್ ನಿರ್ಮಿಸಿ ಹಾಲಿನ ಅಭೀಷೇಕ ಮಾಡುವ ಮೂಲಕ ಅಪ್ಪು ಸ್ಮರಣೆ ಹಾಗು ಗೌರವ ಸಲ್ಲಿಸಿದರು.ಅಲ್ಲದೆ ಇದೇ ಸಂದರ್ಭದಲ್ಲಿ ಅಪ್ಪು ನೆನಪಲ್ಲಿ ಅನ್ನದಾಸೋಹ ಕಾರ್ಯಕ್ರಮವನ್ನು ನಡೆಸಲಾಯಿತು.

ಈ ಸಂದರ್ಭದಲ್ಲಿ ಮಾತನಾಡಿದ ಮುಖಂಡರು,ನಟರಾಗಿದ್ದ ಪುನೀತ್ ರಾಜಕುಮಾರ ಅವರು ಕೇವಲ ಒಬ್ಬ ನಟರಾಗಿ ಮಾತ್ರ ಹೊರಗಿನ ಜನರಿಗೆ ಗೊತ್ತಾಗಿದ್ದರು,ಆದರೆ ಅವರು ಮಾಡಿದ ಸಮಾಜ ಸೇವೆ ಎಲ್ಲರಿಗೂ ಮಾದರಿಯಾಗಿದೆ.ಅನಾಥಾಶ್ರಮ,ವೃದ್ಧಾಶ್ರಮ,ಸಾವಿರಾರು ಮಕ್ಕಳಿಗೆ ಉಚಿತ ಶಿಕ್ಷಣ ಅಲ್ಲದೆ ಅವರೊಬ್ಬ ಹೆಸರಾಂತ ನಟರಾದರು ಸರಕಾರದ ಯಾವುದೇ ಜಾಹೀರಾತಿನಲ್ಲಿ ನಟಿಸಲು ನಯಾಪೈಸೆ ಸಂಭಾವನೆ ಪಡೆಯದೆ ಸಮಾಜಕ್ಕೆ ಒಳ್ಳೆಯದಾಗುವ ನಿಟ್ಟಿನಲ್ಲಿ ನಟಿಸಿ ಜನರಿಗೆ ಉತ್ತಮವಾದ ಸಂದೇಶ ನೀಡುವ ಜೊತೆಗೆ ನಮ್ಮಂತ ಕೋಟ್ಯಾಂತರ ಅಭಿಮಾನಿಗಳು ಹಾಗು ಯುವಕರಿಗೆ ಮಾದರಿಯಾಗಿದ್ದು,ಅವರ ನೆನಪು ಚಿರವಾಗಿ ಉಳಿಸುವ ನಿಟ್ಟಿನಲ್ಲಿ ನಾವೆಲ್ಲರು ಅವರ ಕೆಲಸವನ್ನು ಸಾಧ್ಯವಾದಷ್ಟು ಮಾಡುವ ಮೂಲಕ ಅಪ್ಪು ಅವರನ್ನು ಸ್ಮರಿಸುತ್ತೇವೆ ಎಂದರು.

ಈ ಸಂದರ್ಭದಲ್ಲಿ ಮುಖಂಡರಾದ ಅಜಯ್ ಬಿಲ್ಲವ್,ಮಲ್ಲಿಕಾರ್ಜುನ ಸುಬೇದಾರ್,ಬಸಪ್ಪ ಬಂಕಾಪುರ,ಹುಲಗಪ್ಪ,ಭೀಮಪ್ಪ,ರಾಮು ಬಂಕಾಪುರ,ನಾಗರಾಜ್, ರಾಹುಲ್ ಸೇರಿದಂತೆ ಅನೇಕರು ಭಾಗವಹಿಸಿದ್ದರು.