ಸುರಪುರ:ಸರಳವಾಗಿ ಅಂಬಿಗರ ಚೌಡಯ್ಯನವರ ಜಯಂತಿ ಆಚರಣೆ

ಸುರಪುರ:ನಗರದ ತಹಸೀಲ್ ಕಾರ್ಯಾಲಯದಲ್ಲಿ ತಾಲೂಕು ಆಡಳಿತದಿಂದ ಸರಳವಾಗಿ ಅಂಬಿಗರ ಚೌಡಯ್ಯನವರ ಜಯಂತಿ ಆಚರಿಸಲಾಯಿತು.

ತಹಸೀಲ್ದಾರ್ ಸುಬ್ಬಣ್ಣ ಜಮಖಂಡಿ ಅಂಬಿಗರ ಚೌಡಯ್ಯನವರ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಮಾಲಾರ್ಪಣೆ ಮಾಡಿ ಎಲ್ಲರು ವಂದಿಸಿದರು.ನಂತರ ಅಲ್ಲಿಂದ ನಗರದ ಭೋವಿಗಲ್ಲಿಯಲ್ಲಿರುವ ನಿಜಶರಣ ಅಂಬಿಗರ ಚೌಡಯ್ಯನವರ ನಾಮಫಲಕದ ಬಳಿಗೆ ತೆರಳಿ ನಾಮಫಲಕದ ಬಳಿ ಅಂಬಿಗರ ಚೌಡಯ್ಯನವರ ಜಯಂತಿ ಆಚರಿಸಲಾಯಿತು.

ಕಾರ್ಯಕ್ರಮದಲ್ಲಿ ಭಾಗವಹಿಸಿ ಅಂಬಿಗರ ಚೌಡಯ್ಯನವರ ನಾಮಫಲಕಕ್ಕೆ ಪೂಜೆ ಸಲ್ಲಿಸಿದ ಲಕ್ಷ್ಮೀಪುರ ಶ್ರೀಗಿರಿ ಮಠದ ಚನ್ನಮಲ್ಲಿಕಾರ್ಜುನ ಶಿವಾಚಾರ್ಯ ಸ್ವಾಮೀಜಿ ಮಾತನಾಡಿ,೧೨ನೇ ಶತಮಾನದ ಬಸವಾದಿ ಶರಣರ ಸಮಕಾಲಿನ ಅನುಭವ ಮಂಟಪದ ಶರಣರಾಗಿದ್ದ ಅಂಬಿಗರ ಚೌಡಯ್ಯನವರು ನೇರ ನಿಷ್ಠುರ ನುಡಿಗಳ ಶರಣರು,ಅವರು ಬರೆದ ವಚನಗಳು ಸಮಾಜದಲ್ಲಿನ ಮೂಢ ನಂಬಿಕೆ ಕಂದಾಚಾರದಂತಹ ಅನಿಷ್ಠ ಪದ್ಧತಿಗಳನ್ನು ನೇರವಾಗಿ ಜಾಡಿಸುವ ಮೂಲಕ ಅವರು ಗಣಾಚಾರದ ಶರಣರಾಗಿದ್ದರು ಎಂದರು.

ಕೋಲಿ ಕಬ್ಬಲಿಗ ಸಮಾಜದ ತಾಲೂಕು ಅಧ್ಯಕ್ಷ ಭಂಡಾರೆಪ್ಪ ನಾಟೆಕಾರ್ ಮಾತನಾಡಿ,ಅಂಬಿಗರ ಚೌಡಯ್ಯನವರು ಕೇವಲ ಒಂದು ಸಮಾಜಕ್ಕೆ ಸೀಮಿತವಾದ ಶರಣರಲ್ಲ ಅವರು ಬರೆದ ವಚನಗಳು ಇಡೀ ಮಾನವ ಸಮಾಜದ ಜಾಗೃತಿಗಾಗಿ ಮೂಡಿಬಂದಿವೆ,ಇಂದು ನಿಜಶರಣ ಅಂಬಿಗರ ಚೌಡಯ್ಯನವರ ಜಯಂತಿಯನ್ನು ಅದ್ಧೂರಿಯಾಗಿ ಆಚರಿಸಬೇಕಿತ್ತು.ಆದರೆ ಕೋವಿಡ್‌ನಿಂದ ಸರಳವಾಗಿ ಆಚರಿಸಲಾಗುತ್ತಿದೆ ಮುಂದಿನ ದಿನಗಳಲ್ಲಿ ಅದ್ಧೂರಿಯಾಗಿ ಆಚರಿಸೋಣ ಎಂದರು.

ತಹಸೀಲ್ದಾರ್ ಸುಬ್ಬಣ್ಣ ಜಮಖಂಡಿ ಹಾಗು ನಗರಸಭೆ ಅಧ್ಯಕ್ಷರಾದ ಸುಜಾತಾ ವೇಣುಗೋಪಾಲ ಜೇವರ್ಗಿ ಉಪಾಧ್ಯಕ್ಷ ಮಹೇಶ ಪಾಟೀಲ್ ನಗರಸಭೆ ಪೌರಾಯುಕ್ತ ಜೀವನಕುಮಾರ್ ಕಟ್ಟಿಮನಿ ಹಾಗೂಮುಖಂಡರಾದ ರಮೇಶ ದೊರೆ ಆಲ್ದಾಳ,ಚಂದ್ರಾಮ ಮುಂದಿನಮನಿ,ಗೋಪಾಲ ಚಿನ್ನಾಕಾರ,ಬಾಲರಾಜ ಚಿನ್ನಾಕಾರ,ಹೊನ್ನಪ್ಪ ತಳವಾರ ಹಸನಾಪುರ,ಮಾನಪ್ಪ ಸಾಹುಕಾರ್,ವೆಂಕಟೇಶ ರೆಡ್ಡಿ,ರಮೇಶ ಗುತ್ತೇದಾರ, ಜಕ್ಕಪ್ಪ ಕಟ್ಟಿಮನಿ,ಸಾಯಿಬಣ್ಣ ಪೂಜಾರಿ, ಮರೆಪ್ಪ ದಾಯಿ,ಮಾನಪ್ಪ ಚಳ್ಳಿಗಿಡ,ಸಂಗಣ್ಣ ಬಾಕ್ಲಿ,ಮಲ್ಲು ವಿಷ್ಣುಸೇನಾ,ವೆಂಕಟೇಶ ದರ್ಶನ ಸೇರಿದಂತೆ ಅನೇಕರಿದ್ದರು.