ಎಕೆಆರ್ ದೇವಿ ಪದವಿ ಕಾಲೇಜಿ ವಿದ್ಯಾರ್ಥಿನಿ ಸಾಧನೆಗೆ ಸನ್ಮಾನ

ಕಲಬುರಗಿ: ಜಿಲ್ಲೆಯ ಸಂಧ್ಯಾರಾಣಿ ತಂದೆ ಹುಸೇನಪ್ಪ ಎಂಬ ವಿದ್ಯಾರ್ಥಿನಿಯು ಎ ಕೆ ಆರ್ ದೇವಿ ಪದವಿ ಪೂರ್ವ ಕಾಲೇಜಿನ ವಿಜ್ಞಾನ ವಿದ್ಯಾರ್ಥಿನಿ ಇದೀಗ ಕರ್ನಾಟಕ ಸರ್ಕಾರದ ಪೊಲೀಸ್ ಇಲಾಖೆಯ ಪಿಎಸ್ಐ ಆಗಿ ನೇಮಕವಾಗಿರುವ ಜೊತೆಗೆ WRD  ನ water resource development ಇಲಾಖೆಯ assistant engineer ಆಯ್ಕೆ ಆಗುವುದರ ಮೂಲಕ ಇಂದಿನ ಸ್ವರ್ಧಾತ್ಮಕ ಯುಗದಲ್ಲಿ ಸಾಧನೆಯನ್ನು ಗ್ರಾಮೀಣ ವಿದ್ಯಾರ್ಥಿನಿ ಮಾಡಿದ್ದಾರೆ.

ಇಂದು ಕಾಲೇಜು ವತಿಯಿಂದ ಸನ್ಮಾನ ಸ್ವೀಕರಿಸಿ ಮಾತನಾಡಿದ ಅವರು ನನ್ನ ಈ ಸಾಧನೆಗೆ ಕಾಲೇಜಿನ ಸಂಸ್ಥಾಪಕ ಅಧ್ಯಕ್ಷರಾದ  ಎ ಎಲ್ ಪ್ರಸಾದ್,  ಆಡಳಿತಾಧಿಕಾರಿ ಪ್ರಾಚಾರ್ಯರಾದ ವಿದ್ಯಾಸಾಗರ ದೇಶಮುಖ, ಎಮ್ ವಿ ಎಸ್ ಸುಬ್ರಹ್ಮಣ್ಯಂ  ಮತ್ತು ಕಾಲೇಜನ್ನು ಸಿಬ್ಬಂದಿ ವರ್ಗದವರ  ನಿರಂತರ ಮಾರ್ಗದರ್ಶನ ಪ್ರಮುಖ ಕಾರಣವೆಂದು ತಿಳಿಸಿದರು.

ಕನ್ನಡ ಮಾಧ್ಯಮದಿಂದ ಶಿಕ್ಷಣವನ್ನು ಪಡೆದ ನನಗೆ ಪಿಯುಸಿ ವಿಜ್ಞಾನ ಕಬ್ಬಿಣದ ಕಡಲೆ ಯಾದರು ನನ್ನನ್ನು ಪ್ರೋತ್ಸಾಹಿಸಿ ನನ್ನಲ್ಲಿರುವ ಪ್ರತಿಭೆಯನ್ನು ಗುರುತಿಸಿ ಒಂದು ಸಾಧನೆಗೆ ಮುನ್ನುಡಿ ಬರೆದು ನನ್ನ ಜೀವನಕ್ಕೆ ಸಾಧನೆಯ ಹಂತದಲ್ಲಿ ಪ್ರೋತ್ಸಾಹಿಸಿ ಬೆಂಬಲಿಸಿದರು.

ಈ ಸಂದರ್ಭದಲ್ಲಿ ಅವರು ಕೃತಜ್ಞತೆಯನ್ನು ಸಲ್ಲಿಸಿದರು.