ಬಜೆಟ್ ಗೂ ಜನ ಸಾಮಾನ್ಯರಿಗೂ ಯಾವುದೇ ಸಂಬಂಧವಿಲ್ಲ: ಶಿವು ಆಂದೋಲ

ಶಹಾಪುರ: ಡಾ.ಮನಮೋಹನ್ ಸಿಂಗ್ ಅವರ ಕಾಲದಲ್ಲಿ ಅಭಿವೃದ್ಧಿ ಶೀಲ ರಾಷ್ಟ್ರಗಳ ಪಟ್ಟಿಯಿಂದ ಅಭಿವೃದ್ಧ ರಾಷ್ಟ್ರಗಳ ಪಟ್ಟಿಗೆ ಸೇರುವತ್ತ ದಾಪುಗಾವಲಿಟ್ಟಿದ್ದ ಭಾರತದ ಆರ್ಥಿಕತೆಯನ್ನು ಕೇವಲ ಐದಾರು ವರ್ಷಗಳಲ್ಲಿ ಅಭಿವೃದ್ಧಿಶೀಲ ರಾಷ್ಟ್ರಗಳ ಪಟ್ಟಿಯಿಂದ ಹೊರ ಬೀಳುವಂತೆ ಮಾಡಿದ ಕೇಂದ್ರ ಸರ್ಕಾರವು ಭಾರತದ ಜನರ ಬದುಕನ್ನು, ರೈತರು ಮತ್ತು ಗ್ರಾಮೀಣ ಜನರ ಆರ್ಥಿಕತೆಯನ್ನು ಎಲ್ಲ ಅರ್ಥಗಳಲ್ಲಿಯೂ ಸಹ ಮುಗಿಸಿ ಹಾಕಿದೆ ಎಂದು ಭೀಮಾರ್ಮಿ ಜಿಲ್ಲಾಧ್ಯಕ್ಷರಾದ ಶಿವು ಆಂದೋಲ ಟೀಕಿಸಿದ್ದಾರೆ.

ಬಜೆಟ್ ಮಂಡನೆ ಕುರಿತು ಹೇಳಿಕೆ ನೀಡಿದ ಅವರು ಇನ್ನು ಹಸಿವು, ಬಡತನ, ನಿರುದ್ಯೋಗವು ಹಿಂದಿಗಿಂತ ಭಾರೀ ಪ್ರಮಾಣದಲ್ಲಿ ಹೆಚ್ಚಾಗಿರುವ ಈ ಸಂದರ್ಭದಲ್ಲಿ ಭಾರತದ ಆರ್ಥಿಕ ಮತ್ತು ಸಮಗ್ರ ಅಭಿವೃದ್ಧಿಯ ಶಕ್ತಿಯನ್ನು ತೀರಾ ಕುಗ್ಗಿಸಿ, ಇದೀಗ ಅತ್ಯಂತ ಅಭಿವೃದ್ಧಿ ಹೊಂದಿದ ಅಮೇರಿಕಾದಂತಹ ದೇಶಗಳಿಗೆ ತಕ್ಕಂತೆ ಡಿಜಿಟಲ್ ಲೋಕದ ಬಜೆಟ್ ನ ರೂಪು ರೇಷೆಗಳನ್ನು ಸಿದ್ಧಪಡಿಸಲು ಹೊರಟಿರುವ ಕೇಂದ್ರ ಸರ್ಕಾರವು ಜಾಗತಿಕ ಮಟ್ಟದಲ್ಲಿ ಕಾರ್ಪೋರೇಟ್ ಗಳಿಗೆ ಸಹಾಯವಾಗುವಂತೆ ಭಾರತವನ್ನು ಪ್ರತಿನಿಧಿಸಲು ಹೊರಟಿದ್ದು ನಮ್ಮ ದೇಶದ ಬಡವರು, ಕೃಷಿ ಕಾರ್ಮಿಕರು ಹಾಗೂ ಕೆಳ ಮಧ್ಯಮ ವರ್ಗದ ಜನರಿಗೆ ಮೋಸ ಮಾಡುತ್ತಿದೆ ಎಂದು ಆರರೋಪಿಸಿದ್ದಾರೆ.

ಭಾರತದಲ್ಲಿ ಅಭಿವೃದ್ಧಿಯ ವೇಗಕ್ಕೆ ಹೊಂದಿಕೊಳ್ಳುವ ವಾತವರಣವನ್ನಾಗಲೀ ಇಲ್ಲವೇ ಮೂಲ ಸೌಕರ್ಯವನ್ನಾಗಲೀ ಇವರ ಕೈಯಲ್ಲಿ ಸೃಷ್ಟಿಸಲು ಸಾಧ್ಯವಾಗಿಲ್ಲ. ಹೀಗಿದ್ದರೂ ಕೂಡಾ ಸಾಮಾನ್ಯ ಜನರ ಬದುಕಿಗೆ ಸಂಬಂಧವಿಲ್ಲದಂತೆ ಆರ್ಥಿಕ ನೀತಿಗಳನ್ನು ರೂಪಿಸಲು ಹೊರಟಿರುವ ಇವರ ಬಜೆಟ್ಟಿಗೂ ಜನ ಸಾಮಾನ್ಯರಿಗೂ ಯಾವುದೇ ಸಂಬಂಧವಿಲ್ಲ ಎಂದು ತಿಳಿಸಿದ್ದಾರೆ.

ಇವರ ಯೋಜನೆ ಮತ್ತು ಯೋಚನೆ ಏನಿದ್ದರೂ ಕಾರ್ಪೊರೇಟ್ ಗಳ ಹಿತಕಾಯುವುದು ಹೇಗೆ ಎಂಬುದರ ಕುರಿತಾಗಿದ್ದು ಇದು ಪಕ್ಷಾತೀತವಾಗಿ ಭಾರತದ ಎಲ್ಲಾ ಜನ ಸಾಮಾನ್ಯರ ಅನುಭವಕ್ಕೂ ಬರುತ್ತಿದೆ, ಮುಂದೆಯೂ ಬರುತ್ತದೆ ಮುಂದೆ ಬರುತ್ತದೆ ತನ್ನ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.