ಬಸವ ಬೆಳಕು-ಭೀಮ ಬದುಕು’ ತಿಂಗಳಪರ್ಯಂತ ವಿಶೇಷ ಕಾರ್ಯಕ್ರಮಕ್ಕೆ ಚಾಲನೆ

ಸಕಾರಾತ್ಮಕ ಬದಲಾವಣೆಗೆ ಬುದ್ಧ, ಬಸವ, ಅಂಬೇಡ್ಕರ್ ಅವರ ಚಿಂತನೆಗಳ ಅಕ್ಷರಶ: ಪಾಲನೆ ಅನಿವಾರ್ಯ ಎಂಬುದನ್ನು ಎಲ್ಲರೂ ಅರ್ಥ ಮಾಡಿಕೊಳ್ಳಬೇಕಿದೆ. ಕಾಯಕಕ್ಕೆ ಒತ್ತು ನೀಡಿದ ಬಸವಣ್ಣ ಹಾಗೂ ಸಮಾನತೆಗೆ ಒತ್ತು ನೀಡಿದ ಅಂಬೇಡ್ಕರ್ ಅವರ ಚಿಂತನೆಗಳು ಎಂದೆಂದಿಗೂ ಪ್ರಸ್ತುತ. ಬುದ್ಧ, ಬಸವ, ಅಂಬೇಡ್ಕರ್ ಅವರ ತತ್ವಾದರ್ಶಗಳು ಇಂದಿನ ಸಮಾಜಕ್ಕೆ ದಾರಿದೀಪವಾಗಿವೆ. – ದಯಾಘನ್ ಧಾರವಾಡಕರ್, ಅಧ್ಯಕ್ಷರು, ಕುಡಾ, ಕಲಬುರಗಿ.

ಕಲಬುರಗಿ: ಕಾಯಕತತ್ವದ ಬಸವಣ್ಣ ಹಾಗೂ ಸಂವಿಧಾನ ಶಿಲ್ಪಿ ಡಾ.ಅಂಬೇಡ್ಕರ್ ಅವರ ಕಾಲಘಟ್ಟ ಬೇರೆ ಬೇರೆ ಆದರೂ, ಅವರ ವಿಚಾರಗಳು ಮಾತ್ರ ಒಂದೇ ಆಗಿದ್ದವು ಎಂದು ಪತ್ರಕರ್ತ ದೇವಯ್ಯಾ ಗುತ್ತೇದಾರ ಅಭಿಪ್ರಾಯಪಟ್ಟರು.

ಇದನ್ನೂ ಓದಿ: ನೊಂದ-ದಮನಿತ ಮಹಿಳೆಯರಿಗೆ ಸೂರು ಒದಗಿಸುವ ಕೆಲಸ ಮಾಡುತ್ತೆನೆ-ಮತ್ತಿಮಡು

ವಿಶ್ವಗುರು ಬಸವಣ್ಣ ಹಾಗೂ ಸಂವಿಧಾನಶಿಲ್ಪಿ ಡಾ.ಬಿ.ಆರ್.ಅಂಬೇಡ್ಕರ್ ಜಯಂತಿ ಪ್ರಯುಕ್ತ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತು ನಗರದ ಆರ್ಯನ್ ಶಿಕ್ಷಣ ಮಹಾವಿದ್ಯಾಲಯದ ಸಭಾಂಗಣದಲ್ಲಿ ಆಯೋಜಿಸಿದ ಸತ್ಯ ಬಿತ್ತಿದ ಪರಿ ಎಂಬ `ಬಸವ ಬೆಳಕು-ಭೀಮ ಬದುಕು’ ಎನ್ನುವ ತಿಂಗಳಪರ್ಯಂತ ವಿಶೇಷ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಮಾತನಾಡಿದ ಅವರು, ಜಿಲ್ಲಾ ಕಸಾಪ ಅಧ್ಯಕ್ಷ ವಿಜಯಕುಮಾರ ತೇಗಲತಿಪ್ಪಿ ನೇತೃತ್ವದಲ್ಲಿ ವಿಭಿನ್ನ ಕಾರ್ಯಕ್ರಮಗಳ ಮೂಲಕ ಪರಿಷತ್ತು ಹೊಸ ಛಾಪು ಮೂಡಿಸುತ್ತಿದೆ ಎಂದರು.

ಇದನ್ನೂ ಓದಿ: ರಾಜ್ಯದ ಎಲ್ಲಾ ಇಂಜಿನಿಯರಿಂಗ್ ವಿಭಾಗದ ಅಧಿಕಾರಿಗಳ ತನಿಖೆ ಮಾಡಿ: ವೆಂಕೋಬದೊರೆ

ಉಪನ್ಯಾಸ ನೀಡಿದ ಸಾಹಿತಿ ಡಾ.ರಾಜಶೇಖರ ಮಾಂಗ್, ಸಮಾಜದೊಳಗಿನ ಕತ್ತಲೆ ಕಳೆಯಲು ಬಸವಾದಿ ಶರಣರು ಮಾಡಿದ ವೈಚಾರಿಕ ಕ್ರಾಂತಿಯೇ ಬಸವ ಬೆಳಕು. ಮಾನವ ಹಕ್ಕುಗಳಿಗಾಗಿ ನಡೆಸಿದ ಸಾಂವಿಧಾನಿಕ ಹೋರಾಟವೇ ಭೀಮ ಬದುಕು. ಅವರ ಚಿಂತನೆಗಳನ್ನು ಜನರು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡು, ಸಾಮರಸ್ಯದಿಂದ ಬದುಕಬೇಕು ಎಂದು ಹೇಳಿದರು.

ಜಿಲ್ಲಾ ಕಸಾಪ ಅಧ್ಯಕ್ಷ ವಿಜಯಕುಮಾರ ಪಾಟೀಲ ತೇಗಲತಿಪ್ಪಿ ಮಾತನಾಡಿ, ಸಮಾನತೆಯ ಸಮಾಜ ನಿರ್ಮಾಣ ಮಾಡುವಲ್ಲಿ ಬಸವಣ್ಣ ಮತ್ತು ಅಂಬೇಡ್ಕರ್ ಅವರ ಕೊಡುಗೆ ದೊಡ್ಡದ್ದಾಗಿದ್ದು, ಇಂದಿನ ವಿದ್ಯಾರ್ಥಿ-ಯುವ ಜನರು ಅವರ ಚಿಂತನೆಗಳನ್ನು ತಮ್ಮ ಬದುಕಿನಲ್ಲಿ ಅಳವಡಿಸಿಕೊಳ್ಳಬೇಕು. ಅಸಮಾನತೆ, ಅಸ್ಪøಶ್ಯತೆ, ಜಾತೀಯತೆ, ಬಡತನ, ಅಜ್ಞಾನ, ಸ್ವಾರ್ಥ ಅಳಿಯದೆ ಸಾಮಾಜಿಕ ಅಭಿವೃದ್ಧಿ ಕನಸಾಗಿಯೇ ಉಳಿಯುತ್ತದೆ ಎಂದರು.

ಇದನ್ನೂ ಓದಿ: ಡಾ. ಬಾಬು ಜಗಜೀವನ್ ರಾಮ್ ಜಯಂತ್ಯೋತ್ಸವ: ಪ್ರಭಾವತಿ ಧರಂಸಿಂಗ್. ಶಾಸಕರಿಗೆ ಸನ್ಮಾನ

ಹಿರಿಯ ಉಪನ್ಯಾಸಕ ನದಾಫ್ ಡಿ.ಐ. ಅಧ್ಯಕ್ಷತೆ ವಹಿಸಿದ್ದರು. ಕಲಬುರಗಿ ನಗರಾಬಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ದಯಾಘನ್ ಧಾರವಾಡಕರ್, ಭಾರತೀಯ ದಲಿತ ಪ್ಯಾಂಥರ್ ರಾಜ್ಯಾಧ್ಯಕ್ಷ ಮಲ್ಲಪ್ಪ ಹೊಸಮನಿ, ಜಿಲ್ಲಾ ವೀರಶೈವ ಮಹಾಸಭಾದ ಮಹಿಳಾ ಘಟಕದ ನಗರಾಧ್ಯಕ್ಷೆ ಡಾ.ನಾಗವೇಣಿ ಪಾಟೀಲ, ಜಿಲ್ಲಾ ಕಸಾಪ ಪದಾಧಿಕಾರಿಗಳಾದ ಶಿವರಾಜ ಎಸ್.ಅಂಡಗಿ, ಯಶವಂತರಾಯ ಅಷ್ಟಗಿ, ಶರಣರಾಜ ಛಪ್ಪರಬಂದಿ, ಉಪನ್ಯಾಸಕರಾದ ಸಿದ್ದಣ್ಣ ಪೂಜಾರಿ, ಅನಂತಶೇನ್ ಕುಲಕರ್ಣಿ, ಎಸ್.ವಿ.ಸ್ಥಾವರಮಠ, ನಾಗರಾಜ ಬಡಿಗೇರ, ಶಿವಾನಂದ ಡಿ.ಕೆ., ಮಂದಾಕಿನಿ, ಕರುಣಾ, ರೇಣುಕಾ, ಸವಿತಾ, ಶ್ಯಾಮಂತ ಕಮಣಿ, ಪ್ರಮುಖರಾದ ಬಸವರಾಜ ಧೂಳಾಗುಂಡಿ, ಮಲ್ಲಿನಾಥ ದೇಶಮುಖ, ಶಿವಲೀಲಾ ಆರ್.ತೆಗನೂರ, ಕವಿತಾ ಶೇಖರ ದೇಗಾಂವ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.

emedialine