ಜಗತ್ತಜ್ಯೋತಿ ಅಣ್ಣಬಸವಣ್ಣನವರ 889ನೇ ಜಯಂತೋತ್ಸವ

ಜೇವರ್ಗಿ: ಬಸವೇಶ್ವರ ವೃತ್ತದಲ್ಲಿ ವಿಶ್ವ ಗುರು ಮಹಾಮಾನವತಾವಾದಿ ಸಮಾನತೆಯ ಹರಿಕಾರ ಜಗತಜ್ಯೋತಿ ಅಣ್ಣ ಬಸವಣ್ಣ ನವರ 889 ನೇ ಜಯಂತೋತ್ಸವ ಆಚರಣೆ ಮಾಡಲಾಯಿತು.

ಬಸವಣ್ಣನವರ ಭಾವಚಿತ್ರಕ್ಕೆ ಪುಷ್ಪರ್ಚನೆ ಮತ್ತು ಧ್ವಜರೋಹಣ ನೆರವೇರಿಸಿ ಮಾಜಿ ಶಾಸಕರು ಶ್ರೀ ದೊಡ್ಡಪ್ಪಗೌಡ ಪಾಟೀಲ ಮಾತನಾಡಿ 12 ನೇ ಶತಮಾನದಲ್ಲಿ ಅನುಭವ ಮಂಟಪದಲ್ಲಿ ಎಲ್ಲಾ ಸಮಾಜದ ಶರಣ-ಶರಣೆಯರ ಒಂದೇ ವೇದಿಕೆ ಸಿದ್ಧಪಡಿಸಿ ಸಮಾಜದಲ್ಲಿರುವ ಮೂಢನಂಬಿಕೆ ಗೊಡ್ಡು ಆಚರಣೆಗಳನ್ನು ವಿರೋಧಿಸಿ ಮನುಷ್ಯ ಜಾತಿ ಒಂದೇ ಎಂಬ ಸಂದೇಶವನ್ನು ಜಗತ್ತಿಗೆ ಸಾರಿದ ಮಹಾನ ಚೇತನ ಜಗತ್ತಜ್ಯೋತಿ ಅಣ್ಣಬಸವಣ್ಣ ಎಂದು ಹೇಳಿದರು.

ಇದನ್ನೂ ಓದಿ: ಬಸವಣ್ಣನವರ ತತ್ತ್ವಾದರ್ಶದ ಮಾರ್ಗದಲ್ಲಿ ಬದುಕು ಸಾಗಿಸುವ ಅನಿವಾರ್ಯತೆ ನಮಗಿದೆ: ಪ್ರೊ ಅಷ್ಠಗಿ ಅಭಿಮತ

ಕಾಂಗ್ರೆಸ್ ಮುಖಂಡ ರಾಜಶೇಖರ್ ಸಿರಿ ಮಾತನಾಡಿ ಜೇವರ್ಗಿಯಲ್ಲಿ ಬಸವೇಶ್ವರ ಮೂರ್ತಿ ಸ್ಥಾಪನೆ ಆಗಬೇಕು ಅದಕ್ಕಾಗಿ ಸಮಾಜದ ಬಂಧುಗಳು ಪಕ್ಷತೀತವಾಗಿ ಕ್ಷೇತ್ರದ ಶಾಸಕರ ಮೇಲೆ ಮತ್ತು ಸರ್ಕಾರದ ಒತ್ತಡ ಹಾಕಬೇಕೆಂದು ಹೇಳಿದರು.

ಈ ಸಂದರ್ಭದಲ್ಲಿ ತಸಿಲ್ದಾರ್ ವಿನಯ್ ಕುಮಾರ್ ಪಾಟೀಲ್ ಸಮಾಜದ ಮುಖಂಡರು ಮತ್ತು ಇತರ ಸಮಾಜದ ಮುಖಂಡರು ಉಪಸ್ಥಿತರಿದ್ದರು.