ಯಡಿಯಾಪುರ ಗ್ರಾಮದ ಬಿಜೆಪಿ ಮುಖಂಡರು ಕಾಂಗ್ರೆಸ್ ಸೇರ್ಪಡೆ

ಸುರಪುರ: ಮತಕ್ಷೇತ್ರದ ಯಡಿಯಾಪುರ ಗ್ರಾಮದ ಹಲವಾರು ಬಿಜೆಪಿ ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರು ಬಿಜೆಪಿ ಪಕ್ಷವನ್ನು ತೊರೆದು ರಾಜಾ ವೆಂಕಟಪ್ಪ ನಾಯಕ ಮಾಜಿ ಶಾಸಕರ ನೇತೃತ್ವದಲ್ಲಿ ಕಾಂಗ್ರೆಸ್ ಪಕ್ಷಕ್ಕೆ ಸೇರ್ಪಡೆಯಾದರು.

ಈ ಸಂದರ್ಭದಲ್ಲಿ ಮಾಜಿ ಶಾಸಕರು ಮಾತನಾಡಿ ನನ್ನ ಅಧಿಕಾರ ಅವಧಿಯಲ್ಲಿ ಜನರ ಏಳಿಗೆಗಾಗಿ ಸಾಕಷ್ಟು ಜನಪರ ಯೋಜನೆಗಳನ್ನು ತಂದು ಕ್ಷೇತ್ರದ ಅಭಿವೃದ್ಧಿ ಪ್ರಯತ್ನಸಿದ್ದೇನೆ. ಹಾಗೂ ರೈತರ ಜಮೀನುಗಳಿಗೆ ಕಾಲುವೆ ಮುಖಾಂತರ ನೀರು ಒದಗಿಸಲು ಯೋಜೆನಯನ್ನು ಹಾಕಿಕೊಂಡು ರೈತರಪರವಾಗಿ ನಿರ್ಣಯಗಳನ್ನು ಕೈಗೊಂಡಿದ್ದೇನೆ. ಬಿಜೆಪಿಯ ರಾಜ್ಯ ಮತ್ತು ಕೇಂದ್ರ ಸರಕಾರಗಳ ಅಧಿಕಾರದಲ್ಲಿ ಜನರು ನೆಮ್ಮದಿಯಿಂದ ಜೀವನಸಾಗಿಸಲಾಗುತ್ತಿಲ್ಲಾ ಮತ್ತು ಇವರ ದುರಾಡಳಿತಕ್ಕೆ ಜನರು ರೋಸಿಹೋಗಿದ್ದಾರೆ. ದಿನಬೆಳಗಾದರೆ ಯಾವುದೋ ಒಂದು ವಿವಾದವನ್ನು ಹುಟ್ಟಿಹಾಕಿ ಜನರ ದಾರಿತಪ್ಪಿಸುತ್ತಿದ್ದಾರೆ ಎಂದು ಹೇಳಿದರು.

ಈ ಸರಕಾರವು ಮಕ್ಕಳ ಪಠ್ಯದಲ್ಲಿಯೂ ತಮ್ಮ ದ್ವೇಷದ ಭಾವನೆಯನ್ನು ಮೂಡಿಸಿ ಮಕ್ಕಳ ಮನಸ್ಥಿಯನ್ನು ಹದಗೆಡಿಸಲು ಮುಂದಾಗಿದೆ ಮತ್ತು ನಮ್ಮ ಹೆಮ್ಮಯ ಪ್ರಥಮ ಸ್ವಾತಂತ್ರ್ಯ ಸೇನಾನಿ ನಾಲ್ವಡಿ ರಾಜಾ ವೆಂಕಟಪ್ಪ ನಾಯಕರ ಪಠ್ಯಯನ್ನು ಕೈ ಬಿಟ್ಟು ನಮ್ಮ ಕಲ್ಯಾಣ ಕರ್ನಾಟಕದ ಜನರ ಭಾವನೆಗೆ ಧಕ್ಕೆಯನ್ನುಂಟು ಮಾಡುತ್ತಿದೆ ಜನಪರ ಆಡಳಿತವನ್ನು ನೀಡಲು ಸಂಪೂರ್ಣವಾಗಿ ಈ ಸರಕಾರ ವಿಫಲವಾಗಿದೆ ಇತಂಹ ದುರಾಡಳಿತದ ಕುರಿತು ನಮ್ಮ ಕಾರ್ಯಕರ್ತರು ಜನರಿಗೆ ಮನವರಿಕೆಮಾಡಿ ಕಾಂಗ್ರೆಸ್ ಪಕ್ಷವನ್ನು ತಳಮಟ್ಟದಲ್ಲಿ ಸದೃಢಗೊಳಿಸಬೇಕು ಮತ್ತು ಮುಂಬರು ದಿನಗಳಲ್ಲಿ ಬರುವ ಚುನಾವಣೆಗಳಲ್ಲಿ ಪಕ್ಷದ ಅಭ್ಯರ್ಥಿಯ ಗೆಲುವಿಗೆ ಶ್ರಮಿಸಬೇಕು ಎಂದು ತಿಳಿಸಿದರು.

ಇದೇ ಸಂದರ್ಭದಲ್ಲಿ ಯಡಿಯಾಪುರ ಗ್ರಾಮದ ಮುಖಂಡರಾದ ಲಿಂಗರಾಜ ಪೊಲೀಸ್ ಪಾಟೀಲ, ನಾನಾಗೌಡ ಪೊ.ಪಾಟೀಲ, ಬಸವಂತ್ರಾಯಗೌಡ ಕಾರನೂರು, ತಿಪ್ಪಣ್ಣ ಹೂವಣ್ಣ ಮೇಟಿ, ಬಂದಗಿಸಾಬ ಶೇಖಸಿಂದಿ, ಹೈಯಾಳಪ್ಪ ಮೇಟಿ, ಮಾರುತಿ ತಳಳ್ಳಿ, ಶಿವಮಾನಪ್ಪ ಹೊಸಮನಿ, ವಿರೇಶ ಬಡಿಗೇರ, ಮಾಳಪ್ಪ ಹುಣಸಿಹೊಳೆ, ಹಣಮಂತ್ರಾಯ ಕುಂಬಾರ, ನಿಂಗಪ್ಪ ಆಲಾಳ, ಕೆಂಚಪ್ಪ ತಳಳ್ಳಿ, ಮಲ್ಲಪ್ಪ ದೊಡಮನಿ, ಬೀರಪ್ಪ ಮೇಟಿ, ಗ್ರಾಪಂ ಮಾಜಿ ಅಧ್ಯಕ್ಷ ಹಣಮಂತ ದೊಡಮನಿ, ಬಾಬು ದೊಡಮನಿ, ಸಾಬಪ್ಪ ದೊಡಮನಿ, ಚಂದಪ್ಪ ದೊಡಮನಿ ಸೇರಿದಂತೆ ಇನ್ನಿತರರು.

ಮುಖಂಡರಾದ ವಿಠ್ಠಲ ಯಾದವ, ಬ್ಲಾಕ ಕಾಂಗ್ರೆಸ್ ಅಧ್ಯಕ್ಷ ನಿಂಗರಾಜ ಬಾಚಿಮಟ್ಟಿ, ಎಪಿಎಂಸಿ ಸದಸ್ಯ ಮಲ್ಲಣ್ಣ ಸಾಹು ಮುದೋಳ, ಭೀಮರಾಯ ಮೂಲಿಮನಿ, ಮಾನಪ್ಪ ದೇವತ್ಕಲ್, ಆಮನಿಂಗಪ್ಪ ಕೆರಿಹೊಲ, ಗ್ರಾಪಂ ಸದಸ್ಯ ಮಾಳಪ್ಪ, ಕನಕಾಚಲ ಜಾಗೀರದಾರ, ಮಹೇಶ ಜಾಗಿರದಾರ, ಬಸವರಾಜ ದೊರಿ, ರಾಜಶೇಖರ ನಾಯಕ, ಸಿದ್ದನಗೌಡ ಹಂದ್ರಾಳ, ಭೀಮರೆಡ್ಡಿ ಮುದ್ನೂರ ದೇವಿಂದ್ರಪ್ಪ ಮುದ್ನೂರ(ಡೆವಿಡ್), ಗ್ರಾಪಂ ಮಾಜಿ ಸದಸ್ಯ ಮಲ್ಕಪ್ಪ ಉಪಸ್ಥಿತರಿದ್ದರು