ಬೇಡಜಂಗಮರಿಗೆ ಎಸ್ಸಿ ಸರ್ಟಿಫಿಕೆಟ್‌ಕೊಡಿ: ವಿಶ್ವನಾಥ ಸಾಲಿಮಠ

ಕಲಬುರಗಿ: ರಾಜ್ಯದಲ್ಲಿ ಬೇಡಜಂಗಮ ಸಮುದಾಯಕ್ಕೆ ಪರಿಶಿಷ್ಟ ಜಾತಿ ಪ್ರಮಾಣ ಪತ್ರ ನೀಡಬೇಕುಎಂದು ಆಗ್ರಹಿಸಿ ಜು.೨೩ರಂದು ಬೆಂಗಳೂರಿನ ಫ್ರೀಡ್ಂ ಪಾರ್ಕ್‌ನಲ್ಲಿ ನಡೆಯುತ್ತಿರುವ ಸತ್ಯ ಪ್ರತಿಪಾದನ ಸತ್ಯಾಗ್ರಹಕ್ಕೆ ಬೆಂಬಲಿಸಿ ಕಲ್ಯಾಣಕರ್ನಾಟಕ ಭಾಗದಿಂದ ಸುಮಾರು ೪೦೦ ಗುರುಸ್ಥಳ ಹಾಗೂ ವಿರಕ್ತ ಮಠದ ಸ್ವಾಮೀಜಿಗಳು ಬೆಂಗಳೂರಿಗೆ ತೆರಳಿದ್ದಾರೆ ಎಂದು ಹೈದರಾಬಾದ್‌ಕರ್ನಾಟಕ ಬೇಡಜಂಗಮ ಸಮಾಜ ಸಂಸ್ಥೆ ನಗರಘಟಕಅಧ್ಯಕ್ಷ ವೀರಭದ್ರಯ್ಯ ಮಠ, ಪ್ರಧಾನ ಕಾರ್ಯದರ್ಶಿ ವಿಶ್ವನಾಥ ಸಾಲಿಮಠ ತಿಳಿಸಿದರು.

ಶುಕ್ರವಾರ ಸಂಜೆರೈಲ್ವೆ, ಬಸ್, ವೈಯಕ್ತಿಕವಾಗಿಕಾರ್ ಮೂಲಕ ಬೆಂಗಳೂರಿಗೆ ತೆರಳಲಿದ್ದು, ಸಂಸ್ಥೆಯರಾಜ್ಯಾಧ್ಯಕ್ಷ ಬಿ.ಡಿ.ಹಿರೇಮಠ ನೇತೃತ್ವದ ಹೋರಾಟಕ್ಕೆ ಶಕ್ತಿ ತುಂಬಲಾಗುವುದುಎಂದು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಆಂಧ್ರ, ತೆಲಂಗಾಣ, ಮಹಾರಾಷ್ಟ್ರ ಮತ್ತುರಾಜ್ಯದ ವಿವಿಧ ಭಾಗಗಳಿಂದ ಸುಮಾರು ಮೂರು ಸಾವಿರಕ್ಕೂಅಧಿಕ ಮಠಾಧೀಶರು ಪಾಲ್ಗೊಳ್ಳಲಿದ್ದಾರೆ.ಆರ್ಥಿಕ, ಶೈಕ್ಷಣಿಕವಾಗಿತೀರಾ ಹಿಂದುಳಿದ ಸಮಾಜವಾಗಿದ್ದು, ಜಂಗಮ ಸಮುದಾಯಕ್ಕೆ ನ್ಯಾಯ ದೊರಕಿಸಿಕೊಡಬೇಕು.ಸುಮ್ಮನೆ ಬೇಡಜಂಗಮರನ್ನು ಗುರಿಯಾಗಿಸಿಕೊಂಡು ಸುಳ್ಳು ಕೇಸ್ ದಾಖಲಿಸಿ ಮಾನಸಿಕವಾಗಿ ಕಿರುಕುಳ ನೀಡಲಾಗುತ್ತಿದೆಎಂದುದೂರಿದರು.

ಹೋರಾಟಕ್ಕೆರಾಜಕೀಯದವರು ಸಾಥ್: ಈ ಒಂದು ಹೋರಾಟಕ್ಕೆ ಕೆಪಿಸಿಸಿ ಅಧ್ಯಕ್ಷ ಡಿ.ಕೆ.ಶಿವಕುಮಾರ, ಜೆಡಿಎಸ್‌ರಾಜ್ಯಾಧ್ಯಕ್ಷ ಸಿ.ಎಂ. ಇಬ್ರಾಹಿಂ, ಭೇಟಿ ನೀಡಿ ಬೆಂಬಲಿಸಿದ್ದಾರೆ ಎಂದರು.ಸತೀಶ ಸ್ವಾಮಿ, ವೀರು ಸ್ವಾಮಿ, ಅಣವೀರಯ್ಯ ಪ್ಯಾಟಿಮನಿ ಕೋಡ್ಲಿ, ರುದ್ರಮುನಿ ಮಠಪತಿ, ಸಾಗರ ಹಿರೇಮಠಇತರರಿದ್ದರು.