ಸೇಡಂನಲ್ಲಿ ಅಗಸ್ಟ ೨೧ ರಂದು ಶೈಕ್ಷಣಿಕ ಸಮಾವೇಶ

ಶಹಾಬಾದ :ಸೇಡಂ ತಾಲೂಕಿನ ಶ್ರೀ ಕೊತ್ತಲ ಬಸವೇಶ್ವರ ಭಾರತೀಯ ಶಿಕ್ಷಣ ಸಮಿತಿ ಹಾಗೂ ವಿಕಾಸ ಅಕಾಡೆಮಿ ವತಿಯಿಂದ ಇದೇ ಅಗಸ್ಟ ೨೧ ರಂದು ವಿಶೇಷ ಶೈಕ್ಷಣಿಕ ಸಮಾವೇಶವನ್ನು ಹಮ್ಮಿಕೊಳ್ಳಲಾಗಿದ್ದು, ಶಹಾಬಾದ ತಾಲೂಕಿನ ಎಲ್ಲಾ ಸರಕಾರಿ, ಅನುದಾನಿತ ಹಾಗೂ ಅನುದಾನ ರಹಿತ ಶಾಲಾ-ಕಾಲೇಜಿನ ಮುಖ್ಯಸ್ಥರು,ಆಡಳಿತ ಮಂಡಳಿ ಹಾಗೂ ಶಿಕ್ಷಕರು ಪಾಲ್ಗೊಂಡು ಈ ಸಮಾವೇಶವನ್ನು ಯಶಸ್ವಿಗೊಳಿಸಬೇಕೆಂದು ಕಲ್ಯಾಣ ಕರ್ನಾಟಕ ಮಾನವ ಸಂಪನ್ಮೂಲ ಕೃಷಿ ಹಾಗೂ ಸಾಂಸ್ಕೃತಿಕ ಸಂಘ ಜಿಲ್ಲಾ ಸಂಯೋಜಕ ಶರಣು ವಸ್ತ್ರದ್ ಅವರ ತಂಡ ನಗರದ ವಿವಿಧ ಶಾಲಾ-ಕಾಲೇಜುಗಳಿಗೆ ಬೇಟಿ ನೀಡಿ, ಆಮಂತ್ರವನ್ನು ಕೊಟ್ಟು ಮನವಿ ಮಾಡಿದರು.

ಪ್ರತಿ ಮೂರು ವರ್ಷಕ್ಕೊಮ್ಮೆ ಶ್ರೀ ಕೊತ್ತಲ ಬಸವೇಶ್ವರ ಭಾರತೀಯ ಶಿಕ್ಷಣ ಸಮಿತಿ ಹಾಗೂ ವಿಕಾಸ ಅಕಾಡೆಮಿ ವತಿಯಿಂದ ವಿಶೇಷ ಶೈಕ್ಷಣಿಕ ಕಾರ್ಯಕ್ರಮವನ್ನು ನಡೆಸುತ್ತಾ ಬರುತ್ತಿದೆ.ಅದೇ ರೀತಿ ಈ ಬಾರಿಯೂ ಶೈಕ್ಷಣಿಕ ಸಮಾವೇಶವನ್ನು ಸೇಡಂನ ನೃಪತುಂಗ ಮಹಾವಿದ್ಯಾಲಯದಲ್ಲಿ ಬೆಳಿಗ್ಗೆ ೯ಗಂಟೆಯಿಂದ ಸಂಜೆ ೫ರ ವರೆಗೆ ನಡೆಯಲಿದೆ. ಒಂದು ದಿನದ ವಿಶೇ? ಕಾರ್ಯಕ್ರಮ ನಾಡಿನ ಹೆಸರಾಂತ ಶಿಕ್ಷಣ ತಜ್ಞರು ಉಪಸ್ಥಿತಿಯಲ್ಲಿ ನಡೆಯಲಿದೆ.

ಈ ವಿಶೇಷಶೈಕ್ಷಣಿಕ ಸಮಾವೇಶದಲ್ಲಿ ಗದಗಿನ ನಿರ್ಭಯಾನಂದ ಸ್ವಾಮಿಗಳು, ಶಿಕ್ಷಣ ಸಚಿವ ಬಿ.ಸಿ.ನಾಗೇಶ, ಬಾಗಲಕೋಟನ ಬಸವೇಶ್ವರ ವಿದ್ಯಾವರ್ಧಕ ಸಂಘದ ವೀರಣ್ಣ ಚರಂತಿಮಠ, ಶಿಕ್ಷಣ ತಜ್ಞ ಗುರುರಾಜ ಕರ್ಜಗಿ, ಶಿಕ್ಷಣ ಚಿಂತಕರಾದ ಎನ್.ಎಂ.ಬಿರಾದಾರ, ಮಹೇಶ ಮಾಶಾಳಕರ, ಉಪಕುಲಪತಿಗಳಾದ ದಯಾನಂದ ಅಗಸರ, ನರೇಂದ್ರ ಬಡಶೇಷಿ ಕಲ್ಬುರ್ಗಿ, ಲೀಲಾ ಮಲ್ಲಿಕಾರ್ಜುನ ಕಾರಟಗಿ, ಕಲ್ಯಾಣ ಕರ್ನಾಟಕ ಮಾನವ ಸಂಪನ್ಮೂಲ ಕೃಷಿ ಹಾಗೂ ಸಾಂಸ್ಕೃತಿಕ ಸಂಘ ಕಲಬುರ್ಗಿ ಸಂಘದ ಪದಾಧಿಕಾರಿಗಳು ಆಗಮಿಸುವರು.

ಕಲ್ಯಾಣ ಕರ್ನಾಟಕ ಭಾಗದ ಪ್ರವಾಸದ ಮಾಡುವ ಪ್ರಮುಖ ಕ್ಷೇತ್ರಗಳ ಶಾಲಾ-ಕಾಲೇಜು ಹಾಗೂ ಇತರರು ಪ್ರವಾಸ ಕೈಗೊಂಡರೆ ಅವರಿಗೆ ಉಚಿತವಾಗಿ ಉಳಿದುಕೊಳ್ಳಲು ಎಲ್ಲಾ ವ್ಯವಸ್ಥೆ ಮಾಡಿಕೊಡಲಾಗುವುದು.ಅಲ್ಲದೇ ಅಲ್ಲಿರುವ ನಮ್ಮ ಸಂಘದ ಸಂಯೋಜಕರ ಕರೆ ಮಾಡಿದರೆ ನಿಮಗೆ ಎಲ್ಲಾ ವ್ಯವಸ್ಥೆ ಮಾಡಿಕೊಡುವರು.ಅದಕ್ಕಾಗಿ ಒಂದು ದಿನ ಮುಂಚಿತವಾಗಿ ತಿಳಿಸಬೇಕಾಗಿರುವುದು ಕಡ್ಡಾಯ ಎಂದರು.

ಅಲ್ಲದೇ ತಾಲೂಕಿನ ಎಲ್ಲಾ ಶಾಲೆಗಳಿಗೆ ಸಂಪರ್ಕ ಮಾಡಿ, ಶೈಕ್ಷಣಿಕ ಸಮಾವೇಶ ಆಮಂತ್ರ ಪತ್ರವನ್ನು ಮತ್ತು ನೀಡಲಾಗಿದೆ.ಈ ಸಮಾವೇಶದಲ್ಲಿ ಪಾಲ್ಗೊಂಡು ಶೈಕ್ಷಣಿಕ ಚಟುವಟಿಕೆಗಳಿಗೆ ಸಂಬಂಧಿಸಿದ ಲಾಭನ್ನು ಪಡೆದುಕೊಳ್ಳಬೇಕೆಂದು ಮನವಿ ಮಾಡಿದರು.
ಈ ಸಂದರ್ಭದಲ್ಲಿ ಮಾನವ ಸಂಪನ್ಮೂಲ ಕೃಷಿ ಹಾಗೂ ಸಾಂಸ್ಕೃತಿಕ ಸಂಘ ತಾಲೂಕು ಸಂಯೋಜಕರಾದ ಮಲ್ಲಿಕಾರ್ಜುನ ಇಟಗಿ, ಸುನೀಲ ಗುಡೂರ, ಅಣವೀರಪ್ಪ ಬಾಳಿ ಇದ್ದರು.