ದುಡಿಯುವ ಜನ ಒಂದಾಗಿ ಬಾಳುವುದರಿಂದ ಸಮಸ್ಯೆ ಪರಿಹಾರ: ವೀರುಪಾಕ್ಷಪ್ಪ ಚೆಟ್ಟಿ

ಕಲಬುರಗಿ: ದುಡಿಯುವ ಜನ ಒಂದಾಗಿ ಬಾಳುವುದರಿಂದ ಸಮಸ್ಯೆ ಪರಿಹರಿಸುವಕೊಳ್ಳುವ ಶಕ್ತಿ ಇಮ್ಮಡಿಗೊಳಿಸುವದಲ್ಲದೆ ದೇಶದ ಆರ್ಥಿಕ ಸ್ಥಿತಿ ಸುಭದ್ರಗೊಳಿಸುತ್ತದೆ ಎಂದು ಅಖಿಲ ಭಾರತ ಜೀವ ವಿಮಾ ನಿಗಮದ ಪ್ರತಿನಿಧಿಗಳ ಸಂಘಟನೆಯ (LICAOI)) ಸಿ.ಎ.ಬಿ. ಶಾಖೆಯ ನೂತನ ಅಧ್ಯಕ್ಷರಾಗಿ ಆಯ್ಕೆಯಾದ ವೀರುಪಾಕ್ಷಪ್ಪ ಚೆಟ್ಟಿ ಹೇಳಿದರು.

ನಿನ್ನೆ ಎಲ್.ಐ.ಸಿ. ವೃತ್ತಿಪರ ಪ್ರತಿನಿದಿ ಶಾಖೆಯಲ್ಲಿ ನೂತನ ಪದಾಧಿಕಾರಿಗಳ ಸನ್ಮಾನ ಸಮಾರಂಭದಲ್ಲಿ ಮಾತನಾಡುತ್ತಾ ಪ್ರತಿಯೊಂದು ಕ್ಷೇತ್ರದಲ್ಲಿ ದುಡಿಯುವ ಜನ ಸಂಘಟನಾತ್ಮಕವಾಗಿ ಹೋರಾಟ ಮಾಡುವುದರೊಂದಿಗೆ ತಮ್ಮ ಹಕ್ಕುಗಳನ್ನು ಪಡೆಯುವ ಕಾರ್ಯವಾಗಬೇಕಾಗಿದೆ. ಏಕೆಂದರೆ ಯಾವುದೇ ಸೌಲಭ್ಯಗಳು ಪಡೆಯಬೇಕಾದರೆ ಕೇಳಿ ಪಡೆಯುವದಕ್ಕಿಂತ ಹೋರಾಟ ಮಾಡಿ ಪಡೆಯುವ ಪರಿಸ್ಥಿತಿ ಬಂದಿದೆ. ಇಂದಿನ ಕಾಲದಲ್ಲಿ ಪ್ರತಿಯೊಂದು ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿರುವ ವ್ಯಕ್ತಿಯು ಸಂಘಟನೆ, ಹೋರಾಟವಿಲ್ಲದೆ ಬದುಕು ಸಾಗಿಸುವುದ ಕಠಿಣವಾಗಿದೆ. ಹೋರಾಟದಿಂದ ಪಡೆದ ಸುಖ, ಸಂತೋಷ ನಮ್ಮ ಬದುಕು ಸುಂದರಗೊಳಿಸುತ್ತದೆ ಅದಕ್ಕಾಗಿ ನಾವೆಲ್ಲರೂ ಒಂದಾಗಿ ಕೆಲಸ ಮಾಡುವುದರೊಂದಿಗೆ ಸಮೃದ್ಧ ಸಮಾಜ ಕಟ್ಟೋಣ ಎಂದು ಹೇಳಿದರು.

ಇದೇ ಸಂದರ್ಭದಲ್ಲಿ ನೂತನ ಪದಾಧಿಕಾರಿಗಳಿಗೆ ಸನ್ಮಾನಿಸಿ ಗೌರವಿಸಲಾಯಿತು. ಪದಾಧಿಕಾರಿಗಳಾದ ಅಧ್ಯಕ್ಷ ವೀರುಪಾಕ್ಷಪ್ಪ ಚೆಟ್ಟಿ, ಉಪಾಧ್ಯಕ್ಷ ರವೀಂದ್ರಕುಮಾರ ಮುಕಾಶಿ, ಕಾರ್ಯದರ್ಶಿ ಶರಣಬಸಪ್ಪ ಬಿರಾದಾರ, ಸಹ ಕಾರ್ಯದರ್ಶಿ ಆನಂದಕುಮಾರ ಜಿ., ಖಜಾಂಚಿ ಮಲ್ಲಿನಾಥ ಬೆಣ್ಣೆಶಿರೂರ, ಕಾನೂನು ಸಲಹೆಗಾರರಾಗಿ ಹಣಮಂತರಾಯ ಎಸ್. ಅಟ್ಟೂರ, ಕಾರ್ಯಕಾರಿ ಮಂಡಳಿಯ ಸದಸ್ಯರಾಗಿ ರಘುನಂದನ ಕುಲಕರ್ಣಿ, ಕಲ್ಲಪ್ಪಾ ಮಿತ್ರ, ಮಲ್ಲಯ್ಯ ಸ್ವಾಮಿ, ಅಮೃತಪ್ಪಾ ಬಿರಾದಾರ, ಮಾಣಿಕ ಪತಂಗೆ, ಬಸವರಾಜ ಟೆಂಗಳಿ ಮಹಿಳಾ ಸದಸ್ಯರಾಗಿ ರಾಜೇಶ್ವರಿ ಜೇವರ್ಗಿ ಆಯ್ಕೆಯಾದರು.

ಕಾರ್ಯಕ್ರಮದಲ್ಲಿ ಮಶಾಕ್ ಸಾಬ್ ತೊನಸಳ್ಳಿ, ದಶರಥ ದುಮ್ಮನಸುರ, ವಿಜಯಕುಮಾರ ಹೊಸಮನಿ, ಪರಮೇಶ್ವರ ಚಿಂಚೋಳಿ, ಶಿವಶರಣಪ್ಪ ಬಿರಾಳ, ಪರಮೇಶ್ವರ ಮಡ್ಡೆ, ಶಿವರಾಜ ಪೂಜಾರಿ, ಸಂಗಣ್ಣ ನಾಗಶೆಟ್ಟಿ, ಸಿದ್ದಯ್ಯ ಸ್ವಾಮಿ, ನಿಂಗಮ್ಮ ಇದ್ದರು.