ಆಳಂದ ಸಮ್ಮೇಳನಾಧ್ಯಕ್ಷ ನೀಲೂರೆಗೆ ಸನ್ಮಾನ

ಆಳಂದ: ತಾಲೂಕು ಮಾಡಿಯಾಳ ಗ್ರಾಮದಲ್ಲಿ ನವೆಂಬರ್ ಮೊದಲ ವಾರದಲ್ಲಿ ಆಯೋಜಿಸಲು ನಿರ್ಧರಿಸುವ ಆಳಂದ ತಾಲೂಕು 11ನೇ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿ ನಿಯೋಜಿತರಾಗಿರುವ ಸಾಹಿತಿ ಪ್ರಭುಲಿಂಗ ನೀಲೂರೆ ಅವರಿಗೆ ಆಳಂದ ಕಸಾಪ ವತಿಯಿಂದ ಸನ್ಮಾನಿಸಲಾಯಿತು.

ಸಾಹಿತಿ ಪ್ರಭುಲಿಂಗ ನೀಲೂರೆ ಅವರು ಕಾರ್ಯನಿರ್ವಹಿಸುವ ಕಚೇರಿಗೆ ತೆರಳಿದ ನಿಯೋಗವು ಕನ್ನಡದ ಶಾಲು, ಪುಷ್ಪಮಾಲೆ, ಫಲ ತಾಂಬೂಲ ನೀಡಿ ಸನ್ಮಾನಿಸಿತು.

ನಿಯೋಗದಲ್ಲಿ ಜಿಲ್ಲಾ ಕಸಾಪ ಅಧ್ಯಕ್ಷ ವಿಜಯಕುಮಾರ ಪಾಟೀಲ ತೇಗಲತಿಪ್ಪಿ, ಗೌರವ ಕಾರ್ಯದರ್ಶಿಗಳಾದ ಶಿವರಾಜ ಅಂಡಗಿ, ಯಶ್ವಂತರಾವ ಅಷ್ಟಗಿ, ಹಿರಿಯ ಪತ್ರಕರ್ತ ದೇವಯ್ಯ ಗುತ್ತೇದಾರ, ಆಳಂದ ಕಸಾಪ ಅಧ್ಯಕ್ಷ ಹಣಮಂತ ಶೇರಿ, ಖಜೂರಿ, ಕಾಳಗಿ ಕಸಾಪ ಅಧ್ಯಕ್ಷ ಸಂತೋಷ ಕುಡ್ಡಳ್ಳಿ, ಜಾನಪದ ಪರಿಷತ್ತು ಜಿಲ್ಲಾ ಅಧ್ಯಕ್ಷ ಎಂ ಬಿ ನಿಂಗಪ್ಪ, ಆಳಂದ ಕಸಾಪ ಕೋಶಾಧ್ಯಕ್ಷ ಅಶೋಕರೆಡ್ಡಿ, ಗೌರವ ಸಲಹೆಗಾರ ಕಲ್ಯಾಣಿ ಸಾವಳಗಿ, ಕಲಬುರಗಿ ಉತ್ತರ ವಲಯ ಮಾಜಿ ಅಧ್ಯಕ್ಷ ಲಿಂಗರಾಜ ಸಿರಗಾಪೂರ, ಆಳಂದ ಕಸಾಪ ಮಾಜಿ ಅಧ್ಯಕ್ಷ ಡಾ. ಅಪ್ಪಾಸಾಹೇಬ ಬಿರಾದಾರ, ಕನ್ನಡ ಭೂಮಿ ಜಾಗೃತಿ ಸಮಿತಿಯ ಪ್ರಶಾಂತ ತಂಬೂರಿ, ಯುವ ಸಾಹಿತಿಗಳಾದ ರಜನೀಕಾಂತ ಬರೂಡೆ, ರವಿಕುಮಾರ ಇದ್ದರು.