ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆ | ಸ್ಕಾಲರ್‍ಶಿಪ್‍ನಿಂದ ವಂಚಿತರಾಗುತ್ತಿದ್ದಾರಾ? ವಿದ್ಯಾರ್ಥಿಗಳು!

• ಸಾಜಿದ್ ಅಲಿ

ಕಲಬುರಗಿ: ಅಲ್ಪಸಂಖ್ಯಾತರಕಲ್ಯಾಣಇಲಾಖೆಯಿಂದ ನೀಡಲಾಗುತ್ತಿರುವ ವಿದ್ಯಾರ್ಥಿ ವೇತನಕ್ಕೆ ಇದೀಗ ಹಲವು ಎಡರು ತೊಡರುಗಳು ಎದುರಾಗಿವೆ. ದೇವರು ವರಕೊಟ್ಟರೂ ಪೂಜಾರಿ ವರಕೊಡಲಿಲ್ಲ ಎನ್ನುವಂತೆ ಖಾಸಗಿ ಶಾಲೆಗಳು ವಿದ್ಯಾರ್ಥಿ ವೇತನ ಹೆಸರಲ್ಲಿ ಸುಲಿಗೆ ಆರಂಭಿಸಿರುವ ಆರೋಪಗಳು ಸಹ ಕೇಳಿಬರುತ್ತಿವೆ.

ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆಯಿಂದ ಮೆಟ್ರಿಕ್ ಪೂರ್ವ, ಮೆಟ್ರಿಕ್ ನಂತರ ಹಾಗೂ ಮೆರಿಟ್‍ಕಮ್ ಮೀನ್ಸ್ (ತಾಂತ್ರಿಕ ಕೋರ್ಸ್‍ಗಳು) ವಿದ್ಯಾರ್ಥಿ ವೇತನಕ್ಕೆ ಈಗಾಗಲೇ ಅರ್ಜಿಆಹ್ವಾನಿಸಲಾಗಿದ್ದು, ಮೆಟ್ರಿಕ್ ನಂತರ ಮತ್ತು ಮೆಟ್ರಿಕ್‍ ಕಮ್ ಮಿನ್ಸ್ ವೇತನಕ್ಕೆಅರ್ಜಿ ಸಲ್ಲಿಸುವ ದಿನಾಂಕ 31 ಅಕ್ಟೋಬರ್‍ಆಗಿದೆ. ಮೆಟ್ರಿಕ್ ಪೂರ್ವ ವೇತನಕ್ಕೆ ಅಕ್ಟೋಬರ್ 15 ಆಗಿದೆ.

ಬಿ.ಎ, ಬಿ.ಕಾಂ., ಬಿ.ಎಸ್.ಸಿ ಮತ್ತುತಾಂತ್ರಿಕ ಶಿಕ್ಷಣಗಳಾದ ಬಿ.ಎಸ್ಸಿ ನರ್ಸಿಂಗ್, ಡಿಪೆÇ್ಲಮಾ, ಇಂಜಿನಿಯರಿಂಗ್‍ಓದುತ್ತಿರುವ ವಿದ್ಯಾರ್ಥಿಗಳು ಪ್ರಥಮ ವರ್ಷದ ವಿದ್ಯಾರ್ಥಿಗಳು ಈಗಾಗಲೇ ವಿದ್ಯಾರ್ಥಿ ವೇತನ ಪಡೆದಿದ್ದು, ದ್ವಿತೀಯ ವರ್ಷಕ್ಕೆಅರ್ಜಿ ಸಲ್ಲಿಸಲು ಪ್ರಥಮ ವರ್ಷದ ಅಂಕಪಟ್ಟಿ ಅಗತ್ಯವಿದೆ. ಆದರೆಆದರೆ ಪ್ರಥಮ ಸೆಮಿಸ್ಟರ್‍ಅಂಕಪಟ್ಟಿ ಈವರೆಗೆ ಬಂದಿರುವುದಿಲ್ಲ. ಅದರಂತೆ ಎರಡನೇ ಸೆಮಿಸ್ಟರ್ ಪರೀಕ್ಷೆ ಬರೆದರೂ ಈವರೆಗೆ ಫಲಿತಾಂಶ ಬಂದಿರುವುದಿಲ್ಲ. ಹೀಗಾಗಿ ಸಾವಿರಾರು ವಿದ್ಯಾರ್ಥಿಗಳು ವೇತನ ಪಡೆಯಲು ತೀವ್ರ ತೊಂದರೆ ಅನುಭವಿಸುವಂತಾಗಿದೆ.

ಮೆಟ್ರಿಕ್ ನಂತರ ಮತ್ತು ಮೆರಿಟ್‍ಕಮ್ ಮೀನ್ಸ್ ವಿದ್ಯಾರ್ಥಿ ವೇತನಕ್ಕೆಅರ್ಜಿ ಸಲ್ಲಿಸಿ ಬೋನಾಫೈಡ್ ಮೇಲೆ ಸಹಿ ಮಾಡಲು ಪ್ರಾಚಾರ್ಯರು ಹಿಂದೇಟು ಹಾಕುತ್ತಿದ್ದಾರೆ. ಅಧಿಕಾರಿಗಳು ಒಂದು ಅಂಕಪಟ್ಟಿಯ ಮೇಲೆ ಒಂದು ಬಾರಿ ಮಾತ್ರ ವೇತನ ಸಲ್ಲಿಸಲು ಅರ್ಹರು ಎಂಬ ನಿರ್ದೇಶನ ಇದೆ. ಅಂಕಪಟ್ಟಿ ಬರುವರೆಗೆ ಕಾಯಿರಿ ಎಂದು ಕಾಲೇಜಿನ ಅಡಳಿತ ವರ್ಗ ಮತ್ತು ಸಿಬ್ಬಂದಿ ತಿಳಿಸುತ್ತಿರುವುದರಿಂದ ವಿದ್ಯಾರ್ಥಿಗಳನ್ನು ಗೊಂದಲಕ್ಕೀಡಾಗುವಂತೆ ಮಾಡಿದೆ.

ಮೆಟ್ರಿಕ್ ನಂತರ ಮತ್ತು ಮೆಟ್ರಿಕ್ ಮೀನ್ಸ್ ಪದವಿ ಕಾಲೇಜುಗಳ ವಿದ್ಯಾರ್ಥಿಗಳಿಗೆ ಈ ರೀತಿಯ ಸಮಸ್ಯೆಯಾಗುತ್ತಿರುವುದು ಕೇಳಿ ಬಂದಿದೆ.ಈ ಕುರಿತಾಗಿ ಮೇಲಧೀಕಾರಿಗಳ ಗಮನಕ್ಕೆ ಕೂಡ ತರಲಾಗಿದೆ. ಖಾಸಗಿ ಶಾಲೆಗಳು ಪೆÇಷಕರಿಂದ ಹಣ ಪಡೆಯುತ್ತಿರುವ ಬಗ್ಗೆ ನಮ್ಮ ಗಮನಕ್ಕೆ ಬಂದಿಲ್ಲ. ಪೆÇಷಕರಿಗೆ ಶಾಲಾ ಆಡಳಿತ ಮಂಡಳಿ ಹಾಗೂ ಸಿಬ್ಬಂದಿ ಸಹಕರಿಸಬೇಕು. ಹಣ ಪಡೆಯಬಾರದು. ವೇತನ ಹೆಸರಲ್ಲಿ ಹಣ ಹೇಳುತ್ತಿರುವ ಶಾಲೆಗಳ ಬಗ್ಗೆ ಮಾಹಿತಿ ಅಥವಾ ದೂರು ನೀಡಿದರೆ ಅಂತಹ ಶಾಲೆಗಳ ವಿರುದ್ಧ ಸೂಕ್ತ ಕ್ರಮಕೈಗೊಳ್ಳಲಾಗುವುದು. – ಭಕ್ತಮಾಕರ್ಂಡೇಯ, ಜಿಲ್ಲಾ ಅಧಿಕಾರಿ, ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆ, ಕಲಬುರಗಿ.

ಇನ್ನೊಂದೆಡೆ ಖಾಸಗಿ ಶಾಲೆಗಳು ಪ್ರಿ ಮ್ಯಾಟ್ರಿಕ್ ವಿದ್ಯಾರ್ಥಿ ವೇತನದ ಹೆಸರಲ್ಲಿ ಶಾಲೆಯ ಶುಲ್ಕ ಭರಿಸಬೇಕೆಂದು ಪೋಷಕರ ಮೇಲೆ ಒತ್ತಡ ಹಾಕುತ್ತಿರುವ ಘಟನೆಗಳು ಜಿಲ್ಲೆಯ ಹಲವು ಕಡೆ ನಡೆಯುತ್ತಿವೆ. ಎನ್.ಎಸ್.ಪಿ (ನ್ಯಾಷನಲ್ ಸ್ಕಾಲರ್‍ಶಿಪ್ ಪೋರ್ಟ್‍ಲ್ ) ಹಾಗೂ ಎಸ್.ಎಸ್.ಪಿ (ಸ್ಟೇಟ್ ಸ್ಕಾಲರ್‍ಶಿಪ್ ಪೋರ್ಟ್‍ಲ್) ಹೆಸರಲ್ಲಿ ಪೆÇಷಕರಿಂದ 200ರಿಂದ 500ರ ವರೆಗೆ ಶಾಲೆಗಳು ಹಣ ಪಡೆಯುತ್ತಿವೆ. ಶಿಕ್ಷಣ ಇಲಾಖೆಯಾಗಲಿ ಅಥವಾ ಸ್ಕಾಲರ್‍ಶಿಪ್ ನೀಡುವಅಲ್ಪಸಂಖ್ಯಾತರ ಇಲಾಖೆ ನಿರ್ದೇಶನಇಲ್ಲದೇ ವಿದ್ಯಾರ್ಥಿಗಳಿಂದ ಅಂಕಪಟ್ಟಿ, ಅಧಾರಕಾರ್ಡ್, ಬ್ಯಾಂಕ್ ಪಾಸ್ ಬುಕ್ ಹಾಗೂ ಇನ್‍ಕಮ್, ಕಾಸ್ಟ್ ಸೆರ್ಟಿಫಿಕೆಟ್ ಸೇರಿದಂತೆ ಹಲವು ದಾಖಲೆಗಳು ಕೇಳುತ್ತಿವೆ. ಒಟ್ಟಾರೆಯಾಗಿಅಲ್ಪಸಂಖ್ಯಾತರ ವಿದ್ಯಾರ್ಥಿಗಳ ವಿದ್ಯಾರ್ಥಿ ವೇತನದ ಹೆಸರಲ್ಲಿ ಖಾಸಗಿ ಶಾಲೆಗಳು ವಿದ್ಯಾರ್ಥಿಗಳಿಂದ ಹಣ ಕೀಳಲಾಗುತ್ತಿದೆ ಎಂಬ ಆರೋಪಗಳು ಕೇಳಿ ಬರುತ್ತಿವೆ. ಹೀಗಾಗಿ ವಿದ್ಯಾರ್ಥಿಗಳು ವೇತನ ಪಡೆಯುವುದರಿಂದ ವಂಚಿತರಾಗುತ್ತಿದ್ದಾರೆ ಎಂಬ ದೂರುಗಳು ಕೇಳಿ ಬಂದಿವೆ.