282 ನೇ ಮಾಸಿಕ ಶರಣ ಸಂಗಮ

ಭಾಲ್ಕಿ: ಆಸಕ್ತಿ ಮತ್ತು ಸತತ ಪ್ರಯತ್ನ ಇದ್ದರೆ ಜೀವನದಲ್ಲಿ ಯಶಸ್ಸು ಸಾಧ್ಯ. ಜನರ ಅರ್ಥವಿಲ್ಲದ ಮಾತುಗಳಿಗೆ ಕಿವಿಗೊಡದೆ ಶರಣರ ವಚನಗಳು ಅಧ್ಯಯನ ಮತ್ತು ಅನುಷ್ಠಾನಗೈಯುತ್ತ ಬದುಕು ಸಾರ್ಥಕ ಮಾಡಿಕೊಳ್ಳಬೇಕು ಎಂದು ಪೂಜ್ಯ ಶ್ರೀ ಡಾ.ಬಸವಲಿಂಗ ಪಟ್ಟದ್ದೇವರು ನುಡಿದರು.

ಪಟ್ಟಣದ ಚನ್ನಬಸವಾಶ್ರಮದಲ್ಲಿ ಜರುಗಿದ 282ನೇ ಮಾಸಿಕ ಶರಣಸಂಗಮ ಕಾರ್ಯಕ್ರಮದ ದಿವ್ಯ ಸನ್ನಿಧಾನ ವಹಿಸಿ ಪೂಜ್ಯ ಶ್ರೀಗಳು ಆಶೀರ್ವಚನಗೈದರು. ಪೂಜ್ಯ ಗುರುಬಸವ ಪಟ್ಟದ್ದೇವರು ದಿವ್ಯ ನೇತೃತ್ವ ವಹಿಸಿದ್ದರು.

ಸನ್ಮಾನ ಸ್ವೀಕರಿಸಿದ ಶರಣೆ ಶಾರದಾ ಮಾಳಗೆ ಅವರು, ಮನುಷ್ಯ ತಾನು ಮೊದಲು ಸಮರ್ಥವಾಗಿ ಬೆಳೆದು ನಂತರದಲ್ಲಿ ತನ್ನ ಸುತ್ತಮುತ್ತಲಿನ ಸಮಾಜ ಸೇವೆ ಮಾಡಬೇಕು. ಇಂದಿಗೂ ಸಮಾಜದಲ್ಲಿ ಮುಖ್ಯವಾಹಿನಿಗೆ ಬರದ ಮಕ್ಕಳು ಬಹಳ ಸಂಖ್ಯೆಯಲ್ಲಿದ್ದಾರೆ. ಅಂಥವರನ್ನು ಗುರುತಿಸಿ ಶಿಕ್ಷಣ ಮತ್ತು ಸಂಸ್ಕಾರ ನೀಡಿ ಬೆಳೆಸುವುದು ಮುಖ್ಯವಾಗಿದೆ ಎಂದು ನುಡಿದರು.

ಬಸವರಾಜ ಮರೆ, ಅಧ್ಯಕ್ಷತೆ ವಹಿಸಿದ್ದರು. ವಿಶೇಷ ಸಾಧನೆ ಮಾಡಿದ ಕರಬಸಯ್ಯ ಮಠಪತಿ, ಶಾರದಾ ಮಾಳಗೆ, ಡಾ.ಸಂಜೀವಕುಮಾರ ಜುಮ್ಮಾ, ಶಿವಕುಮಾರ ಲದ್ದೆ ಮತ್ತು ಪ್ರಜ್ವಲ್ ಬಿ. ಶೇರಿಕಾರ ಅವರಿಗೆ ಸನ್ಮಾನಿಸಲಾಯಿತು.

ಅಫಜಲಪೂರ ಬಸವಭಕ್ತರಾದ ಸದಾಶಿವ ಮೇತ್ರೆ, ರಾಜೇಂದ್ರ ನರೋಣ, ಬಸವರಾಜ ಕೆಂಗನಾಳ, ಅಮೃತಪ್ಪ ಪಾಟೀಲ, ಶಿವಪುತ್ರ ಆಲೆಗಾಂವ, ದಯಾನಂದ ನರೋಣ ಅವರು ಉಪಸ್ಥಿತರಿದ್ದರು. ಚಂದ್ರಕಲಾ ಜೋಸೆಫ್ ಭಕ್ತಿದಾಸೋಹ ವಹಿಸಿಕೊಂಡಿದ್ದರು. ಯಲ್ಲನಗೌಡ ಬಾಗಲಕೋಟ, ಶ್ರೀದೇವಿ ಸ್ವಾಮಿ ಅವರಿಂದ ವಚನ ಗಾಯನ ನಡೆಯಿತು. ರಾಜು ಜುಬರೆ ಸ್ವಾಗತಿಸಿದರು. ವೀರಣ್ಣ ಕುಂಬಾರ ನಿರೂಪಿಸಿದರು. ಶಾಂತಯ್ಯ ಸ್ವಾಮಿ ವಂದಿಸಿದರು.