ರೈತರ ಸಾಲ ಮನ್ನಾ ಸೇರಿದಂತೆ ವಿವಿಧ ಬೇಡಿಕೆಗೆ ಆಗ್ರಹಿಸಿ ಗ್ರಾ.ಪಂಗಳ ಮುಂದೆ ಪ್ರತಿಭಟನೆ

ಕಲಬುರಗಿ: ನೆಟೆ ರೋಗಕ್ಕೆ ತೊಗರಿ ನಾಶವಾಗಿರುವ ಎಕರೆಗೆ ರೂ.25000 ಪರಿಹಾರ ಧನ ನೀಡಬೇಕು ಮತ್ತು ಪ್ರದಾನಮಂತ್ರಿ ವಿಮಾ ಫಸಲ ಯೋಜನೆಯಲ್ಲಿ ರೈತರು ಕಟ್ಟಿದ ಹಣ ಪಾವತಿ, ರೈತರ ಬ್ಯಾಂಕ್ ಸಾಲ ಮನ್ನಾ ಸೇರಿದಂತೆ ರೈತರ ವಿವಿಧ ಬೇಡಿಕೆ ಈಡೇರಿಕೆಗೆ ಒತ್ತಾಯಿಸಿ ಕರ್ನಾಟಕ ಪ್ರಾಂತ ರೈತ ಸಂಘಟನೆ,  ಅಖಿಲ ಭಾರತ ಜನವಾದಿ ಮಹಿಳಾ ಸಂಘಟನೆ ಮತ್ತು ಸಿಐಟಿಯು ನೇತೃತ್ವದಲ್ಲಿ ಕಮಲಾಪುರ ತಾಲ್ಲೂಕಿನ ಎಲ್ಲ ಗ್ರಾಮ ಪಂಚಾಯತಿ ಗಳ ಮುಂದೆ ಪ್ರತಿಭಟನೆ ಜರುಗಿತು.

ತಾಲ್ಲೂಕಿನಾದ್ಯಂತ ಕರ್ನಾಟಕ ಪ್ರಾಂತ ರೈತ ಸಂಘಟನೆ, ಕಮಲಾಪುರ ತಾಲ್ಲೂಕು ಸಮಿತಯ ಕಾರ್ಯದರ್ಶಿ ಕಾ.ಮೆಹಬೂಬ ಶಾ ಕುರಿಕೋಟಾ, ಸಿಐಟಿಯು, ಕಮಲಾಪುರ ತಾಲ್ಲೂಕು ಸಮಿತಿಯ ಕಾರ್ಯದರ್ಶಿ  ಭೀಮಣ್ಣಾ ಕಲ್ಕುಟಗಿ, ಜನವಾದಿ ಮಹಿಳಾ ಸಂಘಟನೆ, ತಾಲ್ಲೂಕು ಸಮಿತಿಯ ಕಾರ್ಯದರ್ಶಿ, ಜಯಶ್ರೀ ಕಮಲಾಪುರ, ತಾಲ್ಲೂಕು ಅಧ್ಯಕ್ಷರಾದ ವಿರುಪಾಕ್ಷಪ್ಪ ತಡಕಲ್, ಶ್ರೀಮಂತ ಬಿರಾದಾರ, ಸುಧಾಮ ಧನ್ನಿ, ಪಾಂಡುರಂಗ ಮಾವಿನಕರಗ, ಬಾಬು ಹಿರಮಶೆಟ್ಟಿ, ರೇವಣಸಿದ್ದಪ್ಪ ಕುದಮೂಡ್, ವೀರಭದ್ರ ಕಲಬುರಗಿ, ಶಿವ ವಿ ಕೆ ಸಲಗರ್, ರ್ಯಾವಪ್ಪ, ಸುಭಾಷ, ಮಮತಾ ಕಮಲಾಪುರ, ನಿರ್ಮಲಾ, ಬಾಬು ವಿ ಕೆ ಸಲಗರ್ ಮುಂತಾದವರು ಗ್ರಾಮ ಪಂಚಾಯತಿಗಳ ಮುಂದೆ ನಡೆದ ಹೋರಾಟಗಳ ನೇತೃತ್ವ ವಹಿಸಿದರು.

ಪ್ರತಿಭಟನೆಯಲ್ಲಿ ಎಲ್ಲೆಡೆ ಕೂಡಲೆ ಉದ್ಯೋಗ ಖಾತ್ರಿ ಆರಂಭಿಸಬೇಕು. 200 ದಿನಗಳಿಗೆ ಕೆಲಸ ವಿಸ್ತರಿಸಿ ರೂ.600 ಕೂಲಿ ನೀಡಬೇಕೆಂದು ಹೋರಾಟ ನೀರತ ಪ್ರತಿಭಟನಾಕಾರರು ಆಗ್ರಹಿಸಿದರು.