ಎಸ್.ಎಂ ಹೈಯರ್ ಪ್ರೈಮರಿ ಹೈಸ್ಕೂಲ್‍ನಲ್ಲಿ ವಾರ್ಷಿಕ ಕ್ರೀಡಾಕೂಟ

ಕಲಬುರಗಿ: ಸೇಡಂ ರಸ್ತೆಯ ಬಡೇಪುರ್ ಕಾಲೋನಿಯಲ್ಲಿರುವ ಎಸ್.ಎಂ ಹೈಯರ್ ಪ್ರೈಮರಿ ಮತ್ತು ಹೈಸ್ಕೂಲ್‍ನಲ್ಲಿ 2022-23ನೇ ವಾರ್ಷಿಕ ಕ್ರೀಡಾಕೂಟಗಳ ಸಮಾರಂಭವನ್ನು ಶಾಸಕ ಬಸವರಾಜ ಮತ್ತಿಮಡು ಅವರು ಉದ್ಘಾಟಿಸಿದರು.

ನಂತರ ಅವರು ಮಾತನಾಡಿ ವಿದ್ಯಾರ್ಥಿಗಳಿಗೆ ಕ್ರೀಡೆಯು ಅಭ್ಯಾಸದ ಒಂದು ಮಹತ್ವರವಾದ ಭಾಗವಾಗಿದೆ. ಕ್ರೀಡೆಯಿಂದ ಮಾನಸಿಕ ಮತ್ತು ದೈಹಿಕ ಸ್ವಾಸ್ಥ್ಯ ಹೆಚ್ಚಾಗುತ್ತದೆ ಎಂದು ವಿದ್ಯಾರ್ಥಿಗಳಿಗೆ ಕಿವಿಮಾತು ಹೇಳಿದರು.

ಈ ಸಂದರ್ಭದಲ್ಲಿ ಶಾಲೆಯ ಕಾರ್ಯದರ್ಶಿಯಾದ ಡಾ. ಪದ್ಮಪ್ರಿಯಾ, ಗ್ರಾಮೀಣ ಡಿಎಸ್‍ಪಿ ಜೆ.ಹೆಚ್.ಇನಾಮದಾರ, ಉಪ ಪ್ರಾಂಶುಪಾಲರಾದ ಕಲಾವತಿ, ಖಜಾಂಚಿ ವಿಜಯಕೃಷ್ಣ ಸೇರಿದಂತೆ ಹಾಗೂ ಬೋಧಕ, ಬೋಧಕೇತರ ಸಿಬ್ಬಂದಿಗಳು, ವಿದ್ಯಾರ್ಥಿಗಳು ಇದ್ದರು.