ಸಿದ್ಧಲಿಂಗೇಶ್ವರ ಸಂಸ್ಥಾನ ಮಠದಪೂಜ್ಯ ಸಿದ್ಧಲಿಂಗ ದೇವರ ಚರ ಪಟ್ಟಾಧಿಕಾರ ಮಹೋತ್ಸವ

ಶಹಾಬಾದ:ತಾಲೂಕಿನ ರಾವೂರ ಗ್ರಾಮದ ಸಿದ್ಧಲಿಂಗೇಶ್ವರ ಸಂಸ್ಥಾನ ಮಠದಪೂಜ್ಯ ಸಿದ್ಧಲಿಂಗ ದೇವರ ಚರ ಪಟ್ಟಾಧಿಕಾರ ಮಹೋತ್ಸವ ನಿಮಿತ್ತವಾಗಿ ಹೊನಗುಂಟಾ ಗ್ರಾಮದ ಸಿದ್ಧಲಿಂಗೇಶ್ವರ ಮಠದಿಂದ ರಾವೂರಿನ ಸಿದ್ಧಲಿಂಗೇಶ್ವರ ಮಠಕ್ಕೆ ಹೊರಡುವ ಜ್ಯೋತಿ ಯಾತ್ರೆ ಹಾಗೂ ಬೈಕ್ ರ್ಯಾಲಿಗೆ ಪಿಎಸ್‍ಐ ಅಶೋಕ ಪಾಟೀಲ ಮತ್ತು ಹಾವೇರಿಯ ಹುಕ್ಕೇರಿ ಮಠದ ಸದಾಶಿವ ಮಹಾಸ್ವಾಮಿಗಳು ಚಾಲನೆ ನೀಡಿದರು.

ಜ್ಯೋತಿ ಯಾತ್ರೆ ಮತ್ತು ಬೈಕ್ ರ್ಯಾಲಿಯೂ ಹೊನಗುಂಟಾ ಗ್ರಾಮದಿಂದ ಗೋಳಾ(ಕೆ) ಗ್ರಾಮಕ್ಕೆ ತೆರಳಿ, ನಂತರ ಶಹಾಬಾದ ಮಾರ್ಗವಾಗಿ ಹೊರಡುವ ಸಂದರ್ಭದಲ್ಲಿ ನಗರದ ಶ್ರೀರಾಮ ವೃತ್ತದಲ್ಲಿ ವೀರಶೈವ ಸಮಾಜದ ಮುಖಂಡರು ಅದ್ದೂರಿಯಾಗಿ ಸ್ವಾಗತಿಸಿ, ಸಿದ್ಧಲಿಂಗ ದೇವರು ಮತ್ತು ಹುಕ್ಕೇರಿ ಮಠದ ಸದಾಶಿವ ಮಹಾಸ್ವಾಮಿಗಳಿಗೆ ಸನ್ಮಾನಿಸಿದರು.

ಶಹಾಬಾದನ ಬಸವೇಶ್ವರ ವೃತ್ತದಲ್ಲಿ ಬೈಕ್ ರ್ಯಾಲಿಯಲ್ಲಿ ನಿರತ ಯುವಕರು ಜೈಗೋಷ ಕೂಗುತ್ತಾ ಜ್ಯೋತಿ ಯಾತ್ರೆಯ ವಾಹನದೊಂದಿಗೆ ವಾಡಿ ವೃತ್ತದಿಂದ ಮಾಲಗತ್ತಿ ಗ್ರಾಮಕ್ಕೆ ತಲುಪಿತು.ಅಲ್ಲಿಯೂ ಭಕ್ತಾಧಿಗಳು ಸ್ವಾಗತಿಸಿ ಪೂಜ್ಯರಿಗೆ ಗೌರವಿಸಿದರು.ನಂತರ ಜ್ಯೋತಿ ಯಾತ್ರೆಯನ್ನು ರಾವೂರ ಗ್ರಾಮಕ್ಕೆ ಪ್ರವೇಶಿಸಿದಂತೆ ಗ್ರಾಮಸ್ಥರು ಅದ್ದೂರಿಯಾಗಿ ಸ್ವಾಗತಿಸಿದದರು.ಅದೇ ಜ್ಯೋತಿಯನ್ನು ಹಚ್ಚುವ ಮೂಲಕ ಯಡೇಯೂರ ಸಿದ್ಧಲಿಂಗೇಶ್ವರ ಮಹಾಪುರಾಣ-ಪ್ರವಚನ ಕಾರ್ಯಕ್ರಮವನ್ನು ಪ್ರಾರಂಭಿಸಲಾಯಿತು.

ಈ ಸಂದರ್ಭದಲ್ಲಿ ಹೊನಗುಂಟಾ ಗ್ರಾಮದ ಗಣ್ಯರಾದ ಭೀಮಾಶಂಕರ ಖೇಣಿ, ರುದ್ರಗೌಡ ಪಾಟೀಲ, ರವಿಕುಮಾರ ಅಲ್ಲಂಶೆಟ್ಟಿ, ಅಣ್ಣಾರಾವ ಬಾಳಿ,ಅನೀಲಕುಮಾರ ಅಲ್ಲಂಶೆಟ್ಟಿ, ಪೀರಪಾಶಾ, ಮೆಹಬೂಬ ಪಟೇಲ್, ದೇವೆಂದ್ರ ಕಾರೊಳ್ಳಿ, ಸಿದ್ದು ವಾರಕರ್,ಆನಂದ ಕೊಡಸಾ, ಶಿವಕುಮಾರ ಬುರ್ಲಿ, ಸಂಗಣ್ಣ ಇಜೇರಿ,ರಾಜು ಸಣಮೋ ಶಹಾಬಾದ ನಗರದ ಗಣ್ಯರಾದ ಅಣವೀರ ಇಂಗಿನಶೆಟ್ಟಿ, ಪ್ರಶಾಂತ ಮರಗೋಳ,ಪ್ರದೀಪ ಗೊಳೇದ್,ಸೂರ್ಯಕಾಂತ ಕೋಭಾಳ,ಲಿಂಗರಾಜ ಮಲಕೂಡ, ಮಲ್ಲಿಕಾರ್ಜುನ ತುಪ್ಪದ್ ಮಠ,ಬಸವರಾಜ ಸಾತ್ಯಾಳ, ಗುರು ಹಿರೇಮಠ,ಶಿವಾನಂದ ಪಾಟೀಲ, ಮಲ್ಲಿಕಾರ್ಜುನ ವಾಲಿ, ಶರಣಯ್ಯ .ಎಮ್.ಆರ್, ಗುರುಪ್ರಸಾದ ಕೋಬಾಳ, ಮಹೇಶ ಅವಂಟಿ, ನಾಗಣ್ಣಗೌಡ, ರಾಜು ಕೋಬಾಳ,ಭೀಮಾಶಂಕರ ಕುಂಬಾರ,ಅಂಬ್ರೇಶ ಕಲಶೆಟ್ಟಿ, ವಿಶ್ವನಾಥ ತೆಲಗಬಾಳ,ರೇವಣಸಿದ್ದ ಬೇಲೂರ,ವೈಭವ ಸುಗಂಧಿ ಸೇರಿದಂತೆ ಅನೇಕರು ಇದ್ದರು.