ಸಂಸದ ತೇಜಸ್ವಿಸೂರ್ಯ ವಿರುದ್ಧ ರೈತ ಸಂಘ ಪ್ರತಿಭಟನೆ

ಸುರಪುರ: ಸಂಸತ್ತಿನಲ್ಲಿ ರೈತ ಸಾಲ ಮನ್ನಾ ಕುರಿತು ವಿರೋಧ ವ್ಯಕ್ತಪಡಿಸಿದ ಬೆಂಗಳೂರಿನ ಸಂಸದ ತೇಜಸ್ವಿಸೂರ್ಯ ವಿರುದ್ಧ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆಯ ಮುಖಂಡರು ತಹಸೀಲ್ದಾರ್ ಕಚೇರಿ ಮುಂದೆ ಪ್ರತಿಭಟನೆ ನಡೆಸಿದರು.

ಈ ಸಂದರ್ಭದಲ್ಲಿ ಸಂಘದ ಜಿಲ್ಲಾಧ್ಯಕ್ಷ ಅಯ್ಯಣ್ಣ ಹಾಲಬಾವಿ,ತಾಲೂಕು ಅಧ್ಯಕ್ಷ ಹಣಮಂತ್ರಾಯ ಮಡಿವಾಳ ಮಾತನಾಡಿ,ಸಂಸದ ತೇಜಸ್ವಿಸೂರ್ಯ ಒಬ್ಬ ಅವಿವೇಕಿ ಸಂಸದನಾಗಿದ್ದಾನೆ,ಸರಕಾರಗಳು ರೈತರಿಗೆ ಬೆಳೆಗಳಿಗೆ ಸರಿಯಾದ ವೈಜ್ಞಾನಿಕ ಬೆಲೆ ನೀಡಿದ್ದರೆ ಇಂದು ರೈತರು ಸಂಕಷ್ಟದಲ್ಲಿರುತ್ತಿರಲಿಲ್ಲ,ಹಿಂದೆ ಮನಮೋಹನ ಸಿಂಗ್ ಅವರ ಸರಕಾರವಿದ್ದಾಗ ರೈತರ ಸಾಲ ಮನ್ನಾ ಮಾಡಿದ್ದರು,ಆದರೆ ಇಂದು ನರೇಂದ್ರ ಮೋದಿಯವರ ಸರಕಾರ ರೈತರ ವಿರೋಧಿ ನೀತಿಯನ್ನು ಅನುಸರಿಸಿ ದೇಶದಲ್ಲಿನ ರೈತರು ತೊಂದರೆ ಅನುಭವಿಸುವಂತೆ ಮಾಡಿದ್ದಾರೆ.ಸಂಸದ ತೇಜಸ್ವಿಸೂರ್ಯನಿಗೆ ರೈತರ ಕಷ್ಟಗಳ ಬಗ್ಗೆ ಅರಿವಿಲ್ಲ,ರೈತರ ಸಾಲ ಮನ್ನಾ ಮಾಡುವುದು ಸರಕಾರದ ಕರ್ತವ್ಯವಾಗಿದೆ.ಆದ್ದರಿಂದ ರೈತರ ಸಾಲ ಮನ್ನಾ ಮಾಡಬೇಕು ಮತ್ತು ರೈತರನ್ನು ಅವಮಾನಿಸಿರುವ ಸಂಸದ ತೇಜಸ್ವಿಸೂರ್ಯನನ್ನು ಸಂಸದ ಸ್ಥಾನ ದಿಂದ ವಜಾ ಮಾಡಬೇಕು ಎಂದು ಆಗ್ರಹಿಸಿದರು.

ನಂತರ ರಾಜ್ಯಪಾಲರಿಗೆ ಬರೆದ ಮನವಿಯನ್ನು ಉಪ ತಹಸೀಲ್ದಾರರ ಮೂಲಕ ಸಲ್ಲಿಸಿದರು.ಪ್ರತಿಭಟನೆಯಲ್ಲಿ ಮುಖಂಡರಾದ ವೆಂಕಟೇಶ ಕುಪಗಲ್,ಶಿವನಗೌಡ ರುಕ್ಮಾಪುರ,ಮಾನಪ್ಪ ಅರಳಳ್ಳಿ,ಭೀಮಣ್ಣ ತಿಪ್ಪನಟಗಿ,ರಾಘು ಕುಪಗಲ್,ವೆಂಕೋಬ ದೊರೆ ಕುಪಗಲ್,ಭೀಮನಗೌಡ ಕರ್ನಾಳ,ಮಲ್ಲಣ್ಣ ಮಲ್ಲಿಭಾವಿ,ಸಾಹೇಬಗೌಡ ಮದಲಿಂಗನಾಳ,ಹಣಮಗೌಡ ನಾರಾಯಣಪುರ,ಗದ್ದೆಪ್ಪ ನಾಗಬೇವಿನಾಳ,ಲೋಹಿತಕುಮಾ ಮಂಗಿಹಾಳ,ಮರೆಪ್ಪ ನಗರಗುಂಡ,ತಿಪ್ಪಣ್ಣ ಜಂಪಾ,ಪ್ರಭು ದೊರೆ ಸೇರಿದಂತೆ ಅನೇಕರಿದ್ದರು.