ರಮಾಬಾಯಿ ಅಂಬೇಡ್ಕರ್ ಜಯಂತೋತ್ಸವ ಫೆ.26ರಂದು

ಕಲಬುರಗಿ: ಮಹಾಮಾತೆ ರಮಾಬಾಯಿ ಅಂಬೇಡ್ಕರ್ ರವರ 125ನೇ ಜಯಂತ್ಯೋತ್ಸವನ್ನು ಫೆ 26 ರಂದು ಕಲಬುರಗಿಯ ದೀಕ್ಷಾ ಭೂಮಿಯಲ್ಲಿ ಜರುಗಲಿದೆ ಎಂದು ಬಹುಜನ ಸಮಾಜದ ಮುಖಂಡ ಸೂರ್ಯಕಾಂತ ನಿಂಬಾಳ್ಕರ ಹೇಳಿದರು.

ಅವರು ಶಹಾಬಾದ ನಗರದ ಪ್ರವಾಸಿ ಮಂದಿರದಲ್ಲಿ ಆಯೋಜಿಸಲಾದ ರಮಾಬಾಯಿ ಅಂಬೇಡ್ಕರ್ ರವರ 125ನೇ ಜಯಂತ್ಯೋತ್ಸವದ ನಿಮಿತ್ತ ಕಲಬುರಗಿ ನಡೆಯುವ ಕಾರ್ಯಕ್ರಮಮದ ಕುರಿತು ಮಾತನಾಡಿದರು.

ಸಂವಿಧಾನ ಶಿಲ್ಪಿ ಡಾ.ಬಿ.ಆರ್.ಅಂಬೇಡ್ಕರರ ಬದುಕಿನಲ್ಲಿ ಅವರ ಪತ್ನಿ ರಮಾಬಾಯಿಯ ಕೊಡುಗೆ ಅಪಾರವಾಗಿದೆ. ಅಂಬೇಡ್ಕರ್ ಅವರಿಗೆÀ ಪತ್ನಿ ಬೆನ್ನುಲುಬಾಗಿ ನಿಂತು ಅವರು ಬಹು ಎತ್ತರಕ್ಕೆ ಬೆಳೆಯಲು ಏಣಿಯಾಗಿದ್ದರು. ಅಂಬೇಡ್ಕರ್‍ರವರ ಓದು-ಬರಹಗಳನ್ನು ಪೆÇೀಷಿಸಿದವರು ರಮಾಬಾಯಿ ಅಂಬೇಡ್ಕರ್ ಎಂದು ಹೇಳಿದರು.

ಪ್ರತಿಯೊಬ್ಬ ಯಶಸ್ವಿ ಪುರುಷನ ಹಿಂದೆ ಮಹಿಳೆಯ ಬೆಂಬಲ ಇದ್ದೇ ಇರುತ್ತದೆ. ಈ ಸಾಲು ಹಳೆಯದಾದರೂ ತಾತ್ಪರ್ಯ ಮಾತ್ರ ನಿತ್ಯ ನೂತನ.ಬಹುಶಃ ಬಾಬಾಸಾಹೇಬರಿಗಿಂತ ಮಿಗಿಲಾದ ಪದಗಳಲ್ಲಿ ಮಾತೆ ರಮಾಬಾಯಿಯವರ ಬದುಕನ್ನು ವಿವರಿಸಲು ಸಾಧ್ಯವೇ ಇಲ್ಲ. ಖಂಡಿತ, ಅಂತಹ ತ್ಯಾಗಮಯಿ ತಾಯಿಯ ಬದುಕು ಪ್ರತಿಯೊಬ್ಬರಿಗೂ ಆದರ್ಶವಾಗಿದೆ. ಆ ನಿಟ್ಟಿನಲ್ಲಿ ಮಹಾಮಾತೆ ರಮಾಬಾಯಿ ಅಂಬೇಡ್ಕರ್ ರವರ 125ನೇ ಜಯಂತ್ಯೋತ್ಸವನ್ನು ಆಯೋಜಿಸಲಾಗಿದ್ದು, ತಾಲೂಕಿನ ಎಲ್ಲಾ ಜನರೂ ಭಾಗವಹಿಸಬೇಕು ಎಂದರು.
ಅಲ್ಲದೇ ಇದೇ ಸಂದರ್ಭದಲ್ಲಿ ಕರ ಪತ್ರಗಳನ್ನು ಬಿಡುಗಡೆ ಮಾಡಿದರು.

ಜಿಲ್ಲಾ ಮುಖಂಡರಾದ ಡಾ. ಹಣಮಂತರಾವ ದೊಡ್ಡಮನಿ, ಸಂತೋಷ ಮೇಲಿನಮನಿ, ಲಕ್ಷ್ಮಣ ಸೋನಕಾಂಬಳೆ ಹಾಗೂ ಸತೀಶ ಕೋಬಾಳ, ಸುಭಾಷ ಸಾಕರೆ, ಪ್ರವೀಣ ರಾಜನ, ಬಸವರಾಜ ಮಯೂರ, ನರಸಿಂಹಲು ರಾಯಚೂರ, ಭೀಮಾಶಂಕರ ಕಾಂಬಳೆ, ಹಣಮಂತ ತರನಲ್ಲಿ, ಪೂಜಪ್ಪ ಮೇತ್ರೆ, ಶಂಕರ ಜಾನಾ, ಸಿದ್ದಾರ್ಥ ಇದ್ದರು.