ಗುರು ಮುಕ್ರಂಬಿ, ಬಸವರಾಜ ಪಾಟೀಲ ಸೇರಿದಂತೆ ಹಲವರು ಕನ್ನಡ ಭೂಮಿಗೆ ಸೇರ್ಪಡೆ

ಕಲಬುರಗಿ: ಯುವ ಹೋರಾಟಗಾರ ಗುರುಲಿಂಗಪ್ಪ ಮುಕ್ರಂಬಿ ಮತ್ತು ಬಸವರಾಜ ಟಿ.ಪಾಟೀಲ ಸೇರಿದಂತೆ ಅನೇಕರು ಕನ್ನಡ ಭೂಮಿ ಜಾಗೃತಿ ಸಮಿತಿಗೆ ಇಂದು ಸೇರ್ಪಡೆಗೊಂಡಿದ್ದಾರೆ ಎಂದು ಸಮಿತಿ ಜಿಲ್ಲಾ ಅಧ್ಯಕ್ಷ ಪ್ರಶಾಂತ ತಂಬೂರಿ ತಿಳಿಸಿದ್ದಾರೆ.

ಪತ್ರಿಕಾ ಪ್ರಕಟಣೆ ನೀಡಿರುವ ಅವರು ಸಮಿತಿ ಸಂಸ್ಥಾಪಕ ಅಧ್ಯಕ್ಷ ಲಿಂಗರಾಜ ಸಿರಗಾಪೂರ ಅವರ ನೇತೃತ್ವದಲ್ಲಿ ನಡೆದ ಸಭೆಯಲ್ಲಿ ಕನ್ನಡ ಭೂಮಿ ಜಾಗೃತಿ ಸಮಿತಿಗೆ ಹಲವು ಯುವಕರೊಂದಿಗೆ ಗುರು ಮುಕ್ರಂಬಿ ಮತ್ತು ಬಸವರಾಜ ಟಿ.ಪಾಟೀಲ ಸೇರ್ಪಡೆಯಾಗಿದ್ದಾರೆ.ಇವರ ಸೇರ್ಪಡೆಯಿಂದ ಕನ್ನಡ ಭೂಮಿ ಜಾಗೃತಿ ಸಮಿತಿಗೆ ಬಲ ಬಂದಿದ್ದು ಕೆಲವೆ ದಿನಗಳಲ್ಲಿ ಅವರಿಗೆ ಜವಾಬ್ದಾರಿ ಹುದ್ದೆಗಳನ್ನು ನೀಡಲಾಗುವುದು ಹಾಗೂ ಇನ್ನೂ ಹಲವಾರು ಸಾಮಾಜಿಕ ಕೆಲಸಗಳಲ್ಲಿ ತೊಡಗಿದ ಅನೇಕರು ಸಮಿತಿಗೆ ಸೇರ್ಪಡೆಯಾಗಲಿದ್ದಾರೆ.ಮುಂದಿನ ದಿನಗಳಲ್ಲಿ ಅಭಿವೃದ್ಧಿ ಪರ ಹೋರಾಟಗಳನ್ನು ಹಮ್ಮಿಕೊಳ್ಳಲಾಗುವುದು ಎಂದು ಅವರು ತಿಳಿಸಿದ್ದಾರೆ.