ಕಲಬುರಗಿ: ವಿಧಾನಸಭೆ ಚುನಾವಣೆ ಹಿನ್ನೆಲೆಯಲ್ಲಿ 9 ವಿಧಾನಸಭಾ ಕ್ಷೇತ್ರಗಳಲ್ಲಿ ಜರುಗುವ ಮತದಾನ ದಿನದಂದು ಕರ್ತವ್ಯಕ್ಕೆ ನಿಯೋಜಿಸಲಾದ ಮತಗಟ್ಟೆ ಅಧ್ಯಕ್ಷಾಧಿಕಾರಿ ಮತ್ತು ಸಹಾಯಕ ಮತಗಟ್ಟೆ ಅಧ್ಯಕ್ಷಾಧಿಕಾರಿಗಳಿಗೆ ಏಪ್ರಿಲ್‌ 23 ರಂದು ಬೆಳಿಗ್ಗೆ 10 ಗಂಟೆಗೆ ಅಯಾ ವಿಧಾನಸಭಾವಾರು ವಿವಿಧ ಸ್ಥಳದಲ್ಲಿ ಚುನಾವಣಾ ಕಾರ್ಯದ ತರಬೇತಿ ಆಯೋಜಿಸಿದ್ದು, ನಿಗದಿತ ಸಮಯಕ್ಕೆ ತಪ್ಪದೆ ಹಾಜರಾಗಬೇಕೆಂದು ಜಿಲ್ಲಾ ಚುನಾವಣಾಧಿಕಾರಿ ಯಶವಂತ ವಿ. ಗುರುಕರ್ ಸೂಚಿಸಿದ್ದಾರೆ.
ಯಾವುದೇ ಕಾರಣ ನೀಡಿ ತರಬೇತಿಗೆ ಗೈರಾದಲ್ಲಿ ಅಂತಹ ನೌಕರರ ಮೇಲೆ ಮುಲಾಜಿಲ್ಲದೆ ಪ್ರಜಾ ಪ್ರತಿನಿಧಿ ಕಾಯ್ದೆ-1951 ರನ್ವಯ ಶಿಸ್ತು ಕ್ರಮ ಕೈಗೊಳ್ಳಲಾಗುವುದು ಎಂದು ಅವರು ಎಚ್ಚರಿಕೆ ನೀಡಿದ್ದಾರೆ.
ವಿಧಾನಸಭಾವಾರು ತರಬೇತಿ ಸ್ಥಳ ವಿವರ ಹೀಗಿದೆ: 34-ಅಫಜಲಪುರ-ಸರ್ಕಾರಿ ಪಾಲಿಟೆಕ್ನಿಕ್ ಕಾಲೇಜು ಕಲ್ಲೂರ್ ರಸ್ತೆ ಅಫಜಲಪೂರ. 35-ಜೇವರ್ಗಿ-ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಬಿ.ಬಿ.ರಸ್ತೆ ಜೇವರ್ಗಿ. 40-ಚಿತ್ತಾಪುರ-
ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಶಹಾಬಾದ ರಸ್ತೆ ಚಿತ್ತಾಪುರ. 41-ಸೇಡಂ-ನೃಪತುಂಗಾ ಕಲಾ ಮತ್ತು ವಾಣಿಜ್ಯ ಕಾಲೇಜು, ಉಡಗಿ ರಸ್ತೆ ಸೇಡಂ.
42-ಚಿಂಚೋಳಿ-ಶ್ರೀಮತಿ ಸಿ.ಬಿ.ಪಾಟೀಲ ಪದವಿ ಕಾಲೇಜು ಚಂದಾಪುರ. 43-ಗುಲಬರ್ಗಾ (ಗ್ರಾಮೀಣ)-ಸರ್ಕಾರಿ ಪಾಲಿಟೆಕ್ನಿಕ್ ಕಾಲೇಜು, ಕಲಬುರಗಿ. 44-ಗುಲಬರ್ಗಾ (ದಕ್ಷಿಣ)-ಎನ್.ವಿ.ಕನ್ಯಾ ಪ್ರೌಢ ಶಾಲೆ-ಎನ್.ವಿ. ಬಾಯ್ಸ್ ಸ್ಕೂಲ್-ಎನ್.ವಿ.ಪದವಿ ಕಾಲೇಜು ಎಸ್.ಬಿ.ಟೆಂಪಲ್, ಕಲಬುರಗಿ. 45-ಗುಲಬರ್ಗಾ (ಉತ್ತರ)-ಅಪ್ಪಾ ಕಿಡ್ಸ್ ವರ್ಲ್ಡ್ ಶಾಲೆ ಮತ್ತು ದೊಡ್ಡಪ್ಪ ಅಪ್ಪಾ ಬ್ಲಾಕ್ ಶರಣ ನಗರ ಕಲಬುರಗಿ ಹಾಗೂ 46-ಆಳಂದ-ಸರ್ಕಾರಿ ಪದವಿ ಪೂರ್ವ ಕಾಲೇಜು (ಬಾಲಕರ) ಆಳಂದ.