ಕಲಬುರಗಿ: ನಗರದ ಚಂದ್ರಕಾಂತ್ ಪಾಟೀಲ್ ಕ್ರೀಡಾಂಗಣದಲ್ಲಿ ಮಾರ್ಗದರ್ಶಿ ಸಂಸ್ಥೆ ಜಿಲ್ಲಾ ಆಡಳಿತ ಶಾಲಾ ಶಿಕ್ಷಣ ಇಲಾಖೆ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ಜಿಲ್ಲಾ ಮಕ್ಕಳ ರಕ್ಷಣಾ ಘಟಕ ಮತ್ತು ಅಜೀಮ್ ಪ್ರೇಮ್ ಜಿ ಫೌಂಡೇಶನ್ ಇವರ ಸಯುಕ್ತ ಆಶ್ರಯದಲ್ಲಿ ಕಿಶೋರಿ ಕಲಬುರಗಿ ಒಲಂಪಿಕ್ ಕ್ರೀಡಾಕೂಟವನ್ನು ದಕ್ಷಿಣ ವಲಯ ಬಿಇಓ ವಿಜಯಕುಮಾರ್ ಜಮಖಂಡಿ ಅವರು ಉದ್ಘಾಟಿಸಿದರು.
ಈ ಕಾರ್ಯಕ್ರಮದಲ್ಲಿ ಕಿಶೋರಿಯರು ಖೋಖೋ ಆಟ, ರಿಲೇ, 100 ಮೀಟರ್ ಓಟ, ಹಗ್ಗದ ಆಟ, ಗುಂಡು ಎಸೇತಾ, ಕುರ್ಚಿ ಆಟ ಸೇರಿದಂತೆ ಇತರ ಆಟಗಳನ್ನು ಆಡಿದರು. ಗೆದ್ದಂತ ಸ್ಪರ್ದಾಳುಗಳಿಗೆ ಬಹುಮಾನ ವಿತರಣೆಯನ್ನು ಮಾರ್ಗದರ್ಶಿ ಸಂಸ್ಥೆ ಹಾಗೂ ಅಜೀಮ್ ಪ್ರೇಮ್ ಜಿ ಸಂಸ್ಥೆ ವತಿಯಿಂದ ನೀಡಲಾಯಿತು.
ಈ ಸಂದರ್ಭದಲ್ಲಿ ರಾಜಶೇಖರ್ ಗೋನಾಯಕ್, ಸಂತೋಷ್ ಎಂ. ಡಿಗ್ಗಿ, ರಾಜು ಎಂ ದೊಡ್ಡಮನಿ, ಮಾರ್ಗದರ್ಶಿ ಸಂಸ್ಥೆಯ ನಿರ್ದೇಶಕರಾದ ಆನಂದ್ ರಾಜ, ಉಪಾಧ್ಯಕ್ಷೆ ಹಾಗೂ ಉಪ ನಿರ್ದೇಶಕರಾದ ಯಶೋಧ, ಜಿಲ್ಲಾ ಮಕ್ಕಳ ಸಹವಾಣಿಯ ಸಂಯೋಜಕ ಬಸವರಾಜ್ ಟೆಂಗಳಿ, ಶಾಂತ ಬಾಯಿ, ನಾಜನಿ ಬೇಗ ಸೇರಿದಂತೆ ಎರಡು ನೂರಕ್ಕೂ ಹೆಚ್ಚು ಸರಕಾರಿ ಬಾಲಕಿಯರ ಬಾಲಮಂದಿರದ ಕಿಶೋರಿಯರು ಈ ಆಟದಲ್ಲಿ ಭಾಗವಹಿಸಿದ್ದರು.