ಕಲಬುರಗಿ: ಮಂಗಳೂರು ವಿಶ್ವವಿದ್ಯಾಲಯದಲ್ಲಿ ನ. 19 ರಿಂದ 26, 2024 ರವರೆಗೆ ನಡೆಯಲಿರುವ ದಕ್ಷಿಣ ವಲಯ ಅಂತರ ವಿಶ್ವವಿದ್ಯಾಲಯ ಕ್ರಾಸ್ ಕಂಟ್ರಿ ಪಂದ್ಯದಲ್ಲಿ ಗುಲಬರ್ಗಾ ವಿಶ್ವವಿದ್ಯಾಲಯದ ದೈಹಿಕ ಶಿಕ್ಷಣ ವಿಭಾಗದ (ಪುರುಷ ಮತ್ತು ಮಹಿಳಾ ) ತಂಡವು ಭಾಗವಹಿಸಲಿದೆ.
ತಂಡದ ನಾಯಕ ಚಿನ್ನಕನಕಪ್ಪಾ ಹಾಗೂ ಸದಸ್ಯರಾಗಿ ಪವನ್, ಶ್ರೀನಿವಾಸ್ ಮತ್ತು ಸ್ವಪ್ನಾ ಇವರು ಭಾಗವಹಿಸುವರು. ತಂಡದ ವ್ಯವಸ್ಥಾಪಕ ಹಾಗೂ ತರಬೇತಿದಾರರಾಗಿ ಬಿಜಿ ಎಂಪಿ. ಎಡ್ ಕಾಲೇಜಿನ ಸಹಾಯಕ ಪ್ರಾಧ್ಯಾಪಕ ಅಮರೇಶ್ವರ ರೆಡ್ಡಿ ತೆರಳುವರು.
ಗುಲಬರ್ಗಾ ವಿಶ್ವವಿದ್ಯಾಲಯದ ಕುಲಪತಿ ಪ್ರೊ. ದಯಾನಂದ ಅಗಸರ, ಕುಲಸಚಿವ ಪ್ರೊ. ರಾಜನಾಳ್ಕರ್ ಲಕ್ಷ್ಮಣ, ಮೌಲ್ಯಮಾಪನ ಕುಲಸಚಿವೆ ಪ್ರೊ. ಮೇಧಾವಿನಿ ಕಟ್ಟಿ, ದೈಹಿಕ ಶಿಕ್ಷಣ ವಿಭಾಗದ ನಿರ್ದೇಶಕ ಡಾ. ಎನ್. ಜಿ. ಕಣ್ಣೂರು, ದೈಹಿಕ ಶಿಕ್ಷಣ ವಿಭಾಗದ ಸಂಯೋಜಕ ಹಾಗೂ ಪ್ರಾಂಶುಪಾಲ ಡಾ. ಎಸ್.ಹೆಚ್. ಜಂಗೆ, ಯೋಗ ತಾಂತ್ರಿಕ ಸಹಾಯಕ ಡಾ. ಚಂದ್ರಕಾಂತ ಬಿರಾದಾರ, ಜಿಮ್ನಾಸ್ಟಿಕ್ ತಾಂತ್ರಿಕ ಸಹಾಯಕ ಪ್ರಶಾಂತಕುಮಾರ್ ಡಿ ಹಾಗೂ ಕ್ರೀಡಾ ಸಹಾಯಕ ಅರುಣ್ ಕುಮಾರ್ ಹೆಚ್. ಇವರು ತಂಡಕ್ಕೆ ಶುಭ ಆರೈಸಿದ್ದಾರೆ.