‘ಥರ್ಡ್ ಕ್ಲಾಸ್’ನ ಹಣೆಬರಹ ಚಲನ ಚಿತ್ರ ಜ.3ಕ್ಕೆ

ಕಲಬುರಗಿ: ಸೆವೆನ್ ಹಿಲ್ಸ್ ಪ್ರೋಡಕ್ಷನ್‍ನಲ್ಲಿ  ಮೂಡಿಬರುತ್ತಿರುವ ಬಹುನಿರೀಕ್ಷೆಯ ‘ಥರ್ಡ್ ಕ್ಲಾಸ್’ ಚಲನಚಿತ್ರ ಜ.3ಕ್ಕೆ ತೆರೆಕಾಣಲಿದೆ ಎಂದು ಚಿತ್ರದ ನಿರ್ಮಾಪಕ ಮತ್ತು ನಾಯಕನಟ ನಮ್ ಜಗದೀಶ ಹೇಳಿದರು.

ನಗರದ ಪತ್ರಿಕಾಗೋಷ್ಠಿಯಲ್ಲಿ ‘ಥರ್ಡ್ ಕ್ಲಾಸ್’ ಸಿನಿಮಾ ಕುರಿತು ಮಾತನಾಡಿದ ಅವರು, ಚಿತ್ರವು ತಂದೆ-ಮಗಳ ನಡುವಿನ ಬಾಂಧವ್ಯ ತೋರಿಸುವುದರ ಜೊತೆಗೆ ನಟನು ಹಿರಿಯರಿಗೆ ನೀಡುವ ಗೌರವ ಪಾತ್ರ ಚಿತ್ರದ ಆಕರ್ಷಣೆ
ಕೇಂದ್ರ ಬಿಂದುಯಾಗಿದೆ. ಚಿತ್ರದಲ್ಲಿ ಒಟ್ಟು ಐದು ಹಾಡುಗಳಿದ್ದು, ಈಗಾಗಲೇ ಕೆಲ ಹಾಡುಗಳಿಗೆ ಉತ್ತಮ
ಪ್ರತಿಕ್ರಿಯೆ ಬಂದಿವೆ ಎಂದರು.

Contact Your\'s Advertisement; 9902492681

ಚಿತ್ರಕ್ಕೆ ಜಗದೀಶ್ ಸ್ವತಃ ಬಜೆಟ್ ಹಾಕಿದ್ದು, ಪ್ರದರ್ಶನದ ಮೊದಲದಿನದ ಮೊದಲ ವೀಕ್ಷಣೆಗೆ ಉಚಿತ ಪ್ರವೇಶವಾಗಿದೆ. ನೋಡುಗರಿಗೆ ಚಿತ್ರ ಮಾಸ್ ಆಗಿರಲಿದೆ. ಸಿನಿಮಾದ ಒಂದು ದಿನದ ಒಟ್ಟು ಗಳಿಕೆಯಲ್ಲಿ ನೆರೆ ಪೀಡಿತ ಪ್ರದೇಶವೊಂದನ್ನು ದತ್ತು ಪಡೆದುಕೊಂಡು, ಮೂಲಭೂತ ಸೌಕರ್ಯ ನೀಡಲು ತಂಡ ನಿರ್ಧರಿಸಿದೆ
ಎಂದು ಜಗದೀಶ ಸ್ಪಷ್ಟ ಪಡಿಸಿದರು.

ಈ ಚಿತ್ರಕ್ಕೆ ನಟಿಯಾಗಿ ಈಗಾಗಲೇ ಹತ್ತು ಹಲವಾರು ಪ್ರಶಸ್ತಿಗಳನ್ನು ಪಡೆದಿರುವ ಯುವನಟಿ ರೂಪಿಕಾ ನಟಿಸಿದ್ದಾರೆ. ನಿರ್ದೇಶನ ಅಶೋಕ ದೇವ್, ಸಂಗೀತ ನಿರ್ದೇಶಕರಾಗಿ ಜೆಸ್ಸಿ ಗಿಪ್ಟ್, ಸಂಕಲನ ಶ್ರೀಕಾಂತ್, ಕ್ಯಾಮೆರಾವನ್ನು ಶ್ಯಾಮ್ ನಿರ್ವಹಿಸಿದ್ದಾರೆ.

ಸಿನಿಮಾದಲ್ಲಿ ಪೋಷಕ ನಟರಾಗಿ ಅವಿನಾಶ, ರಮೇಶ ಭಟ್, ಉದಯ ಟಿವಿಯ ಹರೀಶ್, ಕಾಮಿಡಿ ಕಿಲಾಡಿಯ ಪವನ್ ಸೇರಿದಂತೆ ಹಲವಾರು ನಟರು ಚಿತ್ರದಲ್ಲಿ ನಟಿಸಿದ್ದಾರೆ.