ಚಂದ್ರಯಾನ ಯಶಸ್ಸು: ಸುಭಾಷ ಗುತ್ತೇದಾರ ಹರ್ಷ

ಆಳಂದ; ಭಾರತದ ಚಂದ್ರಯಾನ-3 ಯಶಸ್ವಿಯಾಗಿದ್ದಕ್ಕೆ ಮಾಜಿ ಶಾಸಕ ಸುಭಾಷ ಆರ್ ಗುತ್ತೇದಾರ ಹರ್ಷ ವ್ಯಕ್ತಪಡಿಸಿದ್ದಾರೆ.

ಈ ಕುರಿತು ಪ್ರತಿಕ್ರಿಯೆ ನೀಡಿರುವ ಅವರು, ಭಾರತವು ವೈಮಾನಿಕ ಕ್ಷೇತ್ರದಲ್ಲಿ ಮಹತ್ತರ ಸಾಧನೆ ಮಾಡಿದೆ. ಈ ಸಾಧನೆಗೆ ಕಾರಣರಾದ ಇಸ್ರೋ ವಿಜ್ಞಾನಿಗಳಿಗೆ ಅಭಿನಂದನೆಗಳು ತಿಳಿಸಿದ್ದಾರೆ.

ಚಂದ್ರನಲ್ಲಿ ಗುರುತರ ಹೆಜ್ಜೆ ಮೂಡಿಸಿದ ದೇಶಗಳಲ್ಲಿ ಭಾರತವು ಸೇರಿದೆ ಇದರಿಂದ ಜಾಗತಿಕವಾಗಿ ಭಾರತದ ಸ್ಥಾನಮಾನ ಇಮ್ಮಡಿಗೊಂಡಿದೆ. ಚಂದಿರನ ದಕ್ಷಿಣದ ತುತ್ತ ತುದಿ ತಲುಪಿದ ಮೊದಲ ರಾಷ್ಟ್ರ ಭಾರತವಾಗಿದೆ ಹೀಗಾಗಿ ಇದು ಭಾರತೀಯರೆಲ್ಲರೂ ಸಂಭ್ರಮಿಸುವ ಕ್ಷಣವಾಗಿದೆ. ಈ ಸಾಧನೆಯ ಹಿಂದೆ ಇಸ್ರೋನ ಭಾರತೀಯ ವಿಜ್ಞಾನಿಗಳ ಅಪಾತ ಶ್ರಮ ಅಡಗಿದೆ ಎಂದು ತಿಳಿಸಿದ್ದಾರೆ.