ಅವ್ವಂದಿರವರಿಗೆ ಅಕ್ಷರ ಹೊತ್ತೊಯ್ದವರು ಸಂವಾದ ನಾಳೆ

ವಾಡಿ: ಪಟ್ಟಣದ ಡಾ. ಬಿ. ಆರ್. ಅಂಬೇಡ್ಕರ್ ಸ್ಮಾರಕ ಭವನದಲ್ಲಿ ಶನಿವಾರ ಬೆಳಿಗ್ಗೆ 10-30ಕ್ಕೆ “ಅವ್ವಂದಿರವರಿಗೆ ಅಕ್ಷರ ಹೊತ್ತೊಯ್ದವರು” ಮಹಾತ್ಮ ಜ್ಯೋತಿಬಾಪುಲೆ ಮಾತೆ ಸಾವಿತ್ರಿಬಾಯಿ ಫುಲೆ ಫಾತಿಮಾ ಶೇಖ ಜೀವನ ಸಂಘರ್ಷ ಕುರಿತು ಸಂವಾದ ಕಾರ್ಯಕ್ರಮ ನಡೆಯಲಿದೆ ಎಂದು ಸಂಚಲನ ವೇದಿಕೆಯ ಶ್ರಾವಣಕುಮಾರ ಮೋಸಲಗಿ ತಿಳಿಸಿದರು.

ಕವಿಗಳಾದ ದೇವೇಂದ್ರ ಕರದಳ್ಳಿ ಮಹಾತ್ಮ ಜ್ಯೋತಿಬಾ ಫುಲೆ ಕುರಿತು, ಬಂಡಾಯ ಬರಹಗಾರ ಕಾಶಿನಾಥ ಹಿಂದಿನಕೇರಿ ಫಾತೀಮಾ ಶೇಖ್ ಕುರಿತು ಹಾಗೂ ಪತ್ರಕರ್ತ ವಿಕ್ರಮ್ ನಿಂಬರ್ಗಾ ಅಕ್ಷರದ ಅವ್ವ ಸಾವಿತ್ರಿಬಾಯಿ ಫುಲೆ ಕುರಿತು ಉಪನ್ಯಾಸ ನೀಡುವರು.

ಸ್ಥಳೀಯ ಕಿತ್ತೂರು ರಾಣಿ ಚೆನ್ನಮ್ಮ ವಸತಿ ಶಾಲೆಯ ಪ್ರಾಚಾರ್ಯರಾದ ಕರುಣಾ ಗೋಡಬೋಲೆ ಮುಖ್ಯ ಅತಿಥಿಯಾಗಿ ಆಗಮಿಸಲಿದ್ದಾರೆ. ವೇದಿಕೆ ಪ್ರಧಾನ ಕಾರ್ಯದರ್ಶಿ, ದಯಾನಂದ ಖಜೂರಿ ಅಧ್ಯಕ್ಷತೆ ವಹಿಸುವರು. ಜನಕಲಾ ಸಮಿತಿ ಕಲಾ ತಂಡದಿಂದ ಸಂವಿಧಾನ ಪೀಠಿಕೆ ಮತ್ತು ಅರಿವಿನ ಹಾಡುಗಳ ಗಾಯನ ನಡೆಯಲಿದೆ.

ಈ ಕಾರ್ಯಕ್ರಮದಲ್ಲಿ ಯುವ ಸಾಹಿತಿಗಳು ಬರಹಗಾರರು ಹಾಗೂ ಸಾರ್ವಜನಿಕರು ಭಾಗವಹಿಸಲಿದ್ದಾರೆ ಎಂದು ಸಂಚಲನ ವೇದಿಕೆಯ ಶ್ರಾವಣಕುಮಾರ ಮೋಸಲಗಿ ಪ್ರಕಟಣೆಯಲ್ಲಿ ತಿಳಿಸಿದರು.