ಚಿಂಚೋಳಿ ಕಾರ್ಖಾನೆಯಲ್ಲಿ ರೈತರಿಗೆ ಷೇರು ನೀಡಲು ಮೋತಕಪಲ್ಲಿ ಆಗ್ರಹ

ಕಲಬುರಗಿ: ಚಿಂಚೋಳಿ ಹೊರವಲಯದ ಸಿದ್ದಸಿರಿ ಇಥೆನಾಲ್ ಕಾರ್ಖಾನೆಗೆ ಸ್ಥಳೀಯ ಚಿಂಚೋಳಿ ಹಾಗು ಸುತ್ತ ಮುತ್ತಲಿನ ತಾಲೂಕಿನ ರೈತರಿಗೆ ಚಿಂಚೋಳಿ ಶಾಸಕ ಡಾ. ಅವಿನಾಶ್ ಜಾಧವ್ ಷೇರು ಕೊಡಿಸಬೇಕೆಂದು ರೈತರ ಪರವಾಗಿ ಚಿಂಚೋಳಿ ಬ್ಲಾಕ್ ಕಾಂಗ್ರೆಸ್ ಸಮಿತಿ ವಕ್ತಾರರಾದ ಶರಣು ಪಾಟೀಲ ಮೋತಕಪಲ್ಲಿ ಮನವಿ ಮಾಡಿದ್ದಾರೆ.

ಕಬ್ಬು ನುರಿಸಿವ ಕಾರ್ಖಾನೆ ಕೇವಲ ವ್ಯಾಪಾರ ಕೇಂದ್ರವಾಗದೆ ನಮ್ಮೆಲ್ಲ ರೈತರ ಜೀವನಾಡಿ ಆಗಬೇಕು, ಕಬ್ಬು ಬೆಳೆಯುವ ರೈತರು ಅದರ ಷೇರುದಾರ ಆಗುವದು ಅತೀ ಅವಶ್ಯ. ದಶಕಗಳಿಂದ ಯಾವುದೇ ತೋಡಕಿಲ್ಲದೆ ಪಕ್ಕದ ಬೀದರ ಜಿಲ್ಲೆಯಲ್ಲಿ ನಿರಾಯಸವಾಗಿ ಕಾರ್ಖಾನೆಗಳು ಹೇಗೆ ರೈತರ ಜೀವನಾಡಿಯಾಗಿ ಕೆಲಸ ಮಾಡುತ್ತಿವೆ. ಕಾರ್ಖಾನೆ ಕೇವಲ ವ್ಯಾಪಾರ ಕೇಂದ್ರ ಆಗದೆ, ರೈತರು ಕೇವಲ ಗ್ರಾಹಕರು ಆಗಬಾರದು. ಇವರಿಬ್ಬರ ಒಡೆತನದಲ್ಲಿ ಕಾರ್ಖಾನೆ ನಡೆದಾಗ ಮಾತ್ರ ಒಂದು ಕೈಗಾರಿಗೆ ಗಟ್ಟಿಯಾಗಿ ನೆಲೆಯೂರಿ ನಿಜವಾಗಿ ರೈತರ ಉಪಯೋಗಿ ಆಗಲು ಸಾಧ್ಯ ಎಂದು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಕ್ಷೇತ್ರದ ಶಾಸಕರು ಸ್ಥಳೀಯ ರೈತರೆಲ್ಲರ ಅಭಿಪ್ರಾಯ ಪಡೆದು, ಸಿದ್ದಿಸಿರಿ ಕಾರ್ಖಾನೆ ಮಾಲೀಕರಾದ ಶಾಸಕ ಬಸವನಗೌಡ ಪಾಟೀಲ ಯತ್ನಾಳ ಅವರಿಗೆ ಮನವರಿಕೆ ಮಾಡಿಕೊಟ್ಟು ಸ್ಥಳೀಯ ರೈತರನ್ನು ಷೇರುದಾರರನ್ನಾಗಿ ತೆಗೆದುಕೊಳ್ಳಲು ಒತ್ತಾಯಿಸಿ ನಮ್ಮ ರೈತರ ಹಿತ ಕಾಪಾಡಲು ಮುಂದಾಗಬೇಕೆಂದು ಒತ್ತಾಯಿಸಿದರು.