ಹರಿಯಾಣದಲ್ಲಿ ಬಿಜೆಪಿ ಭರ್ಜರಿ ಗೆಲುವು: ಕಾರ್ಯಕರ್ತರಿಂದ ವಿಜಯೋತ್ಸವ

ಶಹಾಬಾದ: ಹರಿಯಾಣ ಚುನಾವಣೆಯಲ್ಲಿ ಬಿಜೆಪಿ ಭರ್ಜರಿ ಗೆಲುವು ಸಾಧಿಸಿದ ಹಿನ್ನಲೆಯಲ್ಲಿ ಮಂಗಳವಾರ ನಗರದ ಶ್ರೀರಾಮ ವೃತ್ತದಲ್ಲಿ ಪಕ್ಷದ ಮುಖಂಡರು,ಕಾರ್ಯಕರ್ತರು ಪಟಾಕಿ ಸಿಡಿಸಿ,ಪರಸ್ಪರ ಸಿಹಿ ಹಂಚಿ ವಿಜಯೋತ್ಸವ ಆಚರಿಸಿದರು.

ಬಿಜೆಪಿ ಮಂಡಲ ಅಧ್ಯಕ್ಷ ನಿಂಗಣ್ಣ ಹುಳಗೋಳಕರ್ ಮಾತನಾಡಿ, ಹರಿಯಾಣ ರಾಜ್ಯದಲ್ಲಿ ಬಿಜೆಪಿ ಸರಕಾರ ಸತತವಾಗಿ 3ನೇ ಬಾರಿಗೆ ಅಧಿಕಾರ ಪಡೆಯುತ್ತಿದೆ. ಅಲ್ಲಿ ಬಿಜೆಪಿ ಹ್ಯಾಟ್ರಿಕ್ ಸಾಧನೆ ಮಾಡಿದೆ. ಬಿಜೆಪಿ ಸ್ಪಷ್ಟ ಬಹುಮತದೊಂದಿಗೆ ಅಧಿಕಾರಕ್ಕೆ ಬಂದಿರುವುದು ನಮ್ಮೆಲ್ಲರಿಗೆ ಸಂತೋಷವನ್ನು ತಂದು ಕೊಟ್ಟಿದೆ. ಮೋದಿಜಿಯವರ ಉತ್ತಮ ಕಾರ್ಯ ಕೈಹಿಡಿದಿದೆ.ಜನರ ಒಲವು ಬಿಜೆಪಿ ಕಡೆಗೆ ವಾಲುತ್ತಿದೆ.ಹರಿಯಾಣದ ಫಲಿತಾಂಶವು ಮುಂಬರುವ ಮಹಾರಾಷ್ಟ್ರ ರಾಜ್ಯದ ಚುನಾವಣೆಯಲ್ಲಿ ಪರಿಣಾಮ ಬೀರಲಿದೆ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಗಣ್ಯರಾದ ನರೆಂದ್ರ ವರ್ಮಾ, ಮಹಾದೇವ ಗೊಬ್ಬೂರಕರ, ಸಿದ್ರಾಮ ಕುಸಾಳೆ, ಶರಣಪ್ಪ ಬುಗಶೆಟ್ಟಿ, ದೀನೇಶ ಗೌಳಿ, ನಾರಾಯಣ ಕಂದಕೂರ ,ರಾಜು ಕುಂಬಾರ, ಅರುಣ ಪಟ್ಟಣಕರ, ಭೀಮರಾವ ಸಾಳುಂಕೆ, ಜ್ಯೋತಿ ಶರ್ಮ, ಬಸವರಾಜ ಬಿರಾದಾರ, ರಾಜು ಕೊಬಾಳ,ಯಲ್ಲಪ್ಪ ದಂಡಗುಲಕರ,ರಾಮು ಕುಸಾಳೆ, ದೇವು ಪಾಟೀಲ, ಉಮೆಶ ನಿಂಬಾಳಕರ, ಶರಣು ಕೌಲಗಿ, ಲೊಹಿತ ಮಳಖೇಡ, ಅವಿನಾಶ ಸಾಳುಂಕೆ, ಸುರೇಂದ್ರ ಗೌಳಿ, ರೆಡ್ಡಿ, ಶಂಕರ ತಿಪ್ಪಣನವರ, ರಮೇಶ ಬೆರೆ ಹಾಗೂ ಕಾರ್ಯಕರ್ತರು ಭಾಗವಹಿಸಿದರು.