ಮೈತ್ರಿ ಸರಕಾರ‌ ಸುಭದ್ರವಾಗಿದ್ದು ಐದು ವರ್ಷ ಪೂರ್ಣಗೊಳಿಸಲಿದೆ: ವೇಣುಗೋಪಾಲ್

ಕಲಬುರಗಿ: ಮೇ 23 ರ ನಂತರ  ಕೇಂದ್ರದಲ್ಲಿ ಬದಲಾವಣೆಯಾಗಲಿದ್ದು ಮೋದಿ ಸರಕಾರ ಪತನವಾಗಿ ರಾಹುಲ್ ಗಾಂಧಿ  ಪ್ರಧಾನಿಯಾಗಲಿದ್ದಾರೆ. ಆಗ ರಾಜ್ಯದ ಬಿಜೆಪಿಯ ಶಾಸಕರೇ ಕಾಂಗ್ರೇಸ ಪಕ್ಷ‌ ಸೇರಲಿದ್ದಾರೆ ಎಂದು ಎಐಸಿಸಿ ಕಾರ್ಯದರ್ಶಿ ಕೆ.ಸಿ. ವೇಣುಗೋಪಾಲ್ ಹೇಳಿದ್ದಾರೆ.

ಅವರು ಚಿಂಚೋಳಿ ಮಾತನಾಡಿ, ನಾನು ಎಐಸಿಸಿ ಕಾರ್ಯದರ್ಶಿಯಾಗಿ ಹೇಳುತ್ತಿದ್ದೇನೆ ಈ ಸರಕಾರಕ್ಕೆ ಏನು ಆಗಲ್ಲ. ಮೈತ್ರಿ ಸರಕಾರ ಎಂದ ಮೇಲೆ ಸಣ್ಣಪುಟ್ಟ ಸಮಸ್ಯೆಗಳಿರುತ್ತವೆ ಅದನ್ನು ಬಗೆಹರಿಸಿಕೊಂಡು ಹೋಗುತ್ತೇವೆ. ನಮ್ಮ ಸಚಿವರೊಬ್ಬರು ನಿಧನರಾಗಿದ್ದರಿಂದ ಕುಂದಗೋಳದಲ್ಲಿ ಉಪಚುನಾವಣೆ ನಡೆಯುತ್ತಿದ್ದರೆ ಇಲ್ಲಿ ಚಿಂಚೋಳಿಯಲ್ಲಿ ನಮ್ಮಲ್ಲೆ ಇದ್ದ  ಶಾಸಕ ಬೆನ್ನಿಗೆ ಚೂರಿ ಹಾಕಿದ್ದರಿಂದ ಉಪಚುನಾವಣೆ ನಡೆಯುತ್ತಿದೆ ಎಂದು ಟೀಕಿಸಿದರು.

ನಂತರ ಸಚಿವ ದಿನೇಶ್ ಗುಂಡೂರಾವ್ ಮಾತನಾಡಿ, ಈ ಎರಡು ಉಪ ಚುನಾವಣೆ ಕ್ಷೇತ್ರದಲ್ಲಿ ಕಾಂಗ್ರೇಸ ಅಭ್ಯರ್ಥಿಗಳು ಗೆಲ್ಲಲಿದ್ದಾರೆ. ಎಂಪಿ‌ ಚುನಾವಣೆಯಲ್ಲಿ ನಾವು ಹೆಚ್ಚಿನ ಸಂಖ್ಯೆಯಲ್ಲಿ ಗೆಲ್ಲಲಿದ್ದೇವೆ.  ಬಿಜೆಪಿಯವರು ಬರಗಾಲದ ಬಗ್ಗೆ ತಲೆಕೆಡಿಸಿಕೊಂಡಿಲ್ಲ. ಅನಗತ್ಯ ಗೊಂದಲ ಸೃಷ್ಠಿಸುತ್ತಿದ್ದಾರೆ ಎಂದು ಆರೋಪಿಸಿದರು.

ಪಕ್ಷಾಂತರ ಮಾಡಿದ ಜಾಧವ್ ಗೆ ಪಾಠಕಲಿಸಿ ಎಂದು ಮತದಾರರಿಗೆ ಕರೆ ನೀಡಿದರು. ಈ ಸಂದರ್ಭದಲ್ಲಿ ಚಿಂಚೋಳಿ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಸುಭಾಷ ರಾಠೋಡ, ಶಾಸಕ ಡಾ. ಅಜಯಸಿಂಗ್, ಸಚುವ ರಹೀಂ ಖಾನ ಹಾಗೂ ಪಕ್ಷದ ಮುಖಂಡರು ಹಾಗೂ ಕಾರ್ಯಕರ್ತರು ಸೇರಿದಂತೆ ಮುಂತಾದವರು ಇದ್ದರು.