ಲಾಕ್‌ಡೌನ್ ಪಾಲಿಸಿ ನಿಮ್ಮ ನೆರವಿಗೆ ನಾವಿದ್ದೇವೆ: ರಾಜಾ ಹನಮಪ್ಪ ನಾಯಕ

ಸುರಪುರ: ಕೊರೊನಾ ಎಂಬುದು ಇಡೀ ಜನಗತ್ತನ್ನೆ ನಡುಗಿಸುತ್ತಿರುವ ವೈರಸ್ ಆಗಿದ್ದು,ಇದರ ಬಗ್ಗೆ ಮುಂಜಾಗ್ರತೆ ವಹಿಸಿದರೆ ಯಾವ ಸೊಂಕು ತಗಲುವುದಿಲ್ಲ.ಆದ್ದರಿಂದ ಬಡ ಜನತೆ ಯಾರೂ ಮನೆಯಿಂದ ಹೊರ ಬರಬೇಡಿ,ನಿಮಗೆ ಬೇಕಾದ ಅಗತ್ಯ ನೆರವು ನಿಮ್ಮ ಮನೆ ಬಾಗಿಲಿಗೆ ತಲುಪಿಸುತ್ತೇವೆ ಎಂದು ಜಿಲ್ಲಾ ಪಂಚಾಯತಿ ಮಾಜಿ ಅಧ್ಯಕ್ಷ ರಾಜಾ ಹನಮಪ್ಪ ನಾಯಕ (ತಾತಾ) ತಿಳಿಸಿದರು.

ತಾಲೂಕಿನ ಹೊಸ ಸಿದ್ದಾಪುರ,ಕವಡಿಮಟ್ಟಿ ಮತ್ತಿತರೆ ಗ್ರಾಮಗಳಲ್ಲಿನ ಬಡ ಕುಟುಂಬಗಳಿಗೆ ಅಗತ್ಯ ವಸ್ತುಗಳ ವಿತರಿಸಿ ಮಾತನಾಡಿ,ಕೊರೊನಾ ಸಂಪೂರ್ಣ ತೊಲಗುವವರೆಗೆ ಮನೆಯಲ್ಲಿಯೆ ಇದ್ದುಬಿಡಿ,ಆಗಾಗ ಕೈಗಳನ್ನು ತೊಳೆದುಕೊಳ್ಳಿ ಚಿಕ್ಕ ಮಕ್ಕಳನ್ನು ಹೊರಗಡೆ ಬಿಡಬೇಡಿ,ಯಾರಿಗಾದರೂ ಕೆಮ್ಮು ನೆಗಡಿ ಜ್ವರ ಕಾಣಿಸಿದರೆ ತಕ್ಷಣ ಆಸ್ಪತ್ರೆಗೆ ಹೋಗುವಂತೆ ಜಾಗೃತಿ ಮೂಡಿಸಿದರು.

ಸುಮಾರು ಇಪ್ಪತ್ತಕ್ಕು ಹೆಚ್ಚು ಕುಟುಂಬಗಳಿಗೆ ಹತ್ತು ದಿನಗಳಿಗೆ ಆಗುವಷ್ಟು ದಿನಸಿ ಹಾಗು ಇತರೆ ವಸ್ತುಗಳನ್ನು ನೀಡಿದರು.ಈ ಸಂದರ್ಭದಲ್ಲಿ ಲಕ್ಷ್ಮೀಕಾಂತ ದೇವರಗೋನಾಲ,ಗಂಗಾಧರ ನಾಯಕ,ಪರಶುರಾಮ ನಾಟೆಕರ್ ಸೇರಿದಂತೆ ಅನೇಕರಿದ್ದರು.