ನಿತ್ಯವು ಬಡ ಜನರ ಹಸಿವು ನೀಗಿಸಲು ನಿಂತ ವೀರಶೈವ ಲಿಂಗಾಯತ ಯುವ ವೇದಿಕೆ

ಸುರಪುರ: ಕೊರೊನಾ ಎಫೆಕ್ಟ್‌ನಿಂದಾಗಿ ಅನೇಕ ಬಡ ಮತ್ತು ನಿರ್ಗತಿಕ ಕುಟುಂಬಗಳು ಅನ್ನ ನೀರು ಮತ್ತು ಅಗತ್ಯ ವಸ್ತುಗಳಿಗೆ ಪರದಾಡುವ ಪರಸ್ಥಿತಿ ಹೆದರಿಸುತ್ತಿರುವಾಗ.ಅಂತಹ ಕುಟುಂಬಗಳನ್ನು ಗುರುತಿಸಿ ವೀರಶೈವ ಲಿಂಗಾಯತ ಯುವ ವೇದಿಕೆ ಅವರ ಮನೆ ಬಾಗಿಲಿಗೆ ಹೋಗಿ ಅಗತ್ಯ ವಸ್ತುಗಳನ್ನು ವಿತರಿಸುವ ಕಾರ್ಯಕ್ಕೆ ಮುಂದಾಗಿ ಜನರಿಂದ ಉತ್ತಮ ಪ್ರಶಂಸೆಗೆ ಪಾತ್ರವಾಗುತ್ತಿದೆ.

ಇಂದು ತಾಲೂಕಿನ ಮುಷ್ಠಳ್ಳಿ ಮತ್ತು ಹಾವಿನಾಳ ಗ್ರಾಮಗಳಲ್ಲಿನ ಸುಮಾರು ೧೮ ಕುಟುಂಬಗಳ ಬಾಗಿಲಿಗೆ ಹೋಗಿ ಹತ್ತು ದಿನಗಳಿಗೆ ಆಗುವಷ್ಟು ಅಕ್ಕಿ ಬೇಳೆ ಸಕ್ಕರೆ ಅಡುಗೆ ಎಣ್ಣೆ ಸಾಬೂನು ಮತ್ತಿತರೆ ಅಗತ್ಯ ವಸ್ತುಗಳನ್ನು ತಲುಪಿಸುವ ಮೂಲಕ ಮಾದರಿಯಾಗಿದೆ.

ಇಂದಿನ ಯುವ ವೇದಿಕೆ ತಂಡದಲ್ಲಿ ವೇದಿಕೆ ರಾಜ್ಯ ಉಪಾಧ್ಯಕ್ಷ ಮಂಜುನಾಥ ಜಾಲಹಳ್ಳಿ,ಮುಖಂಡರಾದ ಶರಣಪ್ಪ ಕಲಕೇರಿ,ಬಸವರಾಜ ಬೂದಿಹಾಳ,ಲಕ್ಷ್ಮೀಕಾಂತ ದೇವರಗೋನಾಲ,ತಾಲೂಕು ಅಧ್ಯಕ್ಷ ಚಂದ್ರಶೇಖರ ಡೊಣೂರ,ಜಗದೀಶ ಪಾಟೀಲ,ಶರಣಗೌಡ ಶೆಳ್ಳಿಗಿ,ಚಂದ್ರು,ಗುರು ಕಲ್ಮನಿ,ಪರಮಣ್ಣ,ಬಸವರಾಜ ಮುಷ್ಠಳ್ಳಿ ಇತರರಿದ್ದರು.