ಕೂರೋನಾ ಮನುಷ್ಯನಿಗೆ ಸಾವಿನ ಎಚ್ಚರಿಕೆಯ ಘಂಟೆ: ತನ್ನ ರಕ್ಕಸ ವೈರಸ್ ಮೂಲಕ ರಣಕಹಳೆ

ಜಾಗತೀಕರಣ ಉದಾರೀಕರಣ ಖಾಸಗೀಕರಣದ ಸಂದರ್ಭದಲ್ಲಿ ವಿಶಾಲವಾದ ಜಗತ್ತು ಪುಟ್ಟ ಮನೆಯಾಗಿ ಮಾರ್ಪಾಡಾಗಿದೆ ಅಧುನಿಕ ಸಾರಿಗೆ ವ್ಯವಸ್ಥೆ ಮೂಲಕ ನಾವುಗಳು ಇಂದು ಪ್ರತಿ ಗಂಟೆಗೆ ನೂರಾರು ಕಿಲೋಮೀಟರ್ ಚಲಿಸಬಲ್ಲಿವು ಜೊತೆಗೆ ದಿನಕ್ಕೆ ನಾಲ್ಕಾರು ದೇಶಗಳನ್ನು ಸುತ್ತಬಲ್ಲಿವು

ಉದ್ಯೋಗ ಹುಡುಕಿಕೊಂಡು ಇಂದು ನಮ್ಮ ನಮ್ಮ  ಊರುಗಳಿಂದ ನಾಡು ಹೊರನಾಡು ದೇಶ ವಿದೇಶಗಳಲ್ಲಿ ನೆಲೆಸಿದ್ದೇವೆ ದಿನ ನಿತ್ಯ ಹಳ್ಳಿಗಳಿಂದ ನೂರಾರು ಸಂಖ್ಯೆಯಲ್ಲಿ ವಲಸೆ ಹೋಗುವುದು ಸರ್ವೇ ಸಾಮಾನ್ಯವಾಗಿತ್ತು ಊರು ಬಿಟ್ಟು ಹೋದವರಲ್ಲಿ ಅನೇಕರು ತಮಗೆ ಜನ್ಮ ನೀಡಿದ ಆಡಿ ಬೆಳೆದ ಮೂಲ ನಲೆಯನ್ನೇ ಮರೆತು ಹೋಗಿದ್ದರು ನಗರೀಕರಣದ ಥಳಕು ಬೆಳಕಿನ ಮಾಯಾ ನಗರಿಯ ವ್ಯಾಮೋಹಕ್ಕೆ ಬಲಿಯಾಗಿದ್ದರು ಇದರಿಂದ ಕೃಷಿ ಕ್ಷೇತ್ರ ದಲ್ಲಿ ದುಡಿಯುವವರು ಇಲ್ಲದೆ ಹಾಗೂ ಕೂಲಿ ಕಾರ್ಮಿಕರು ಸಿಗದೆ ಇರುವದರಿಂದ ಒಕ್ಕಲುತನ ಅನೇಕ ಬಿಕ್ಕಟ್ಟುಗಳನ್ನು ಎದುರಿಸಿ ಅಪಾಯದ ಅಂಚಿನಲ್ಲಿ ಬಂದು ನಿಂತಿತ್ತು ಹೀಗಾಗಿ ಅನೇಕ ಹಳ್ಳಿಗಳಲ್ಲಿ ಬಿಕೋ ಅನ್ನು ವಾತಾವರಣ ಕಾಣಬಹುದಾಗಿತ್ತು ಮಕ್ಕಳು  ವಯೋವೃದ್ಧರು ಮಾತ್ರ ವಾಸಿಸುತ್ತಿದ್ದು ಯುವಕರು ಮೈಯಲ್ಲಿ ಶಕ್ತಿ ಇದ್ದವರು ದೊಡ್ಡ ದೊಡ್ಡ ಶೆಹರ್ಗಳನ್ನು ಸೇರಿಕೊಂಡಿದ್ದಾರೆ ಹೀಗಾಗಿ ಗ್ರಾಮಗಳು ವೃದ್ದಾಶ್ರಮಗಳಾಗಿ ಬದಲಾದಂತೆ ಭಾಸವಾಗುತ್ತಿತ್ತು

ಕೂರೋನಾ ವೈರಸ್ ಬಂದಿದ್ದೆ ತಡ ಊರು ಬಿಟ್ಟು ಹೋದವರು ಓಡೋಡಿ ಊರಿಗೆ ಬಂದರು ಕೆಲವರು ಲಾಕ್ ಡೌನ್ ಆಗುವ ಮುಂಚೆ ಹೆಂಡತಿ ಮಕ್ಕಳೊಂದಿಗೆ ಊರು ಸೇರಿಕೊಂಡರು ಲಾಕ್ ಡೌನ್ ನಂತರ ವಾಹನ ಸೌಕರ್ಯಗಳು ಬಂದ್ ಆದ ಮೇಲೆ ನೂರಾರು ಕಿಲೋಮೀಟರ್ ಪಡಬಾರದ ಕಷ್ಟ ಕಾರ್ಪಣ್ಯಗಳನ್ನು ನುಂಗಿ ಬೇಸಿಗೆ ಬಿಸಿಲಿನಲ್ಲಿ ಉಪವಾಸ ವನವಾಸ ಬಿದ್ದು ಜೀವ ಕೈಯಲ್ಲಿ ಹಿಡಿದುಕೊಂಡು  ನಡೆದುಕೊಂಡ ಬಂದರು ಊರು ತಲುಪಿ ನಿಟ್ಟುಸಿರು ಬಿಟ್ಟರು ಮತ್ತೇ ನಮ್ಮ ನಮ್ಮ  ಊರುಗಳಿಗೆ ಜೀವಕಳೆ ಬಂದಿದೆ ಮೌನವಾಗಿದ್ದ ಹಳ್ಳಿಗಳಲ್ಲಿ ಕಲರವ ಕೇಳುತ್ತಿದೆ ಅನಾಥ ಪ್ರಜ್ಞೆಯಿಂದ ಬಳಲುತ್ತಿದ್ದ  ಕಟ್ಟೆಗಳ ಮೇಲೆ ಊರಮಂದಿ ಕುಳಿತು ಹರಟೆ ಶುರು ಇಟ್ಟುಕೊಂಡಿದ್ದಾರೆ ಯುವಕರು ಕ್ಯಾರಂ. ಚಕಾರ ಆಟ ಜೋರಾಗಿ  ಆಡುತ್ತಿದ್ದಾರೆ ಊರ ಮುಂದಿನ ಬಾವಿಗಳಲ್ಲಿ ಮಧ್ಯಾಹ್ನ  ಈಸಲು ಆಟ ಜಬರ್ ದಸ್ತ್ ಆಡುತ್ತಿದ್ದಾರೆ ಹೊಲಗಳ ಮುಖ ನೋಡದವರು ಮುಂಜಾನೆ ಹೊಲದತ್ತ ಹೆಜ್ಜೆ ಹಾಕುತ್ತಿದ್ದಾರೆ ನೇಗಿಲು ಹೊಡೆಸುವ ಕೋಯ್ಲಿ ಆಯಿಸೋದು ಮುಂಗಾರು ಬಿತ್ತನೆಗೆ ಭೂಮಿ ಸಜ್ಜು ಮಾಡಿಕೊಳ್ಳುತ್ತಿದ್ದಾರೆ

ಪಟ್ಟಣದಾಗ ಇದ್ದ ಮಂದಿ ಊರಿಗೆ ಬಂದು ಮನಿಯಾಗಿನ ಹಿರಿಕರ ಜೊತೆ ಇರೋದು ನೋಡಿ ಹಿರಿಯಗೋಳಗಿ ಎಲ್ಲಿಲ್ಲದ ಖುಷಿ ತಂದಿದ ಮಗ ಸೊಸೆ ಮೊಮ್ಮಕ್ಕಳ ಜೊತೆಗೆ ಉಣೋದು  ತಿನೋದು ಮಾಡಲಕ್ಕತ್ತರ ಅವರ ಮುಖದ ಮೇಲಾ ಹೊಸ ಆಶಾ ಬಂದದ

ನಮ್ಮ ಊರ ನಮಗ ದೊಡ್ಡದು ಗಂಜಿಯರೆ ಕುಡಿಯಲಿ ಅಂಬಲಿಯರೆ ಕುಡಿಯಲಿ ಎಲ್ಲರ ಜೊತಗೆ ಊರಾಗೆ ಇರೋಣ ಅನ್ನು ಪಾಠ ಕಲಿಸಿದೆ.

ನಾಗಲಿಂಗಯ್ಯ ಮಠಪತಿ ಕಲಬರುಗಿ