ಮಾದ್ಯಮ ರಂಗದ ಶ್ರಮಿಕರಿಗು ಸರಕಾರ ಸಹಾಯ ಧನ ಘೋಷಿಸಲಿ: ರಂಗನಗೌಡ ಪಿ. ದೇವಿಕೇರಾ

ಸುರಪುರ: ಇಂದು ಕೊರೊನಾ ಲಾಕ್‍ಡೌನ್ ಘೋಷಣೆಯಿಂದಾಗಿ ಅನೇಕ ವರ್ಗದ ಅನೇಕ ವಲಯಗಳಲ್ಲಿನ ಕಾರ್ಮಿಕರು ತೀವ್ರ ತೊಂದರೆಗೆ ಸಿಲುಕಿದ್ದಾರೆ.ಇದನ್ನು ಅರಿತ ಮಾನ್ಯ ಮುಖ್ಯಮಂತ್ರಿಗಳು ಅನೇಕ ವರ್ಗದ ಕಾರ್ಮಿಕರಿಗೆ ಸಹಾಯ ಧನ ಘೋಷಣೆ ಮಾಡಿದ್ದಾರೆ.ಅದರಂತೆ ಸಂವಿಧಾನದ ನಾಲ್ಕನೆ ಅಂಗವೆಂದು ಕರೆಯುವ ಮಾದ್ಯಮ ರಂಗದ ಶ್ರಮಿಕರಿಗೂ ಸಹಾಯ ಧನ ಘೋಷಣೆ ಮಾಡುವಂತೆ ಬಿಜೆಪಿ ಯುವ ಮುಖಂಡ ರಂಗನಗೌಡ ಪಾಟೀಲ ದೇವಿಕೇರಾ ಸರಕಾರಕ್ಕೆ ಆಗ್ರಹಿಸಿದ್ದಾರೆ.

ಈ ಕುರಿತು ಪತ್ರಿಕಾ ಹೇಳಿಕೆ ನೀಡಿರುವ ಅವರು,ಪತ್ರಿಕಾ ಮತ್ತು ದೃಶ್ಯ ಮಾದ್ಯಮಗಳ ವರದಿಗಾರರು ಅನೇಕ ಸಂದರ್ಭಗಳಲ್ಲಿ ತಮ್ಮ ಜೀವದ ಹಂಗು ತೊರೆದು ಸುದ್ದಿ ಮಾಡಿದ್ದಾರೆ.ಅನೇಕರು ಇಂತಹ ಸಂದರ್ಭದ ಅಪಾಯಕ್ಕೆ ಸಿಲುಕಿರುವ ಉದಾಹರಣೆಗಳು ಪಕ್ಕದ ರಾಜ್ಯ ಮತ್ತು ನಮ್ಮ ರಾಜ್ಯದಲ್ಲಿಯೂ ಕಾಣಬಹುದಾಗಿದೆ.

ಆದರೆ ಈ ಮಾದ್ಯಮಗಳಲ್ಲಿ ಹಗಲಿರಳು ಜನ ಜಾಗೃತಿ ಮೂಡಿಸಲು ದುಡಿಯುವವರ ಜೀವನಕ್ಕೆ ಯಾವುದೇ ಭದ್ರತೆ ಇಲ್ಲದಂತಿದೆ.ಇದನ್ನು ಸರಕಾರ ಗಂಭೀರವಾಗಿ ಚಿಂತನೆ ಮಾಡಬೇಕಿದೆ.ನಮ್ಮೆಲ್ಲರ ಒಳಿತಿಗಾಗಿ ಹಗಲಿರಳು ಶ್ರಮಿಸುತ್ತಿರುವ ಮಾದ್ಯಮಗಳ ವರಿದಗಾರರಿಗೂ ಮುಖ್ಯಮಂತ್ರಿಗಳು ಸಹಾಯ ಧನ ಘೋಷಣೆ ಮಾಡುವಂತೆ ಮನವಿ ಮಾಡಿದ್ದಾರೆ.