ಮಳೆಯಿಂದ ಜಲಾವೃತಗೊಂಡ ಪ್ರದೇಶಗಳಿಗೆ ಪೌರಾಯುಕ್ತರ ಬೇಟಿ

ಶಹಾಬಾದ:ನಗರದಲ್ಲಿ ಶುಕ್ರವಾರ ಇಡೀ ರಾತ್ರಿ ಸುರಿದ ಧಾರಾಕಾರ ಮಳೆಯಿಂದ ಜಲಾವೃತಗೊಂಡ ನಗರದ ಹಲವಾರು ವಾರ್ಡಗಳಿಗೆ ನಗರಸಭೆಯ ಪೌರಾಯುಕ್ತ ಡಾ.ಕೆ.ಗುರಲಿಂಗಪ್ಪ ಶನಿವಾರ ಬೇಟಿ ನೀಡಿ ವೀಕ್ಷಿಸಿದರು.

ಅಪಾರ ಪ್ರಮಾಣದ ನೀರು ಮನೆಗಳಿಗೆ ನುಗ್ಗಿದ ಸುದ್ದಿ ತಿಳಿಯುತ್ತಿದ್ದಂತೆ ನಗರಸಭೆಯ ಪೌರಾಯುಕ್ತರು
ವಾರ್ಡ ನಂ. 8, 9 , 25, 26 ಹಾಗೂ 27 ಕ್ಕೆ ಬೇಟಿ ನೀಡಿ ಮನೆಗಳಿಗೆ ನೀರು ನುಗ್ಗಿರುವುದನ್ನು ವಿಕ್ಷೀಸಿದರು.
ಸಾವಿರಾರು ಜನರು ಹಳ್ಳದ ಸಮೀಪ ಬಂದು ಸೇಲ್ಫಿ, ಫೋಟೋ ತೆಗೆಸಿಕೊಳ್ಳುವತ್ತ ನುಗ್ಗುತ್ತಿರುವುದನ್ನು ಕಂಡು
ಹಳ್ಳದ ಕಡೆಗೆ ಯಾರು ಹೋಗದಂತೆ ಬ್ಯಾರಿಕೇಡ್ ಹಾಕಿ ಬಂದೋಬಸ್ತ ಮಾಡಲು ಸೂಚಿಸಿದರು.ಅಲ್ಲದೇ ಹಳ್ಳದ ಸಮೀಪ ಯಾರು ಹೋಗದಂತೆ ತಾಕೀತು ಮಾಡಿದರು.

ಅಲ್ಲದೇ ಮನೆಯೊಳಗೆ ನೀರು ಆವರಿಸಿರುವುದನ್ನು ತೋರಿಸಿ ಜನರು ತಮ್ಮ ಅಳಲನ್ನು ವ್ಯಕ್ತಪಡಿಸಿದರು. ಅದಕ್ಕೆ ನಗರಸಭೆಯ ಪೌರಾಯುಕ್ತ ಡಾ.ಕೆ.ಗುರಲಿಂಗಪ್ಪ ಯಾವುದೇ ರೀತಿ ಆತಂಕ ಪಡುವ ಅವಶ್ಯಕತೆಯಿಲ್ಲ. ನಾವು ನಿಮ್ಮ ಜೊತೆ ಇದ್ದೆವೆ. ನೀವು ಧೈರ್ಯಗುಂದದಿರಿ ಎಂದು ಹೇಳಿ, ತೊಂದರೆಗೊಳಗಾದ ಮನೆಯವರಿಗೆ ಊಟದ ಹಾಗೂ ನೀರಿನ ವ್ಯವಸ್ಥೆ ಮಾಡಿದರು.  ಪ್ರತಿ ವರ್ಷ ಮಳೆಬಂದಾಗ ಸೇತುವೆ ಮೇಲೆ ನೀರು ಬಂದು ಸಂಚಾರ ವ್ಯವಸ್ಥೆ ಕಡಿತವಾಗಿ ಇಲ್ಲಿನ ಜನರ ಜೀವನ ಕಷ್ಟದಾಯಕವಾಗುತ್ತಿತ್ತು.ಅದನ್ನು ಅರಿತು ಇತ್ತಿಚ್ಚಿಗಷ್ಟೇ ದೊಡ್ಡ ಸೇತುವೆ ನಿರ್ಮಾಣ ಮಾಡಿ ಅದರ ಎತ್ತರವೂ ಹೆಚ್ಚಿಸಲಾಗಿತ್ತು. ಆದರೂ ಆ ಸೇತುವೆ ಇಂದು ಮುಳುಗಡೆಯಾಗಿರುವುದು ಅಚ್ಚರಿಯಾಗಿದೆ.

ಹಿಂದೆಂದಿಗಿಂತಲೂ ಈ ವರ್ಷ ಹೆಚ್ಚಿನ ಮಳೆಗಾಲವಾಗಿದೆ. ಇದರಿಂದ ಸಂಚಾರ ವ್ಯವಸ್ಥೆ ಸಂಪೂರ್ಣ ಕಡಿತಗೊಂಡಿದೆ.ನಗರದ ಮಡ್ಡಿ ಪ್ರದೇಶದ ಜನರು ನಗರದ ಹೊರವಲಯದಿಂದಲೇ ನಗರದೊಳಗೆ ಪ್ರವೇಶ ಮಾಡುವಂಥ ಪರಿಸ್ಥಿತಿ ನಿರ್ಮಾಣವಾಗಿದೆ ಎಂದರು.ಅಲ್ಲದೇ ಸಾರ್ವಜನಿಕರಿಗೆ ಯಾವುದೇ ತೊಂದರೆಯಾಗದಂತೆ ಎಲ್ಲಾ ರೀತಿಯ ಸಿದ್ಧತೆ ಮಾಡಿಕೊಂಡಿದ್ದು, ಸಾರ್ವಜನಿಕರು ಯಾವುದೇ ಕಾರಣಕ್ಕೂ ಹಳ್ಳದ ಸಮೀಪ ಹೋಗದಂತೆ   ನಗರಸಭೆಯ ಪೌರಾಯುಕ್ತ ಡಾ.ಕೆ.ಗುರಲಿಂಗಪ್ಪ ಎಚ್ಚರಿಕೆ ನೀಡಿದರು.

ಈ ಸಂದರ್ಭದಲ್ಲಿ ಮಾಜಿ ನಗರಸಭೆಯ ಅಧ್ಯಕ್ಷ ಗಿರೀಶ ಕಂಬಾನೂರ, ನಗರಸಭೆಯ ಸದಸ್ಯೆ ಪಾರ್ವತಿ ಪವಾರ,ಕಂದಾಯ ಅಧಿಕಾರಿ ಸುನೀಲಕುಮಾರ, ಆರೋಗ್ಯ ನಿರೀಕ್ಷರಾದ ಶಿವರಾಜಕುಮಾರ, ಶರಣು, ರಾಜೇಶ, ಹುಣೇಶ, ಅನೀಲ, ರಾಕೇಶ ಪವಾರ ಹಾಗೂ ಪೊಲೀಸ್ ಸಿಬ್ಬಂದಿಗಳು ಇದ್ದರು.