ಜಿಲ್ಲಾ ಜೆಡಿಎಸ್ ಯುವ ಘಟಕ ಒತ್ತಾಯ: ಕಾಮಗಾರಿ ಆರಂಭ

ಕಲಬುರಗಿ: ನಗರದ ಹುಮನಾಬಾದ ಕ್ರಾಸ್‌ದಿಂದ ರಾಮ ಮಂದಿರಕ್ಕೆ ಹೋಗುವ ರಾಷ್ಟ್ರೀಯ ಹೆದ್ದಾರಿ ಪೂರ್ಣ ಹದಗೆಟ್ಟಿದ್ದು, ಕೂಡಲೇ ಇದನ್ನು ದುರಸ್ತಿ ಮಾಡಬೇಕೆಂದು ಜಿಲ್ಲಾ ಜೆಡಿಎಸ್ ಯುವ ಘಟಕದ ಅಧ್ಯಕ್ಷ ಅಲಿಮುದ್ದೀನ್ ಇನಾಮದಾರ್ ನೇತೃತ್ವದಲ್ಲಿ ಇತ್ತೀಚಿಗೆ ರಾಪ್ಟ್ರೀಯ ಹೆದ್ದಾರಿ ಪ್ರಾಧಿಕಾರದ ಯೋಜನಾ ಅಧಿಕಾರಿಗಳಿಗೆ ಮನವಿ ಸಲ್ಲಿಸಲಾಗಿತ್ತು.

ಈ ವಿಷಯಕ್ಕೆ ಸಂಬಂಧಿಸಿದಂತೆ ಅಧಿಕಾರಿಗಳು ಕೂಡಲೇ ಸ್ಪಂದಿಸುವುದಾಗಿ ಭರವಸೆ ನೀಡಿದ್ದರು. ಅದರಂತೆ ಸೋಮವಾರದಿಂದ ನಗರದ ಟಿಪ್ಪು ಚೌಕ್ ಬಳಿ ಕಾಮಗಾರಿ ಕೂಡ ಆರಂಭಿಸಿದ್ದಾರೆ. ಈ ಹಿನ್ನೆಲೆಯಲ್ಲಿ ಜಿಲ್ಲಾ ಜೆಡಿಎಸ್ ಯುವ ಘಟಕದ ಅಧ್ಯಕ್ಷ ಅಲಿಮುದ್ದೀನ್ ಇನಾಮದಾರ್ ನೇತೃತ್ವದ ತಂಡ ಕಾಮಗಾರಿ ಸ್ಥಳಕ್ಕೆ ಭೇಟಿ ನೀಡಿ ಕಾಮಗಾರಿ ವೀಕ್ಷಿಸಿ ಮತ್ತೆ ಕಳಪೆ ಕಾಮಗಾರಿ ಮಾಡದಂತೆ ಎಚ್ಚರಿಕೆ ನೀಡಿದರು.

ಪ್ರವೀಣ ಜಾಧವ, ಅರವಿಂದ ರಂಜೇರಿ, ಶಾದಾಬ್ ಮಲ್ಲೀಕ್, ಶಫಿ ಪಟೇಲ್, ನಜೀರ್ ಮೌಲಾನಾ, ನಾಗರಾಜ ರೇವಣಕರ್, ಸುಲೇಮಾನ್ ಮತ್ತಿತರರು ಇದ್ದರು.