ಗ್ರಾ.ಪಂ.ಚುನಾವಣೆ: ವಿವಿಧ ಮತಗಟ್ಟೆಗಳಿಗೆ ಡಿಸಿ ಭೇಟಿ ನೀಡಿ ಪರಿಶೀಲನೆ

ಕಲಬುರಗಿ: ಜಿಲ್ಲೆಯಲ್ಲಿ ಗಾಮ ಪಂಚಾಯಿತಿಯ ಎರಡನೇ ಹಂತದ ಚುನಾವಣೆÀ ಹಿನ್ನೆಲೆಯಲ್ಲಿ ಕಲಬುರಗಿ ಜಿಲ್ಲಾಧಿಕಾರಿಗಳು ಹಾಗೂ ಜಿಲ್ಲಾ ಚುನಾವಣಾಧಿಕಾರಿಗಳಾದ ವಿ.ವಿ.ಜೋತ್ಸ್ನಾ ಅವರು ರವಿವಾರ ಕಲಬುರಗಿ ಜಿಲ್ಲೆಯ ವಿವಿಧ ತಾಲೂಕಿನ ಮತಗಟ್ಟೆ ಕೇಂದ್ರಗಳಿಗೆ ಭೇಟಿ ನೀಡಿ ಮತದಾನದ ಪ್ರಕ್ರಿಯೆ ವೀಕ್ಷಿಸಿದರು.

ಸೇಡಂ ತಾಲೂಕಿನ ಮಳಖೇಡದ ವಾರ್ಡ್ ನಂ. 1ರ ಮತಗಟ್ಟೆ ಕೇಂದ್ರಕ್ಕೆ, ಚಿತ್ತಾಪುರ ತಾಲೂಕಿನ ಗುಂಡಗೂರ್ತಿ ಗ್ರಾಮದ ವಾರ್ಡ್ ನಂ. 1, 2 ಮತ್ತು 3ರ ಮತಗಟ್ಟೆ ಕೇಂದ್ರಗಳಿಗೆ ಹಾಗೂ ಮಾಡಬೂಳ ಗ್ರಾಮದ ವಾರ್ಡ್ ನಂ. 11ರ ಮತಗಟ್ಟೆ ಕೇಂದ್ರಗಳಿಗೆ ಭೇಟಿ ನೀಡಿದರು.