ಅಂತರಿಕ ಗುಣಮಟ್ಟ ಭರವಸಾ ಕೋಶದ ವತಿಯಿಂದ ಅಭಿವಿನ್ಯಾಸ ಕಾರ್ಯಕ್ರಮ

ಸೇಡಂ: ನಗರದ ಸರಕಾರಿ ಪ್ರಥಮ ದರ್ಜೆ ಕಾಲೇಜಿನಲ್ಲಿ ಅಂತರಿಕ ಗುಣಮಟ್ಟ ಭರವಸಾ ಕೋಶದ ವತಿಯಿಂದ ಬಿ.ಎ./ಬಿ.ಕಾಂ/ಬಿ.ಎಸ್ಸಿ ಪ್ರಥಮ ಸೆಮಿಸ್ಟರ್ ವಿದ್ಯಾರ್ಥಿಗಳಿಗಾಗಿ ಒಂದು ದಿನದ ಅಭಿವಿನ್ಯಾಸ (orientation Program) ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು.

ಮುಖ್ಯ ಅತಿಥಿಯಾಗಿ ಆಗಮಿಸಿದ ಡಾ. ಶಶಿಶೇಖರ ರೆಡ್ಡಿ ಯವರು ಸಸಿಗೆ ನೀರೆರೆಯುವುದರ ಮೂಲಕ ಉದ್ಘಾಟಿಸಿ ಶಿಷ್ಡಾಚಾರ ಎಂಬ ವಿಷಯದ ಮೇಲೆ ವಿಶೇಷ ಉಪನ್ಯಾಸ ನೀಡಿದರು.

ಸಂಪನ್ಮೂಲ ವ್ಯಕ್ತಿ ಡಾ.ಸಂಗಣ್ಣಾ ನಿಷ್ಟಿಯವರು ವ್ಯಕ್ತಿತ್ವ ವಿಕಸನ ಕುರಿತು ಮಾತನಾಡಿದರು. ಪ್ರಾಂಶುಪಾಲರಾದ ಡಾ.ಶಿವಶರಣಪ್ಪ ಧಾಭಾ ಅಧ್ಯಕ್ಷತೆ ವಹಿಸಿದ್ದರು. ಉಪನ್ಯಾಸಕರಾದ ಹರ್ಷವರ್ಧನನ, ಡಾ.ರಾಜಕುಮಾರ, ಬಸವರಾಜ, ಡಾ.ಸಂತೋಷ, ತ್ರಿವಿಕ್ರಮ, ಡಾ.ವಿಶಾಲ್, ಡಾ.ಫಾತೀಮಾ ಬೇಗಂ, ಗೌಸಿಯಾ ಬೇಗಂ, ಜ್ಯೋತಿಶ್ರೀ, ಪ್ರಮೋದ, ಮಲ್ಲಿಕಾರ್ಜುನ, ಡಾ.ಅಣ್ಣಾಸಾಗರ ಉಪಸ್ಥಿತರಿದ್ದರು. ರಾಜೇಂದ್ರಕುಮಾರ್ ನಿರೂಪಿಸಿದರು. ಡಾ.ಶ್ರೀಧರ್ ವಂದಿಸಿದರು.