ಆಳಂದ ಅಖಿಲ ಭಾರತ ವೀರಶೈವ ಮಹಾಸಭಾದ ಅಧ್ಯಕ್ಷರಾಗಿ ಶರಣು ಪಾಟೀಲ ಆಯ್ಕೆ

ಕಲಬುರಗಿ: ಅಖಿಲ ಭಾರತ ವೀರಶೈವ ಮಹಾಸಭೆ ಆಳಂದ ತಾಲ್ಲೂಕು ಘಟಕದ ಅಧ್ಯಕ್ಷರಾಗಿ ಶರಣಬಸಪ್ಪ ಶಶಿಕಾಂತ್ ಪಾಟೀಲ್ ಇವರು ಅವಿರೋಧವಾಗಿ ಆಯ್ಕೆಯಾಗಿದ್ದಾರೆ.

ಕಣದಲ್ಲಿದ್ದ ರವೀಂದ್ರ ಮಲ್ಲೇಶಪ್ಪ ಪಟ್ಟಣಶೆಟ್ಟಿ ಅವರು ಸ್ವಇಚ್ಛೆಯಿಂದ ನಾಮಪತ್ರವನ್ನು ವಾಪಸ್ ಪಡೆದ ಕಾರಣ ಶರಣಬಸಪ್ಪ ಶಶಿಕಾಂತ್ ಪಾಟೀಲ ತಾಲೂಕಾ ಘಟಕದ ಅಧ್ಯಕ್ಷರಾಗಿ ಅವಿರೋಧವಾಗಿ ಆಯ್ಕೆಯಾದ್ದು, ಇವರ ಅವಿರೋಧ ಆಯ್ಕೆಗೆ ಬೆಂಬಲಿಸಿದ ತಾಲೂಕಿನ ಮಾಜಿ ಶಾಸಕರಾದ ಬಿಆರ್ ಪಾಟೀಲ್ ರವರಿಗೆ ಹಾಗೂ ಸಮಾಜದ ಹಿರಿಯ ಹಿರಿಯ ಮುಖಂಡರುಗಳಾದ ಬಾಬುರಾವ್ ಮಡ್ಡೆ, ಮಲ್ಲಪ್ಪ ಹತ್ತರಕಿ, ರಾಜಶೇಖರ್ ಪಾಟೀಲ್ ಚಿತಲಿ, ಶರಣಬಸಪ್ಪ ಭೂಸನೂರ್, ಗುರುಶರಣ ಪಾಟೀಲ್ ಕೊರಳಿ, ಶಂಕರ್ ರಾವ್ ದೇಶಮುಖ್, ಪಂಡಿತ ರಾವ್ ಧುಳೆ, ಶ್ರೀಮಂತರಾವ ಪಾಟೀಲ, ನಿಜಲಿಂಗಪ್ಪ ಕೊರಳಿ ಸೇರಿದಂತೆ ಅನೇಕ ಮುಖಂಡರಿಗೆ ನೂತನ ಅಧ್ಯಕ್ಷರಾದ ಶರಣಬಸಪ್ಪ ಪಾಟೀಲ್ ಅವರು ಅಭಿನಂದನೆ ಸಲ್ಲಿಸಿದರು.

ಆಯ್ಕೆಯಾದ ನಂತರ ಚುನಾವಣಾಧಿಕಾರಿಗಳಾದ ಗಣೇಶ್ ಪಾಟೀಲ್ ರವರು ನೂತನ ಅಧ್ಯಕ್ಷರಿಗೆ ಪ್ರಮಾಣಪತ್ರವನ್ನು ವಿತರಿಸಿದರು.