ಭಕರೆಗೆ ಹಿರಿಯ ಸಾಹಿತಿ ಮನು ಸಗರ ಬೆಂಬಲ

ಕಲಬುರಗಿ : ಕನ್ನಡ ಸಾಹಿತ್ಯ ಪರಿಷತ್ತಿಗೆ ಈ ಬಾರಿ ಹೊಸ ಮುಖ ಬರಬೇಕು. ಸಾಹಿತ್ಯ ಪರಿಷತ್ತಿನ ಘನತೆ ಗೌರವ ಕಾಪಾಡುವ ಸೂಕ್ತ ವ್ಯಕ್ತಿಯೆ ಆಯ್ಕೆಯಾಗಬೇಕು. ಈ ಬಾರಿ ಬದಲಾವಣೆಯ ಪರ್ವ ಆರಂಭವಾಗಿದೆ. ಬದಲಾವಣೆಯ ಸೂಕ್ತ ಅಭ್ಯರ್ಥಿ ವಿಶ್ವನಾಥ ಭಕರೆಯವರಿದ್ದಾರೆ. ಇವರಿಗೆ ಆಯ್ಕೆ ಮಾಡುವುದು ಸೂಕ್ತವೆಂದು ಸಾಹಿತಿ, ಪರಿಸರವಾದಿ ಮನು ಸಗರ ಅವರು ಅಭಿಪ್ರಾಯಪಟ್ಟರು.

ವಿಶ್ವನಾಥ ಭಕರೆಯವರು ಆಳಂದ ತಾಲೂಕಿನಲ್ಲಿ ಮೂರು ಬಾರಿ ಕ.ಸಾ.ಪ. ಅಧ್ಯಕ್ಷರಾಗಿ ಒಂಬತ್ತು ಸಾಹಿತ್ಯ ಸಮ್ಮೇಳನ ಏರ್ಪಡಿಸಿ ಕಲ್ಯಾಣ ಕರ್ನಾಟಕ ಭಾಗದಲ್ಲಿ ಬಹುಶಃ ಮೊದಲ ಅಧ್ಯಕ್ಷರಾಗಿ ಕಾರ್ಯನಿರ್ವಹಿಸಿರುವುದು ಯಾರು ಮರೆಯುವಂತಿಲ್ಲವೆಂದು ತಿಳಿಸಿದರು. ಇದಲ್ಲದೆ ಗಡಿ ಭಾಗದಲ್ಲಿ ಕನ್ನಡ ಚಟುವಟಿಕೆಗಳನ್ನು ಸದಾ ಕ್ರಿಯಾಶೀಲರಾಗಿ ನಿರ್ವಹಿಸಿ ಕನ್ನಡ ಕಹಳೆ ಮೊಳಗಿಸಿದ್ದಾರೆ. ಹಾಗೆನೆ ಸಾಹಿತ್ಯದೊಂದಿಗೆ, ರಂಗಕಲೆ ಮೈಗೂಡಿಸಿಕೊಂಡಿರುವ ಭಕರೆಯವರು ನಿನಾಸಂ ಪದವಿಧರರಾಗಿ ಶಿಕ್ಷಕ ವೃತ್ತಿಯೊಂದಿಗೆ ರಂಗಭೂಮಿಯಲ್ಲಿ ಮಾಡಿದ ಸೇವೆ ಸ್ಮರಣೀಯವಾಗಿದೆ ಎಂದರು.

ಸೇಡಂ ತಾಲೂಕಿನ ನೂತನ ಎಪಿಎಂಸಿ ಅಧ್ಯಕ್ಷರಿಗೆ ಸನ್ಮಾನ

ಬಹುಮುಖ ಪ್ರತಿಭೆಯ ವ್ಯಕ್ತಿತ್ವವುಳ್ಳ ವಿಶ್ವನಾಥ ಭಕರೆಯವರು ಈ ಬಾರಿ ಕಲಬುರಗಿ ಕ.ಸಾ.ಪ. ಅಧ್ಯಕ್ಷ ಸ್ಥಾನಕ್ಕೆ ಆಯ್ಕೆಗೆ ಹಿರಿಕಿರಿಯ ಸಾಹಿತಿಗಳು, ಚಿಂತಕರು, ಕನ್ನಡಾಭಿಮಾನಿಗಳು, ಕನ್ನಡ ಸಂಘಟನೆಗಳು ಬೆಂಬಲಿಸಬೇಕೆಂದು ಮನು ಸಗರ ತಿಳಿಸಿದರು.

ಈ ಸಂದರ್ಭದಲ್ಲಿ ರವಿ ಪಾಟೀಲ, ಬಸವರಾಜ ರಾಜಾಪೂರ, ಗುರುರಾಜ ಪಾಟೀಲ, ಶರಣು ಹಿರೇಮಠ ನಿಂಬರ್ಗಾ, ಮಡಿವಾಳಯ್ಯ ಕೊರಳ್ಳಿ, ಮಲ್ಲಿನಾಥ ಸಂಗಶೆಟ್ಟಿ ಮತ್ತಿತರರು ಇದ್ದರು.