ಪ್ರತಿ ತಿಂಗಳು 2 ಸಾವಿರ ನೆರವು ನೀಡಲು ಕನ್ನಡಪರ ಸಂಘಟನೆಗಳ ಆಗ್ರಹ

ಕಲಬುರಗಿ: ಕಳೆದ ವರ್ಷ ಮಾರ್ಚ 24 ರಂದು ಪ್ರಾರಂಭವಾದ ಕೊರೊನಾ ಮಹಾಮಾರಿ ಭಾರತ ದೇಶದ ಜನರನ್ನು ತತ್ತರಿಸುವಂತೆ ಮಾಡಿದೆ.ಇದರಿಂದಾಗಿ ಜನತಾ ಕಪ್ಯೂ೯ , ಲಾಕ್ ಡೌನ್ ದಿಂದಾಗಿ ಜನರ ಜೀವನ ನಿರ್ವಹಣೆ ಬಹಳ ಕಷ್ಟಕರವಾಗಿದೆ. ಅದರಲ್ಲೂ ಬಡ ಮತ್ತು ಮಧ್ಯಮ ವರ್ಗದ ಜನತೆಯ ಕಾಪಾಡುವ ಹೊಣೆ ರಾಜ್ಯದ ಮುಖ್ಯಮಂತ್ರಿ ಅವರ ಮೇಲಿದೆ ಎಂದು ಕಲ್ಯಾಣ ಕರ್ನಾಟಕ ಕನ್ನಡಪರ ಸಂಘಟನೆಗಳ ಒಕ್ಕೂಟದ ಕಾರ್ಯಕರ್ತರು ಮನವಿ ಮಾಡಿದರು.

ರಾಜ್ಯದ ಎಲ್ಲಾ ಸರಕಾರಿ ನೌಕರರಿಗೆ ರಾಜ್ಯ ಸರ್ಕಾರ ವೇತನ ಕಳೆದ ಒಂದು ವರ್ಷದಿಂದ ವೇತನ ನೀಡುತ್ತಿದೆ. ರಾಜ್ಯದಲ್ಲಿ ಕೊರೊನಾ ಮತ್ತು ಲಾಕ್ ಡೌನ್ ದಿಂದಾಗಿ ಬಡ ಮಧ್ಯಮ ವರ್ಗದ ಜನರು, ಅಂಗಡಿಗಳಲ್ಲಿ ಕೆಲಸ ಮಾಡುವವರು, ಟೇಲರಿಂಗ್, ನೇಕಾರರು,ಹಮಾಲಿಗಳು, ಚಮ್ಮಾರರು, ಗ್ಯಾರೆಜ್ ಮತ್ತು ಚಿಕ್ಕಪುಟ್ಟ ವ್ಯಾಪಾರ ಮಾಡುವ ಜನರು, ಚಿತ್ರಮಂದಿರದಲ್ಲಿ ಕೆಲಸ ಮಾಡುವ,‌ ಮನೆಗಳ ಅಡುಗೆ ಕೆಲಸ ಮಾಡುವ ಮಹಿಳೆಯರು, ದೋಬಿಗಳು, ಕ್ಷೌರಿಕರು, ಕುಂಬಾರರು, ಆಟೋ ಚಾಲಕರು, ಸೇರಿದಂತೆ ಸಮುದಾಯದ ಕೆಲಸ ಮಾಡುವ ಜನರು ದಿನನಿತ್ಯ ದುಡಿಮೆಯ ಮೇಲೆ ತಮ್ಮ ಕುಟುಂಬ ನಿರ್ವಹಣೆ ಮಾಡುವ ಕುಟುಂಬಗಳ ಆರ್ಥಿಕ ಪರಿಸ್ಥಿತಿ ತುಂಬಾ ಜನಕವಾಗಿದೆ. ಒಂದು ಒಪ್ಪತ್ತಿನ ತುತ್ತಿಗೂ ಊಟಕ್ಕೂ ಪರದಾಡುವ ಪರಿಸ್ಥಿತಿ ಉಂಟಾಗಿದೆ. ಅತಿಥಿ ಶಿಕ್ಷಕರು, ಅತಿಥಿ ಉಪನ್ಯಾಸಕರಿಗೂ ಸಹ ಆರ್ಥಿಕ ಸಹಾಯ ಮಾಡಬೇಕು. ಗ್ರಾಮೀಣ ಪ್ರದೇಶದಲ್ಲಿ ಉದ್ಯೋಗ ಖಾತರಿ ಯೋಜನೆಯನ್ನು ಜಾರಿಯಲ್ಲಿದು ಇದರಿಂದ ಗ್ರಾಮೀಣ ಜನತೆ ಕೈ ಕೂಲಿ ಕಾರ್ಮಿಕರಿಗೆ ಅನುಕೂಲವಾಗಿದೆ.

ಆದರೆ ಕೆಲವೊಂದು ಮಧ್ಯಮ ವರ್ಗದ ಜನತೆ ಉದ್ಯೋಗ ಖಾತರಿ ಯೋಜನೆಯಲ್ಲಿ ಕೆಲಸ ಮಾಡಲು ಆಗದವರು ಇದ್ದಾರೆ ಇದನ್ನು ಗಮನಿಸಬೇಕಾದ ಸಂಗತಿಯಾಗಿದೆ ಎಂದರು. ರಾಜ್ಯ ಮತ್ತು ಕೇಂದ್ರ ಸರ್ಕಾರ ತಲಾ ಒಬ್ಬರಿಗೆ 10 ಕೆ.ಜಿ. ಅಕ್ಕಿ ಕೊಡುತ್ತಿದ್ದಾರೆ. ಇದನ್ನು ಸ್ವಾಗತಿಸಿದ ಅವರು ಆದರೆ ಕೇವಲ ಅಕ್ಕಿ ಕೊಟ್ಟರೆ ಬಡವರ ಹೊಟ್ಟೆ ತುಂಬುವುದಿಲ್ಲ. ಅದಕ್ಕೆ ಬೇಕಾದ ಗ್ಯಾಸ್, ಇತರೆ ಅಡುಗೆ ಸಾಮಾನುಗಳು ಅವಶಕ ಇದನ್ನು ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ನವರಿಗೆ ತಿಳಿಸುವ ಅಗತ್ಯವಿಲ್ಲ ನೆರೆಯ ಆಂಧ್ರಪ್ರದೇಶ , ತೆಲಂಗಾಣದಲ್ಲಿ‌ ಪ್ರತಿ ಕುಟುಂಬಕ್ಕೆ ಭಾರಿ ಪ್ರಮಾಣದ ಆರ್ಥಿಕ ಸಹಾಯ ಘೋಷಿಸಿವೆ.

ಆದರೆ ನಮ್ಮ ರಾಜ್ಯದಲ್ಲಿ ಕಳೆದ ವರ್ಷ ಕೆಲವು ಸಮುದಾಯಗಳಿಗೆ ಆರ್ಥಿಕ ಸಹಾಯ ಘೋಷಿಸಿ ಅದಕ್ಕೆ ಒಂದಿಷ್ಟು ದಾಖಲೆಗಳನ್ನು ಕಡ್ಡಾಯ ಮಾಡಿ ಕೆಲವೇ ಜನರಿಗೆ ಸಹಾಯ ಮಾಡಿರುವುದು ಅನ್ಯಾಯವಾಗಿದೆ. ಕಾರಣ ಮುಖ್ಯಮಂತ್ರಿಗಳು ರಾಜ್ಯದ ದೊಡ್ಡ ಮೊತ್ತದ ಅಭಿವೃದ್ಧಿ ಕೆಲಸ ನಿಂತರು ಪರವಾಗಿಲ್ಲ ರಾಜ್ಯದ ಪ್ರತಿಯೊಂದು ಬಿಪಿಎಲ್ ಕಾರ್ಡ್ ಹೊಂದಿದ ಮತ್ತು ಬಿಪಿಎಲ್ ಇಲ್ಲದೇ ಇರುವ ಬಡ ಕುಟುಂಬಗಳಿಗೆ ಪ್ರತಿ ತಿಂಗಳು ರೂ. 2000/ ಗಳನ್ನು 6 ತಿಂಗಳು ತನಕ ಜನಧನ ಖಾತೆ ಸೇರಿದಂತೆ ಪ್ರತಿ ಕುಟುಂಬದ ಬ್ಯಾಂಕ್ ಖಾತೆಗೆ ಜಮಾ ಮಾಡುವ ಘೋಷಣೆ ಮಾಡುವ ಮೂಲಕ ಒಬ್ಬ ಕ್ರಾಂತಿಕಾರಕ ಮುಖ್ಯಮಂತ್ರಿಗಳಾಗಬೇಕೆಂದು ರಾಜ್ಯದ ಮುಖ್ಯಮಂತ್ರಿಗಳಾದ ರೈತಪರ, ಬಡವರ ಬಂಧು ಮಾನ್ಯ ಬಿ.ಎಸ್.ಯಡಿಯೂರಪ್ಪ ನವರಲ್ಲಿ ಕಳಕಳಿಯಾಗಿ ವಿನಂತಿಸಿದ್ದಾರೆ.

ಇದು ಕುಟುಂಬಗಳಿಗೆ ಒಪ್ಪತ್ತಿನ ಗಂಜಿಗೆ ಅನುಕೂಲವಾಗುವುದು ಹೊರತು ಈ 2000 ರೂ.ಗಳು ಯಾವುದಕ್ಕೂ ಸಾಲುವುದಿಲ್ಲ. ಇದು ಆದರೆ ದೇಶದ ಕಠಿಣ ಪರಿಸ್ಥಿತಿಯಲ್ಲಿ ರಾಜ್ಯದ ಜನತೆಯ ಸಹ ಸಹಕರಿಸುತ್ತಿದ್ದಾರೆ. ಈ ಬಡ ಜನರ ಜೀವನ ನಿರ್ವಹಣೆಗೆ ಇದೊಂದು ಚಿಕ್ಕ ಸಹಾಯವಾಗುತ್ತದೆ. ಎಂದು ಮತ್ತೊಮೆ ಅವರು ಸರಕಾರಕ್ಕೆ ಪತ್ರಿಕಾ ಪ್ರಕಟಣೆ ಮೂಲಕ ಮನವಿ ಮಾಡಿದರು.

ಈ ಸಂದರ್ಭದಲ್ಲಿ ಒಕ್ಕೂಟದ ವಿಭಾಗೀಯ ಅಧ್ಯಕ್ಷರಾದ ನಂದಕುಮಾರ ನಾಗಭುಜಂಗೆ, ಗೌರವ ಅಧ್ಯಕ್ಷರಾದ ಜಗನ್ನಾಥ ಸೂರ್ಯವಂಶಿ, ಅಮೃತ ಪಾಟೀಲ, ಮಲ್ಲಿಕಾರ್ಜುನ ಸಾರವಾಡ, ಗೋಪಾಲ ನಾಟೀಕಾರ, ದತ್ತು ಭಾಸಗಿ, ಮನೋಹರ ಬೀರನೂರ, ಶಿವಲಿಂಗ ಹಳಿಮನಿ, ಸಂದೀಪ ಭರಣಿ, ಆನಂದ ತೆಗನೂರ, ರವಿ ದೇಗಾಂವ, ದಿನೇಶ ನಾಯಕ,ಪ್ರದೀಪ್ ಬಾಚನಳ್ಳಿ , ಮಲ್ಲಿಕಾರ್ಜುನ ಎಸ್ ಸರಡಗಿ, ಶರಣು ಬಡಿಗೇರ ಇದ್ದರು.