ಕಿತ್ತು ಹೋದ ರಸ್ತೆ ಪರಿಶೀಲಿಸಿದ ನಗರಸಭೆಯ ಅಧ್ಯಕ್ಷೆ ಪೌರಾಯುಕ್ತರ ತಂಡ

ಶಹಾಬಾದ: ನಗರದ ಬಸವೇಶ್ವರ ವೃತ್ತದಿಂದ ಶಾಸ್ತ್ರಿ ವೃತ್ತದವರೆಗಿನ ಡಾಂಬರೀಕರಣ ರಸ್ತೆ ಕಿತ್ತು ಹೋಗಿದ್ದರಿಂದ ಸಾರ್ವಜನಿಕರ ದೂರಿನ್ವಯ ನಗರಸಭೆಯ ಅಧ್ಯಕ್ಷೆ ಅಂಜಲಿ ಗಿರೀಶ ಕಂಬಾನೂರ ನೇತೃತ್ವದಲ್ಲಿ ಪೌರಾಯುಕ್ತ ಡಾ.ಕೆ.ಗುರಲಿಂಗಪ್ಪ, ಎಇಇ ಪುರುಷೋತ್ತಮ ಅವರು ಕಾಮಗಾರಿಯ ಗುಣಮಟ್ಟವನ್ನು ಪರಿಶೀಲಿಸಿದರು.

ಕಾಮಗಾರಿ ಮಾಡಿ ಒಂದೇ ದಿನದಲ್ಲಿ ಡಾಂಬರೀಕರಣ ರಸ್ತೆ ಡಾಂಬರ ಕಿತ್ತು ಬರುತ್ತಿರುವುದರಿಂದ ಸಾರ್ವಜನಿಕರು ನಗರಸಭೆಯ ಅಧಿಕಾರಿಗಳಿಗೆ ಹಾಗೂ ಅಧ್ಯಕ್ಷರಿಗೆ ದೂರು ನೀಡಿದ್ದರು. ಈ ಕುರಿತು ಸೋಮವಾರ ಸ್ಥಳಕ್ಕೆ ಆಗಮಿಸಿ ಪರಿಶೀಲಿಸಿದಾಗ ಸಾಕಷ್ಟು ಸ್ಥಳದಲ್ಲಿ ಡಾಂಬರು ಕಿತ್ತುಕೊಂಡು ಬರುತ್ತಿದ್ದನ್ನು ಗಮನಿಸಿದರು.

ಬಾಲಕನೊಬ್ಬ ತನ್ನ ತಾಯಿಯ ಪ್ರಾಣ ಉಳಿಸಿಕೊಳ್ಳಲು: 25 ಸಾವಿರ ಸಹಾಯ

ಈ ಸಂದರ್ಭದಲ್ಲಿ ರಸ್ತೆಯ ಮೇಲೆ ಮಣ್ಣು ಹಾಗೂ ಧೂಳು ತೆಗೆಯದೇ ಡಾಂಬರೀಕರಣ ಮಾಡಿದ್ದಾರೆ.ರಸ್ತೆಯ ನಿರ್ಮಾಣ ಮಾಡಬೇಕಾದ ಯಾವುದೇ ನಿಯಮಾವಳಿ ಇಲ್ಲ.ಅವೈಜ್ಞಾನಿಕ ಕಾಮಗಾರಿ ಕೈಗೊಂಡಿದ್ದಾರೆ ಎಂದು ಸಾರ್ವಜನಿಕರು ದೂರಿನ ಸುರಿಮಳೆಗೈದರು. ಅಲ್ಲದೇ ಸರಿಯಾದ ಪ್ರಮಾಣದಲ್ಲಿ ಡಾಂಬರ ಹಾಕದಿರುವುದು ಕಂಡು ಬಂತು. ಜೆಇ ಬಸವರಾಜ ಅವರನ್ನು ಕಾಮಗಾರಿ ನಡೆಯುವಾಗ ಏನು ಮಾಡುತ್ತಿದ್ದಿರಿ.ಪರಿಶೀಲನೆ ಮಾಡುವುದು ನಿಮ್ಮ ಜವಾಬ್ದಾರಿ ಅಲ್ಲವೇ ಎಂದು ಪೌರಾಯುಕ್ತರು ಆಕ್ರೋಶಗೊಂಡರು.

ಡಾಂಬರೀಕರಣ ಮಾಡದಿರುವಂತೆ ಹೇಳಲಾಗಿದೆ.ಆದರೂ ಗುತ್ತಿಗೆದಾರ ಅಧಿಕಾರಿಗಳ ಮಾತಿಗೆ ಬೆಲೆ ಕೊಡದೇ ಹಾಗೂ ರವಿವಾರ ವಾರದ ರಜೆಯ ಸಮಯದಲ್ಲಿ ಯಾರು ಇರದ ಸಮಯದಲ್ಲಿ ಡಾಂಬರೀಕರಣ ಮಾಡಿದ್ದಾನೆ ಜೆಇ ಬಸವರಾಜ ತಿಳಿಸಿದರು.ಅಲ್ಲದೇ ಬಸವೇಶ್ವರ ವೃತ್ತದಿಂದ ಜೇವರ್ಗಿ ವೃತ್ತದ ವರೆಗಿನ ರಸ್ತೆ ಕಾಮಗಾರಿ ಇನ್ನೂ ನಡೆಯುತ್ತಿರುವಾಗಲೇ ರಸ್ತೆಯ ತುಂಬೆಲ್ಲಾ ತೆಗ್ಗುಗಳು ಬಿದ್ದಿರುವುದನ್ನು ಕಂಡರು.ತಕ್ಷಣವೇ ನಗರಸಭೆಯ ಅಧ್ಯಕ್ಷೆ ಅಂಜಲಿ ಗಿರೀಶ ಕಂಬಾನೂರ ಹಾಗೂ ಪೌರಾಯುಕ್ತ ಡಾ.ಕೆ.ಗುರಲಿಂಗಪ್ಪ ಗುತ್ತಿಗೆದಾರನಿಗೆ ಕರೆ ಮಾಡಿ ಡಾಂಬರೀಕರಣ ಮಾಡಿದ ಒಂದೆ ದಿನದಲ್ಲಿ ಡಾಂಬರು ಕಿತ್ತು ಬರುತ್ತಿದೆ.ಅಲ್ಲದೇ ಡಾಂಬರೀಕರಣ ಮಾಡದಿರುವಂತೆ ಹೇಳಿದರೂ ಕಾಮಗಾರಿ ಏಕೆ ಮಾಡಿದೆ. ಕೂಡಲೇ ಮತ್ತೊಮ್ಮೆ ಕಾಮಗಾರಿ ಮಾಡಿ.ಗುಣಮಟ್ಟದ ಕಾಮಗಾರಿ ಮಾಡದೇ ಹೋದರೆ ಇಲ್ಲದಿದ್ದರೇ ಬಿಲ್ ತಡೆಹಿಡಿಯಲಾಗುವುದು. ಅಲ್ಲದೇ ಕಳಪೆ ಕಾಮಗಾರಿ ಮಾಡಿದರೆ ಕ್ರಮ ಎದುರಿಸಬೇಕಾಗುತ್ತದೆ ಎಂದು ಗುತ್ತಿಗೆದಾರನಿಗೆ ಎಚ್ಚರಿಕೆ ನೀಡಿದರು.

ವರ್ಲ್ಡ್ ಬುಕ್ ಆಫ್ ರಿಕಾರ್ಡ್ ಪ್ರಶಸ್ತಿ ಭಾಜನರಾದ ಧರ್ಮ ಗುರು ರಾಜರಾಜೇಶ್ವರಿ

ಅಲ್ಲದೇ ಬಸವೇಶ್ವರ ವೃತ್ತದಿಂದ ಶಾಸ್ತ್ರಿ ವೃತ್ತದವರೆಗಿನ ಡಾಂಬರೀಕರಣ ರಸ್ತೆ ಕಾಮಗಾರಿಯ ಬಿಲ್ ಮಾಡದಂತೆ ಜೆಇ ಬಸವರಾಜ ಅವರಿಗೆ ತಾಕೀತು ಮಾಡಿದರು. ಜೆಇ ಮೌಲಾಲಿ, ಮಾಜಿ ನಗರಸಭೆಯ ಅಧ್ಯಕ್ಷ ಗಿರೀಶ ಕಂಬಾನೂರ, ಸಭೆ ಸದಸ್ಯ ನಾಗರಾಜ ಕರಣಿಕ, ನಗರಸಭೆಯ ನಾಮನಿರ್ದೇಶಿತ ಸದಸ್ಯ ಶರಣು ವಸ್ತ್ರದ್ ಇತರರು ಇದ್ದರು.