ಸುರಪುರ ನಗರಕ್ಕೆ ಶಾಸ್ವತ ಕುಡಿಯುವ ನೀರು ಸಿಗಲಿದೆ: ಶಾಸಕ ರಾಜುಗೌಡ

ಸುರಪುರ: ನಗರಕ್ಕೆ ಶಾಸ್ವತ ಕುಡಿಯುವ ನೀರಿನ ಯೋಜನೆ ರೂಪಿಸಿದ್ದು ಮುಂದಿನ ೪೫ ವರ್ಷಗಳ ವರೆಗೆ ನೀರಿನ ಸಮಸ್ಯೆ ಬಾರದಂತೆ ಯೋಜನೆ ಜಾರಿಗೊಳಿಸಲಾಗುತ್ತಿದೆ ಎಂದು ಕರ್ನಾಟಕ ನಗರ ನೀರು ಸರಬರಾಜು ಮತ್ತು ಒಳ ಚರಂಡಿ ಮಂಡಳಿ ಅಧ್ಯಕ್ಷ ಹಾಗು ಶಾಸಕ ನರಸಿಂಹ ನಾಯಕ (ರಾಜುಗೌಡ)ತಿಳಿಸಿದರು.

ತಾಲೂಕಿನ ದೇವಾಪುರ ಬಳಿಯಬ ಕಂಪಾಪುರ ಬಳಿಯಲ್ಲಿನ ಕೃಷ್ಣಾ ನದಿಯ ಬಳಿ ನಿರ್ಮಿಸಲುದ್ದೇಶಿಸಿರುವ ಕಾಮಗಾರಿ ನಿರ್ಮಾಣದ ಸ್ಥಳ ಪರಿಶೀಲನೆ ಮಾಡಿ ಮಾತನಾಡಿ,ಒಟ್ಟು ೧೫೮ ಕೋಟಿ ೮೦ ಲಕ್ಷ ರೂಪಾಯಿಗಳ ಕಾiಗಾರಿಯಿದ್ದು ಈಗಾಗಲೇ ಟೆಂಡರ್ ಪ್ರಕ್ರೀಯೆ ಮುಗಿದಿದ್ದು ಇನ್ನೆರಡು ದಿನದಲ್ಲಿ ಹಣಕಾಸು ಬಿಡ್‌ಕೂಡ ಮುಗಿಯಲಿದ್ದು ಒಂದರಿಂದ ಒಂದುವರೆ ತಿಂಗಳಲ್ಲಿ ಕಾಮಗಾರಿ ಆರಂಭವಾಗಲಿದೆ. ಅಲ್ಲದೆ ೧೩ ತಿಂಗಳಲ್ಲಿ ಕಾಮಗಾರಿ ಮುಗಿಸುವಂತೆ ಸೂಚಿಸಲಾಗಿದ್ದು ಇಷ್ಟೊಂದು ಬೃಹತ್ ಯೋಜನೆಯನ್ನು ಅತೀ ಕಡಿಮೆ ಅವಧಿಯಲ್ಲಿ ಮುಗಿಸಿಕೊಡುವ ಮೂಲಕ ಜನರಿಗೆ ಅನುಕೂಲ ಕಲ್ಪಿಸಲಾಗುವುದು ಎಂದರು.ಒಟ್ಟು ೭ ಬೃಹತ್ ಟ್ಯಾಂಕ್‌ಗಳನ್ನು ನಿರ್ಮಿಸಲಾಗುತ್ತದೆ.ಪ್ರತಿ ಮನೆಗಳಿಗೂ ನೀರು ತಲುಪಿಸುವ ಯೋಜನೆಯು ಅತ್ಯಂತ ಸುಧಾರಿತ ತಂತ್ರಜ್ಞಾನವನ್ನು ಬಳಸಿಕೊಳ್ಳಲಾಗುತ್ತಿದ್ದು,ಇದರ ಅಂದಾಜು ೧೫೦ ಕಿ.ಮೀ ಆಗಲಿದೆ ಎಂದು ತಿಳಿಸಿದರು.

ಇದು ಬೇಸಿಗೆ ಸಂದರ್ಭದಲ್ಲಿ ನೀರು ಸರಬರಾಜಿಗಾದರೆ ಇನ್ನು ಪ್ರವಾಹದ ಸಂದರ್ಭದಲ್ಲಿಯೂ ನೀರಿನ ತೊಂದರೆಯಾಗದಂತೆ ಇನ್ನೊಂದು ಯೋಜನೆಯೂ ಇದ್ದು ಅದಕ್ಕಾಗಿ ಸುಮಾರು ೬೦ ಎಕರೆ ಭೂಮಿ ನೋಡಲಾಗುತ್ತಿದೆ.ಅದಕ್ಕಾಗಿಯೂ ಬೇರೆ ಅನುದಾನ ತೆಗೆದಿರಿಸಲಾಗಿದೆ ಎಂದರು.ಇದೇ ಸಂದರ್ಭದಲ್ಲಿ ಯೋಜನೆಯ ನೀಲ ನಕ್ಷೆಯನ್ನು ವೀಕ್ಷಿಸಿದರು.

ಈ ಸಂದರ್ಭದಲ್ಲಿ ಜಿ.ಪಂ ಮಾಜಿ ಅಧ್ಯಕ್ಷ ರಾಜಾ ಹನುಮಪ್ಪ ನಾಯಕ (ತಾತಾ) ಪಿ.ಐ ಎಸ್.ಎಮ್.ಪಾಟೀಲ್ ವೇಣುಗೋಪಾಲ ಜೇವರ್ಗಿ ನಗರಸಭೆ ಉಪಾಧ್ಯಕ್ಷ ಮಹೇಶ ಪಾಟೀಲ್ ಶಂಕರ ನಾಯಕ ನಗರಸಭೆ ಸದಸ್ಯ ನರಸಿಂಹಕಾಂತ ಪಂಚಮಗಿರಿ ಬಲಭೀಮ ನಾಯಕ ಬೈರಿಮಡ್ಡಿ ಮಲ್ಲು ದಂಡಿನ್ ಕಂದಾಯ ಇಲಾಖೆಯ ಸೋಮನಾಥ ನಾಯಕ ವೀರುಪಾಕ್ಷಿ ಕೋನಾಳ ಹಾಗು ಕರ್ನಾಟಕ ನಗರ ನೀರು ಸರಬರಾಜು ಮತ್ತು ಒಳ ಚರಂಡಿ ಮಂಡಳಿಯ ಜಿಲ್ಲಾ ಮಟ್ಟದ ಅಧಿಕಾರಿಗಳು ಹಾಗು ದೇವಾಪುರ ಗ್ರಾಮದ ಅನೇಕರಿದ್ದರು.