ದಲಿತ ಸೇನೆ: ಸುರಪುರ ತಾಲೂಕು ಘಟಕ ಪದಾಧಿಕಾರಿಗಳ ನೇಮಕ

ಸುರಪುರ: ನಗರದ ಟೈಲರ್ ಮಂಜಿಲ್‌ನಲ್ಲಿ ಸಭೆ ನಡೆಸಿ ದಲಿತ ಸೇನೆ ಸಂಘಟನೆಗೆ ಸುರಪುರ ತಾಲೂಕು ಘಟಕಕ್ಕೆ ನೂತನ ಪದಾಧಿಕಾರಿಗಳನ್ನು ನೇಮಕಗೊಳಿಸಲಾಯಿತು.

ನಗರಸಭೆಯ ಮಾಜಿ ಅಧ್ಯಕ್ಷ ಚಂದ್ರಶೇಖರ ಹಸನಾಪುರ ಅವರ ಸಮ್ಮುಖದಲ್ಲಿ ನಡೆದ ಸಭೆಯಲ್ಲಿ ಸಂಘಟನೆಯ ಜಿಲ್ಲಾಧ್ಯಕ್ಷ ಅಶೋಕ ಹೊಸ್ಮನಿಯವರು ಸಭೆಯ ಅಧ್ಯಕ್ಷತೆಯನ್ನು ವಹಿಸಿ ಮಾತನಾಡಿ,ಕಳೆದ ಅನೇಕ ವರ್ಷಗಳಿಂದ ರಾಜ್ಯದಲ್ಲಿ ದೀನ ದಲಿತ ಶೋಷಿತರ ಪರವಾಗಿ ಹೋರಾಟ ಮಾಡಿಕೊಂಡು ಬರುತ್ತಿರುವ ದಲಿತ ಸೇನೆಗೆ ಈಗ ಜಿಲ್ಲಾ ಮತ್ತು ತಾಲೂಕು ಘಟಕಕ್ಕೆ ನೂತನ ಪದಾಧಿಕಾರಿಗಳನ್ನು ನೇಮಕಗೊಳಿಸಲಾಗುತ್ತಿದ್ದು,ಎಲ್ಲರು ಸಂಘಟನೆಯನ್ನು ಬೆಳೆಸುವ ಜೊತಗೆ ದಲಿತರ ಏಳಿಗೆಗೆ ಹೋರಾಟವನ್ನು ರೂಪಿಸಿಕೊಂಡು ಹೋಗುವಂತೆ ತಿಳಿಸಿದರು.

ನಂತರ ನಡೆದ ಪದಾಧಿಕಾರಿಗಳ ಆಯ್ಕೆಯಲ್ಲಿ ಸುರಪುರ ತಾಲೂಕು ಘಟಕದ ಅಧ್ಯಕ್ಷರಾಗಿ ಕಳೆದ ಎರಡು ವರ್ಷಗಳಿಂದ ಉತ್ತಮವಾಗಿ ಸೇವೆ ಸಲ್ಲಿಸಿದ ನಿಂಗಣ್ಣ ಗೋನಾಲ ಅವರನ್ನು ಜಿಲ್ಲಾ ಪ್ರಧಾನ ಕಾರ್ಯದರ್ಶಿಯನ್ನಾಗಿ ನೇಮಕಗೊಳಿಸಲಾಯಿತು.ಅಲ್ಲದೆ ಸುರಪುರ ತಾಲೂಕು ಘಟಕದ ಅಧ್ಯಕ್ಷರನ್ನಾಗಿ ಹುಲಗಪ್ಪ ದೇವತ್ಕಲ್ ಅವರನ್ನು ಹಾಗು ತಾಲೂಕು ಪ್ರಧಾನ ಕಾರ್ಯದರ್ಶಿಯನ್ನಾಗಿ ರವಿ ಬೊಮ್ಮನಹಳ್ಳಿ ಮತ್ತು ಉಪಾಧ್ಯಕ್ಷರನ್ನಾಗಿ ಮಾನಪ್ಪ ಝಂಡದಕೇರಿ,ಗೋಪಾಲ ಗೋಗಿಕೇರಿ ಅವರನ್ನು ಮತ್ತು ಕಾರ್ಯದರ್ಶಿಯನ್ನಾಗಿ ಶಿವಣ್ಣ ನಾಗರಾಳ ಅವರನ್ನು ನೇಮಿಸಲಾಯಿತು ಮತ್ತು ತಾಯಪ್ಪ ಕನ್ನೆಳ್ಳಿಯವರನ್ನು ತಾಲೂಕು ಸಂಘಟನಾ ಕಾರ್ಯದರ್ಶಿಯನ್ನಾಗಿ ಹಾಗು ಜಗದೀಶ ಯಕ್ತಾಪುರವರನ್ನು ತಾಲೂಕು ಖಜಾಂಚಿಯನ್ನಾನಿ ನೇಮಿಸಲಾಯಿತು.

ಈ ಸಂದರ್ಭದಲ್ಲಿ ಮುಖಂಡರಾದ,ಹಣಮಂತ ಕುಂಬಾರಪೇಠ,ಸುಭಾಸ ತೇಲ್ಕರ್,ರಾಹುಲ್ ನಾಟೇಕಾರ್,ರಂಗನಾಥ ಮುದನೂರು, ಭೀಮಣ್ಣ ಹೆಬ್ಬಾಳ,ಸಂತೋಷ ಯಕ್ತಾಪುರ,ಅಂಬ್ರೇಶ ಬೊಮ್ಮನಹಳ್ಳಿ,ಹಣಮಂತ ಬೊಮ್ಮನಹಳ್ಳಿ ಸೇರಿದಂತೆ ಅನೇಕರಿದ್ದರು.