ರೈತರಿಗೆ ಡಿಸಿಸಿ ಬ್ಯಾಂಕಿನ ಸಾಲದ ಹಣ ಸರಿಯಾಗಿ- ಪೂರ್ಣ ಪ್ರಮಾಣದಲ್ಲಿ ತಲುಪಲಿ: ಹಣಮಂತರಾವ್ ಭೂಸನೂರ್ ಆಗ್ರಹ

ಕಲಬುರಗಿ: ಮೊದಲೇ ಕೋವಿಡ್ ಲಾಕ್‍ಡೌನ್, ಅತಿವೃಷ್ಟಿಯಿಂದ ಬೆಳೆಹಾನಿ ಅನುಭವಿಸುತ್ತ ಕಳೆÉದ 2 ವರ್ಷದಿಂದ ತೀವ್ರ ತೊಂದರೆಯಲ್ಲಿರುವ ಆಳಂದದ ರೈತರಿಗೆ ಡಿಸಿಸಿ ಬ್ಯಾಂಕಿನ ಸಾಲದ ಸಂಪೂರ್ಣ ಮೊತ್ತ ಯಾವುದೇ ತರಹದ ಕಡಿತ ಇಲ್ಲದಂತೆ ನ್ಯಾಯಯುತವಾಗಿ ಎಲ್ಲಾ ಅರ್ಹ ಫಲಾನುಭವಿ ರೈತರಿಗೆ ತಲುಪುವಂತಾಗಲಿ ಎಂದು ಕೆಪಿಸಿಸಿ ಸದಸ್ಯ, ಪ್ರಗತಿಪರ ರೈತ ಹಣಮಂತರಾವ್ ಭೂಸನೂರ್ ಆಗ್ರಹಿಸಿದ್ದಾರೆ.

ಆಳಂದ ತಾಲೂಕಿನಲ್ಲಿ ಇರುವ ಒಟ್ಟು 36 ಪ್ರಾಥಮಿಕ ಸಹಕಾರ ಸಂಘಗಳಿಂದ ಮೊದಲ ಹಂತದ ಸಾಲ ವಿತರಣೆ ಸಾಗಿದೆ. ಇದುವರೆಗೂ ಸಾಲ ಪಡೆಯದ ರೈತರನ್ನೇ ಆದ್ಯತೆ ಮೇಲೆ ಗುರುತಿಸಿ ಸಾಲ ನೀಡುವುದಾಗಿ ಡಿಸಿಸಿ ಬ್ಯಾಂಕಿನ ಅಧ್ಯಕ್ಷರು ಹೇಳಿದ್ದಾರೆ. ಆಳಂದದಲ್ಲಿಯೂ ಡಿಸಿಸಿ ಬ್ಯಾಂಕ್ ತಾನು ರೂಪಿಸಿರುವ ನಿಯಮಗಳಂತೆಯೇ ಅರ್ಹ ರೈತರನ್ನು ಗುರುತಿಸಿ ಸಾಲ ವಿತರಿಸಲಿ. ಆ ಮೂಲಕ ಇದುವರೆಗೂ ಡಿಸಿಸಿ ಬ್ಯಾಂಕಿನ ನೆರವನ್ನೇ ಕಂಡಿರದ ರೈತರಿಗೆ ಸಾಲದ ಹಣ ತಲುಪಿ ಅವರು ಒಕ್ಕಲುತನದಲ್ಲಿ ಏಳಿಗೆ ಸಾಧಿಸುವಂತಾಗಲಿ ಎಂದು ಅಭಿಪ್ರಾಯಪಟ್ಟಿದ್ದಾರೆ.

ರೈತರಿಗೆ ನೀಡುವ ಸಾಲದ ಹಣದ ಪೂಣರ್À ಮೊತ್ತ ಅವರ ಖಾತೆಗೆ ಸಂದಾಯವಾಗಲಿ,, ಜವಾಬ್ದಾರಿ ಸ್ಥಾನದಲ್ಲಿರುವವರು ಈ ಕೆಲಸ ಸುರಳೀತ ನಡೆಯುವಂತೆ ನೋಡಿಕೊಳ್ಳಲಿ. ರೈತರು ಮುಗ್ಧರು. ಏನನ್ನೂ ಅರಿಯದವರು. ಹೀಗಾಗಿ ಕೋವಿಡ್ ಸಂಕಷ್ಟದಲ್ಲೇ ಸಾಲದ ನೆರವು ಅವರಿಗೆ ದೊರಕಿದಲ್ಲಿ ಅವರ ಬೇಸಾಯದ ಬದುಕಿಗೆ ಊರುಗೋಲಾಗುತ್ತದೆ. ಅದರಿಂದ ರೈತರು ತಮ್ಮ ಕಷ್ಟ ಪರಿºರಿಸಿಕೊಂಡು ಮುನ್ನೆಡೆ ಸಾಧಿಸಲು ಅನುಕೂಲವಾಗುತ್ತದೆ ಎಂದೂ ಹಣಮಂತರಾವ ಭೂಸನೂರ್ ಹೇಳಿದ್ದಾರೆ.