ಆಧುನಿಕತೆಯಲ್ಲಿ ಬದುಕು ವ್ಯಾಪಾರಿಕಣ: ಶಿವಾನಂದ ಅಣಜಗಿ

ಕಲಬುರಗಿ: ತಂತ್ರಜ್ಞಾನದ ಆಧುನಿಕತೆಯಲ್ಲಿ ಬದುಕು ವ್ಯಾಪಾರಿಕಣವಾಗಿದೆ. ಮಾನಸಿಕವಾಗಿ ಸಾಂಸ್ಕೃತಿಕವಾಗಿ ಗುಲಾಮರಾಗಿದ್ದೇವೆ ಎಂದು ಹಾಲಹಳ್ಳಿ ಸ್ನಾತಕೋತ್ತರ ಪದವಿ ಕೇಂದ್ರದ ಪ್ರಾಧ್ಯಾಪಕರಾದ ಶಿವಾನಂದ ಅಣಜಗಿ ಹೇಳಿದರು.

ಗುಲ್ಬರ್ಗ ವಿಶ್ವವಿದ್ಯಾಲಯದ ಕಲಬುರಗಿ ಸಮಾಜಕಾರ್ಯ ಅಧ್ಯಾಯನ ಮತ್ತು ಸಂಶೋಧನೆ ವಿಭಾಗ ಮುಖ್ಯ ಆವರಣ ಕಲಬುರಗಿ ಹಾಗೂ ಸ್ನಾತಕೋತ್ತರ ಕೇಂದ್ರ ಹಾಲಹಳ್ಳಿ ಕೆ ಬೀದರ ಇವರ ಜಂಟಿ ಆಶ್ರಯದಲ್ಲಿ ಕಲಬುರಗಿ ತಾಲ್ಲೂಕಿನ ವೆಂಕಟ ಬೇನೂರ ಗ್ರಾಮದಲ್ಲಿ ಏಳು ದಿನಗಳ ಕಾಲ ನಡೆಯುವ ಸಮಾಜ ಕಾರ್ಯ ಶಿಬಿರದಲ್ಲಿ ನಡೆದ ಆರನೇ ದಿನದ ವೇದಿಕೆ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು ತಂತ್ರಜ್ಞಾನದ ಭರಾಟೆಗೆ ಗ್ರಾಮೀಣ ಪ್ರದೇಶದ ಜನರ ನೆಮ್ಮದಿ ಹಾಳಾಗಿದೆ.

ಅಂದು ಹಳ್ಳಿಗಳಲ್ಲಿ ಬಿಸೋ ಪದ, ಜಾನಪದ ಗೀತೆ ಹಾಡುತ್ತಿದ್ದರು ಆದರೆ ಅವುಗಳು ಇಂದು ಗೌಣವಾಗುತ್ತಿದೆ ಸಮಾಜದಲ್ಲಿ ಪರಿವರ್ತನೆ ತರಲು ಒಬ್ಬ ಸಮಾಜ ಕಾರ್ಯಕರ್ತನಿಂದ ಮಾತ್ರ ಸಾಧ್ಯ ಎಂದು ಹೇಳಿದರು.

ಯಲ್ಲಾಲಿಂಗ ಕಾಳನೂರ ಮಾತನಾಡಿ, ಜೀವನದಲ್ಲಿ ಪ್ರತಿಯೊಬ್ಬರಿಗೂ ಒಂದೊಂದು ರೀತಿಯ ಸಂಕಷ್ಟಗಳು ಬರುತ್ತವೆ ಅವನ್ನು ಧೈರ್ಯದಿಂದಿ ಮೇಟ್ಟಿ ನಿಂತಾಗ ಮಾತ್ರ ಉತ್ತಮವಾಗಿ ಪರಿಹಾರ ಸಿಗುತ್ತದೆ ಎಂದು ಹೇಳಿದರು.

ಈ ಸಂದರ್ಭದಲ್ಲಿ ಡಾ. ಶಾಂತಕುಮಾರ ಚಿದ್ರಿ, ಡಾ. ಜಾಧವ, ಗುರುಲಿಂಗಯ್ಯ ಸ್ವಾಮಿ, ಯುವರಾಜ ಕಟ್ಟಿಮನಿ, ಡಾ. ಪ್ರದೀಪ ಕಡೂನ, ಶ್ರೀಮತಿ ವಿಣಾ ಎಸ್. ಬೆಳಂಗಿ ಸೇರಿದಂತೆ ಶಿಬಿರಾರ್ಥಿಗಳು ಮತ್ತು ಗ್ರಾಮಸ್ಥರು ಉಪಸ್ಥಿತರಿದ್ದರು.