ಮಾಜಿ ಸಚಿವ ಜಮೀರ್ ಖಾನ್ ಹುಟ್ಟುಹಬ್ಬ ಅಭಿಮಾನಿಗಳಿಂದ ಲೇಖನ ಸಾಮಗ್ರಿ ವಿತರಣೆ

ಯಾದಗಿರಿ: ಮಾಜಿ ಸಚಿವ ಬಿ.ಝೆಡ್. ಜಮೀರ್ ಅಹಮ್ಮದ್ ಖಾನ್ ಅವರ ೫೩ ನೇ ಜನ್ಮದಿನಾಚರಣೆ ಅಂಗವಾಗಿ ಅವರ ಅಭಿಮಾನಿಗಳು ನಗರದ ಸರ್ಕಾರಿ ಕನ್ಯಾ ಮಾದರಿ ಪ್ರೌಢಶಾಲೆ (ಉರ್ದು) ಹಾಗೂ ಇಖ್ರಾ ಪಬ್ಲಿಕ್ ಶಾಲೆಯಲ್ಲಿ ವಿದ್ಯಾರ್ಥಿಗಳಿಗೆ ಲೇಖನ ಸಾಮಗ್ರಿ ವಿತರಿಸಿ ಆಚರಿಸಿದರು.

ಬಿ.ಝೆಡ್, ಜಮೀರ್ ಅಹಮ್ಮದ್ ಖಾನ್ ಅಭಿಮಾನಿ ಬಳಗದ ಕಾರ್ಯಕರ್ತರು ಉಭಯ ಶಾಲೆಗಳಿಗೆ ತೆರಳಿ ಮಕ್ಕಳಿಗೆ ಲೇಖನ ಸಾಮಗ್ರಿ ವಿತರಿಸಿ ಮಾಜಿ ಸಚಿವರೂ ಹಾಗೂ ಮುಸ್ಲಿಂ ಸಮಾಜದ ನಾಯಕರೂ ಆದ ಜಮೀರ್ ಅಹಮ್ಮದ್ ಖಾನ್ ಅವರಿಗೆ ಶುಭಾಷಯ ಕೋರಿದರು.

ಈ ಸಂದರ್ಭದಲ್ಲಿ ಮಾತನಾಡಿದ ಜಮೀರ್ ಅಭಿಮಾನಿಗಳ ಸಂಘದ ಮುಖಂಡ ಸದ್ದಾಂ ಹುಸೇನ್, ಜಮೀರ್ ಅಹಮ್ಮದ್ ಖಾನ್ ಅವರು ವಿದ್ಯಾರ್ಥಿಗಳಿಗಾಗಿ ತಮ್ಮ ಸ್ವಂತ ಖರ್ಚಿನಲ್ಲಿಯೂ ಸಾಕಷ್ಟು ನೆರವು ನೀಡುತ್ತಾರೆ. ಸಚಿವರಾಗಿ ಸಾಕಷ್ಟು ಅಭಿವೃದ್ಧಿ ಕಾರ್ಯ ಮಾಡಿದ್ದು ಇವರ ಕಾರ್ಯ ಇತರರಿಗೆ ಮಾದರಿಯಾಗಿದೆ ಎಂದು ಹೇಳಿದರು.

ಇನ್ನೋರ್ವ ಮುಖಂಡ ಅಭಿಮಾನಿಗಳ ಸಂಘದ ಅಧ್ಯಕ್ಷ ಜಾಫರ್ ಅಹಮ್ಮದ್ ಕೆಂಭಾವಿ ಮಾತನಾಡಿ ಮುಂಬರುವ ದಿನಗಳಲ್ಲಿ ಜಮೀರ್ ಅಹಮ್ಮದ್ ಖಾನ್ ಅವರ ಹುಟ್ಟು ಹಬ್ಬದಂದು ಇನ್ನು ಹೆಚ್ಚಿನ ನೆರವು ನೀಡಲು ಯೋಜಿಸಲಾಗಿದೆ ಎಂದು ತಿಳಿಸಿದರು.

ಈ ಸಂದರ್ಭದಲ್ಲಿ ಮುಖಂಡರಾದ ಶಾಲೆಗಳ ಪ್ರಾಚಾರ್ಯರಾದ ಮಹಮ್ಮದ್ ಫರೀದ, ಅಕ್ಬರ್, ಗೌಸಿಯಾ ಬೇಗಂ, ಮಹಮ್ಮದ್, ಅಜರ್, ಇಂಜಮಾಮ ಖೊತ್, ಅಬಿಬ, ಇಜಾಜ್ ಸಗರಿ, ಬಾಬಾ ಸಗರಿ, ಸಲ್ಮಾನ್, ಮಹೆಬೂಬ ಅಯೂಬ್ ಸೇರಿದಂತೆ ಹೆಚ್ಚಿನ ಸಂಖ್ಯೆಯಲ್ಲಿ ಅಬಿಮಾನಿಗಳು ಪಾಲ್ಗೊಂಡಿದ್ದರು.